रोमियों 2:1 - चम्बयाली नौआ नियम

¹ दूज्जेयां पर इल्जाम लाणे वाले लोक्कों, तुसा जे कम्म करदे तिस तांइ तुसा का कोई बहान्ना नी है किजोकी जिस गल्ल बिच तुसा दूज्जे लोक्कां पर इल्जाम लांदे, तिस बिच अप्पु जो गलत ठैहरांदे किजोकी तुसा दूज्जेयां पर जे इल्जाम लांदे, से ही कम्म अप्पु भी करदे।

रोमियों 2:1 ပူးပေါင်းရင်းမြစ်များ

लूका 12:14

यीशु ने जवाब दित्तेया, कि ओ मणू, तुसा री इन्हा गल्लां रा फैसला करणे वाला या बटवारा करणे वाला मेरे जो कुनिए बणाया?

लूका 19:22

से राज्जा तिस पर टुटी पेया, अते बोलणे लगेया, ओ नलायक नौक्करां मैं तेरी ही गल्लां का तिज्जो दोषी बणादा! जे तू मेरे बारे अन्दर इन्ना किच्‍छ जाणदा थिया कि मैं बुरा मणू है जे कि बांदा भी नी अते तिसजो कट्टी भी लिन्दा

लूका 6:37

कुसकी पर इल्जाम मत लाओ, ताकि हिसाब-किताब रे बेल्ले तुसा पर भी इल्जाम नी लगाये जाये दूज्जेयां जो कसुरवार मत समझो, ताकि तुसा भी कसुरवार नी समजे जाओ पर, दूज्जेयां जो माफ करी देया करो, तां तुसा जो भी माफ कित्ता जाणा।

रोमियों 14:22

तुसा ए विश्वास करदे होणे कि जे तुसा करदे से सही है, पर तिसजो अपणे ते परमेश्वर रे बिच रख्खो। धन्न है से जे अप्पु जो तिस गल्ल बिच मुजरिम नी ठैहरणा दिंदे जिस जो से सही समजदे।

रोमियों 2:2

असी जाणदे की परमेश्वर धार्मिक तरिक्के कने सारेयां रा हिसाब लिंदे, ते इदेय-इदेय कम्म करणे वालेयां जो परमेश्वर तिन्हा रे कम्मां रे हिसाब कने तिन्हा जो सजा दिंदे।

रोमियों 2:3

ओ इल्जाम लाणे वाले लोक्कों, तुसा जे दुज्जेया पर इल्जाम लांदे ते अप्पु ही से कम्म करदे, तुसा कै ए समजदे कि परमेश्वर ने तुसा जो सजा नी दैणी?

रोमियों 3:9

तां फिरी कै असी यहूदी लोक, गैर यहूदियां का जादा ठीक हिन? ना, बिल्कुल भी नी, किजोकी भले ही कोई यहूदी हो या गैर यहूदी हो, असी सारे जणेया पर इल्जाम लाया गे रा है, कि असी सारे पाप रे काबू बिच हिन।

रोमियों 9:20

ना, इय्यां मत बोल। तू इक्क मामुली इन्सान होई करी, किय्यां परमेश्वर जो जवाब देई सकदा? कै मिट्टी जो अपणे बणाणे वाले कुम्हार का ए पूच्छणे रा हक है, कि तू मेरे जो इदेया किजो बणाया?

1 कुरुन्थियों 4:5

इधेरे तांइ, पैल्ले ही कुसकी गल्ल रा हिसाब कताब मत करेया करो, बल्कि जां तांइ प्रभु नी आंदे तां तांइ रुकी रेयो। किजोकी तिन्हा ने लोक्कां री दिल री लुके री गल्लां रे बारे बिच साफ-साफ दसणा जिन्हा रे बारे बिच कोई नी जाणदा। तिन्हा ने लोक्कां रे दिल रे लुके रे इराद्देयां जो साफ-साफ ज़ाहिर करणा। तां फिरी परमेश्वर ने सारेयां री तारिफ करणी।

1 कुरुन्थियों 7:16

पर तुसा विश्वासी जनानियां जो इस गल्ल रा चेत्ता रखणा चाएदा कि होई सकदा कि तुसा रा अपणे लाड़ेयां कन्ने रैह्णे री वजह कने से शायद बदली जाए, ते तिय्यां ही विश्वासी मर्दां जो चेत्ता रखणा चाएदा कि होई सकदा कि तुसा रा अपणी अविश्वासी लाड़ियां कन्ने रैह्णे री वजह से बाद बिच बदली जाण।

याकूब 2:20

पर ओ नासमझ इन्सान, कै तू ए भी नी जाणदा, कि ठीक कम्मां रे बगैर विश्वास कुसकी जोग्गा नी है?

याकूब 4:11

ओ संगी विश्वासियों, इक्क दूए री बदनामी मत करेया करो, जे अपणे संगी विश्वासी री बदनामी करदा या तिस पर इल्जाम लादां, तां से मूसा रे कानून री बदनामी करदा ते मूसा रे कानून पर इल्जाम लादां, ते तू मूसा रे कानून पर चलणे वाला नी पर तिस पर हाकिम ठैहरेया।