रोमियों 2:12 - चम्बयाली नौआ नियम

¹² इस तांइ जिन्हा गैर यहूदियां ने मूसा रे कानून जो जाणे बगैर पाप कित्ता, परमेश्वर ने तिन्हा जो कानून रे बगैर ही सजा दित्ती जाणी, ते जिन्हा यहूदी लोक्कां ने मूसा रा कानून पाणे रे बाद भी पाप कित्ता, तिन्हेरी सजा कानून रे हिसाब कने होणी।

रोमियों 2:12 ပူးပေါင်းရင်းမြစ်များ

मत्ती 11:22

पर मैं तुसा जो बोलदा कि हिसाब-किताब होणे वाले रोज्जे तुसा री हालत सूर अते सैदा रे सहर री तिस हालत का भी बुरी होणी जां परमेश्वर ने तिन्हा जो दंड दित्तेया थिया।

मत्ती 11:24

पर मैं तुसा जो बोलदा कि हिसाब-किताब वाले रोज्जे तुसा री हालत सदोम सहर री तिस हालत का भी बड़ी जादा बुरी होणी जां परमेश्वर ने तिन्हा जो दंड दित्तेया थिया।

यूहन्ना 19:11

यीशु ने जवाब दित्तेया, जे अगर तिज्जो परम परमेश्वर का ए हक्क नी मिलदा, तां तेरा मेरे पर कोई हक नी हुन्दा। इधेरे तांइ मेरे जो तेरे हत्थां पकड़वाए रा है, से तेरे का भी बड्डा पापी है।

प्रेरितां रे कम्म 2:23

तिस्सी यीशु जो, जे परमेश्वर री ठैहराई री योजना ते पैल्ले ज्ञान रे मुताबिक पकड़वाए गे, तुसा अधार्मिक लोक्कां री मदद कने यीशु जो पकड़वाई करी ते सुली पर चढ़वाई करी मरवाई दित्ता,

रोमियों 1:32

से ता परमेश्वर रे इन्हा धार्मिकता रे नियमां जो जाणदे कि इदेय-इदेय कम्म करणे वाले मौत री सजा रे जोग्गे हिन, ते फिरी भी ना सिर्फ इदेय कम्म करदे, पर इदेय कम्म करणे वालेयां का खुस भी हुदें। से ता जाणदे कि परमेश्वर इंसाफ करणा चाह्‍ंदे, ते इदेय कम्म करणे वाले मणू तिन्हेरी नजर बिच मौत री सजा रे जोग्गे हिन।

रोमियों 4:15

किजोकी परमेश्वर ने तिस हर मणू जो सजा दैणी जे कानून जो पूरे तरिक्के कने नी मनदा। जित्ते कानून नी, तित्ते तिसेरा कोई उल्लंघन भी नी।

रोमियों 8:3

असा रे पापी स्वभाव री वजह कने मूसा रा कानून कमजोर होई करी जे नी करी सकेया, से परमेश्वर ने कित्ता। तिन्हा ने अपणे इकलौत्ते पुत्तर जो असा पाप्पी लोक्कां का इक्क इन्सान रे रुप बिच भेज्जेया। ते परमेश्वर ने अपणे पुत्तर जो असा रे पाप्पां तांइ कुर्बानी रे रुप बिच देई करी, असा रे पाप्पां री सजा तिन्हेरे सरीर पर पाई दित्ती ते असा पर पाप री ताकत जो मुकाई दित्ता।

1 कुरुन्थियों 9:21

तिय्यां ही जां मैं गैर यहूदी लोक्कां बिच थिया, तां मैं भी इक्क गैर यहूदी मणू सांई रेया। गैर यहूदी लोक्कां जो मसीह बिच छिक्की अणने तांइ मैं गैर यहूदी मणूआं सांई ही रेया जे मूसा रे कानून जो नी मनदे। (पर मैं ए जाणदा कि मैं परमेश्वर रे कानून रे बगैर नी जिया करदा थिया किजोकी मैं मसीह रे कानून रे अधीन है।)

गलातियों 3:10

इधेरे तांइ तिन्हा लोक्कां पर लाणत है जे मणू मूसा रे कानून जो मनणे पर भरोसा रखदे, किजोकी पवित्रशास्त्र बिच ए लिख्खे रा है, “लाणत है तिन्हा लोक्कां पर जे मणू मूसा रे कानून रे इक्क-इक्क नियम जो नी निभांदे।”

गलातियों 3:22

पर पवित्रशास्त्र ए दसदा कि असी सारे पाप रे वस बिच हिन, ताकि तिस वजह कने से वादा मसीह यीशु पर विश्वास करणे वाले तिन्हा लोक्कां जो मिल्ले जिन्हा कने परमेश्वर ने वाचा बन्नी थी।

याकूब 2:10

किजोकी जे कोई मूसा रे कानून रे इक्क भी हुकम जो मनणे बिच चुकी जाए तां से सारी हुकमां बिच गुनेह्गार ठैहरदा।