रोमियों 16:9 - चम्बयाली नौआ नियम

⁹ उरबानुस जो मेरा नमस्कार, जे मसीह यीशु री सेवा करणे बिच असा रा साथी है, ते प्यारे इस्तखुस जो भी मेरा नमस्कार!

रोमियों 16:9 ပူးပေါင်းရင်းမြစ်များ

रोमियों 16:21

मसीह री सेवा करणे बिच मेरे साथी तीमुथियुस, ते मेरे संगी यहूदी लूकियुस, ते यासोन, ते सोसिपत्तरुस, रे पास्से का तुसा जो नमस्कार!

रोमियों 16:7

भ्याल अन्द्रुनीकुस ते भैण उनियास जो मेरा नमस्कार, जे मेरे यहूदी संगी विश्वासी हिन, ते मेरे कने कैद भी होए थिये, ते प्रेरित मणू तिन्हेरी बड़ी इज्जत करदे। तिन्हा ने मेरे का पैल्ले ही मसीह यीशु बिच विश्वास कित्ता थिया।

रोमियों 16:8

अम्पलियातुस जो मेरा नमस्कार, जे मसीह यीशु बिच मिंजो बड़ा प्यारा है।

रोमियों 8:11

पवित्रात्मा तुसा बिच रैहन्दा जिन्हा ने मसीह यीशु जो मुर्देयां बिच का जिन्दा कित्ता। ते जिय्यां परमेश्वर ने मसीह यीशु जो मुर्देयां बिच का जिन्दा कित्ता, तिय्यां ही तुसा जो भी तिस्सी पवित्रात्मा रे जरिये मुर्देया बिच का जिन्दा करणा जे तुसा बिच रैहन्दा।

2 कुरुन्थियों 12:2

मैं मसीह यीशु बिच विश्वास करणे वाले इक्क मणू जो जाणदा जिस जो चौदह साल पैल्ले स्वर्ग तिकर चुक्की लित्तेया गेया थिया। मैं ए नी जाणदा कि से मणू अपणे सरीर बिच ही थिया जां ए होया, पर सिर्फ परमेश्वर ही जाणदे।

2 कुरुन्थियों 5:17

इस तांइ जे कोई मसीह यीशु बिच विश्वास रखदा तां से नौई रचना है: पुराणी जिन्दगी बीती गे री है, अवे नौई जिन्दगी री सुरुआत होए री है।

गलातियों 1:22

पर यहूदियां प्रदेश बिच मसीह यीशु जो मनणे वाली कलीसिया रे लोक्कां ने मेरे जो कदी दिख्खे रा नी थिया,

फिलिप्पियों 2:25

पर मैं इपफ्रुदीतुस जो जे तुसा का भेजणा जरुरी समजेया, जे मेरा विश्वासी भाई, ते मसीह रा सुब बसेख सुनाणे बिच मेरा साथी है। से इक्क सिपाई सांई है जे मेरे कने तिन्हा लोक्कां रे खिलाफ खड़ित्तेया जे मसीह रे बसेख रे खिलाफ हिन, तुसा रा दूत भी है। जरुरी गल्लां बिच मेरी सेवा करणे वाला भी है।