रोमियों 2:13 - चम्बयाली नौआ नियम

¹³ किजोकी मूसा रे कानून जो सुनणे वाले मणू नी, पर कानून जो मनणे वाले मणू धार्मिक ठैहराए जांदे।

रोमियों 2:13 ပူးပေါင်းရင်းမြစ်များ

लूका 18:14

यीशु ने फिरी बोल्लेया, मैं तुसा जो बोलदा हाँ कि ए चुंगी लैणे वाला मणू परमेश्वर रे अग्गे धार्मिक मन्नेया गेया, अते अपणे घरे वापिस हटी गेया, ना कि दुज्जा! पर फरीसी कने इदेया नी होया, किजोकी जे कोई भी अपणे आप जो बड्डा समझगा, से छोटा कित्ता जाँणा, पर जे कोई अपणे आप जो छोटा समझगा, तिसजो बड्डा कित्तेया जाँणा।

लूका 8:21

यीशु ने बोल्लेया, मेरी मां अते भ्याल तां ए हिन जे परमेश्वर रे वचन जो सूणदे अते तिन्हा पर चलदे

यूहन्ना 13:17

अवे तुसा ए गल्लां जाणदे हिन, ते जे उन्हा रे हिसाब कने चलो तां तुसा धन्न हिन।

प्रेरितां रे कम्म 13:39

ते जिन्हा गल्लां कने तुसा मूसा रे कानून रे जरिए धार्मिक नी ठैहरी सकदे थिये, तिन्हा सबणी हर इक्क गल्ल कने इक्क विश्वास करणे वाला यीशु रे जरिए धार्मिक ठहरदा।

रोमियों 10:5

मूसा रा कानून, परमेश्वर री नजर बिच धार्मिक ठैहरणे रे बारे बिच पवित्रशास्त्र बिच ए लिखदा, “जे मणू इन्हा गल्लां जो मनदा, तिनिये तिन्हा री वजह कने जिन्दे रैह्णा।”

रोमियों 2:25

जे अगर तू मूसा रे कानून पर चले, तां ता खतने रा फायदा है, पर जे अगर तू कानून जो नी मन्ने, तां तुसा खतना वाले यहूदी लोक, बगैर खतने वाले गैर यहूदियां रे ही बराबर हिन।

रोमियों 3:20

किजोकी मूसा रे कानून जो मनणे कने कुसकी भी मणू ने परमेश्वर रे सामणे धार्मिक नी ठैहरणा, किजोकी मूसा रे कानून री वजह कने ए पता चलदा हुंदा कि असा ने पाप कित्ते रा है।

रोमियों 3:23

किजोकी सारेयां ने पाप कित्तेया ते परमेश्वर री महिमा का दुर होई गेरे हिन।

रोमियों 3:30

किजोकी इक्क ही परमेश्वर है जिन्हा ने खतना वाले लोक्कां जो, ते बगैर खतना वाले लोक्कां जो भी मसीह बिच विश्वास करणे कने ही धार्मिक ठैहरांदे

1 कुरुन्थियों 4:4

किजोकी मेरा विवेक साफ है, फिरी भी मैं बेकसूर नी है, किजोकी मेरे जो परखणे वाला मेरा प्रभु है।

गलातियों 2:16

असी विश्वास करणे वाले यहूदी जाणदे कि कोई मणू मूसा रे कानून जो मनणे कने परमेश्वर री नजरां बिच धार्मिक नी ठैहरदा, पर सिर्फ यीशु मसीह पर विश्वास करणे रे जरिये धार्मिक ठैहरदा। इधेरे तांइ असी अप्पु भी मसीह यीशु पर विश्वास कित्तेया ताकि असी मूसा रे कानूनां जो मनणे रे जरिये नी पर मसीह यीशु पर विश्वास करणे रे जरिये ठेहरण, किजोकी कोई भी मूसा रे कानून जो मन्नी करी धार्मिक नी ठैहरी सकदा।

गलातियों 5:4

तुसा मणू जे मूसा रे कानून जो मन्नी करी धार्मिक ठैहराणा चाह्‍ंदे, ते तुसा अप्पु जो मसीह यीशु का बखरा करी लित्तेया ते तुसा बिच परमेश्वर रा अनुग्रह नी रेया।

याकूब 1:27

असा रे परमेश्वर पिता री नजर बिच सच्ची ते सुच्ची भक्ति ए है कि अनाथ ते विधवा रे दुख बिच तिन्हेरा ख्याल रखणा, ते अप्पु दुनिया रे बुरे कम्मां का दुर रैह्ण जे तुसा जो बिगाड़दे।

1 यूहन्ना 2:29

तुसा जाणदे कि मसीह यीशु धार्मिक हिन ते जे कोई धार्मिकता रा कम्म करदा से परमेश्वर रे बच्चे हिन।

1 यूहन्ना 3:7

ओ प्यारे बच्चो, तुसा जो कोई धोखा ना देयो, जे कोई नेक कम्म करदा, से मसीह यीशु सांई धार्मिक है।