रोमियों 2:11 - चम्बयाली नौआ नियम

¹¹ किजोकी परमेश्वर हर इक्क मणू का इक्क-बराबर हिसाब लिंदे।

रोमियों 2:11 ပူးပေါင်းရင်းမြစ်များ

मत्ती 22:16

अते तिन्हा ने अपणे चेल्‍लेयां जो हेरोदेस रे झुण्ड रे लोक्कां कने तिन्हेरे का ए बोलणे जो भेज्जेया, ओ गुरु, असी जाणदे की तुसा सच्चे हिन, ते परमेश्वर रा रस्ता सच्चाई कने दसदे, ते कुसकी री परवाह नी करदे, किजोकी तुसा मणूआं रा मुँह दिख्खी करी गल्लां नी करदे।

लूका 20:21

तां तिन्हा ने यीशु जो बोल्लेया, गुरु जी, असा जो पता है कि तुसा जे ठीक है से ही बोल्दे अते सेह्ई तुसा सिखांदे भी अते तुसा कुसकी कने कोई भेद-भाव नी करदे बल्कि तुसा सच्चाई अते परमेश्वर रे रस्ते पर चलणा सिखांदे

प्रेरितां रे कम्म 10:34

तां पतरस ने बोल्लेया, अवे मेरे जो पक्का होई गेया कि परमेश्वर कुसकी कने भी भेदभाव नी करदा

रोमियों 9:14

तां फिरी असी कै बोलण? कै परमेश्वर तिन्हा जो चुनणे बिच ना नाइन्साफी करदे जिन्हा जो से चुणना चाह्‍ंदे? बिल्कुल भी नी।

गलातियों 2:6

पर यरुशलेम कलीसिया रे प्रधान मणूआं ने मेरे पर तिस बसेख जो बदलणे रा मेरे पर कोई दवाब नी पाया जे मैं सुणांदा। मेरे जो इस गल्ल रा कोई फरक नी पैंदा कि से प्रधान मणू कै हिन, किजोकी परमेश्वर कोई भेदभाव नी करदे। मेरे जो तिन्हा प्रधान मणूआं का कोई फायदा नी होया।

इफिसियों 6:9

ओ मालकों, तुसा जो अपणे गुलाम्मां जो डराणा नी चाएदा, बल्कि तुसा जो तिन्हा जो तिय्यां ही इज्जत दैणी चाएदी जिय्यां मैं तिन्हा जो तुसा री इज्जत करणे तांइ बोल्ले रा है। किजोकी तुसा जाणदे कि तिन्हेरा ते तुसा रा मालक स्वर्ग बिच है ते से कुसकी कने पक्षपात नी करदा।

कुलुस्सियों 3:25

किजोकी जे बुरा कम्म करदा रैहन्दा, परमेश्वर ने तिसजो सजा दैणी, ते परमेश्वर कुसकी रा भी पक्षपात नी करदे।

1 पतरस 1:17

परमेश्वर जाणदे कि हर इक्क मणू ने क्‍या-क्‍या कित्ते रा है, ते से हर इक्क मणू का बगैर कोई पक्षपात कित्ते हिसाब-किताब लिंदे। जां तुसा परमेश्वर का प्रार्थना करदे तां तुसा तिन्हा जो पिता बोल्ली करी पुकारदे। इधेरे तांइ जां तिकर तुसा इस धरती पर इक्क अजनबी सांई रैह्‍न्दे तुसा हमेसा तिन्हेरा आदरमान करो।