रोमियों 16:6 - चम्बयाली नौआ नियम

⁶ मरियम जो मेरा नमस्कार, जिन्हा ने तुसा तांइ बड़ी वरी मैहनत कित्ती।

रोमियों 16:6 ပူးပေါင်းရင်းမြစ်များ

मत्ती 27:55

तित्ते मती सारी जनानियां जे गलील का यीशु री सेवा करदे होए तिन्हेरे कने आई री थी, दुर का ए सब किच्‍छ दिख्खेया करदी थी।

मत्ती 5:47

जे तुसा सिर्फ अपणे भ्यालां जो ही नमस्ते करदे, तां कुण जदेया कोई बड्ड़ा कम्म करदे? कै गैर यहूदी रे मणू भी इय्यां ही नी करदे?

रोमियों 16:12

असा री विश्वासी बहणा, त्रूफैना कने त्रुफोसा जो भी मेरा नमस्कार, जे प्रभु री सेवा तांइ बड़ी मैहनत करदी। प्यारी भैण पिरसिस जो भी मेरा नमस्कार, जिनिए प्रभु तांइ बड़ी जादा मैहनत कित्ते री है।

रोमियों 16:5

उन्हा कलीसिया जो भी मेरा नमस्ते जे तिन्हेरे घर बिच संगती करदे। मेरे प्यारे इपैनितुस जो मेरा नमस्कार, जे एशिया प्रदेश बिच सबका पैल्ले मसीह यीशु बिच विश्वास करणे वाला मणू है।

रोमियों 16:7

भ्याल अन्द्रुनीकुस ते भैण उनियास जो मेरा नमस्कार, जे मेरे यहूदी संगी विश्वासी हिन, ते मेरे कने कैद भी होए थिये, ते प्रेरित मणू तिन्हेरी बड़ी इज्जत करदे। तिन्हा ने मेरे का पैल्ले ही मसीह यीशु बिच विश्वास कित्ता थिया।

1 थिस्सलुनीकियों 5:12

ओ संगी विश्वासियों, असी तुसा का बिनती करदे कि जे मणू तुसा बिच मैहनत करदे, ते मसीह बिच तुसा रे अगुवे हिन, ते जे तुसा विश्वास री शिक्षा दिन्दे, तिन्हेरी गल्लां मन्नेया करो।

1 तीमुथियुस 5:10

से विधवा जनानी अपणे भलाई रे कम्मां तांइ जाणी जांदी हो जिय्यां कि बच्चेयां रा पालण-पोषण करणा, मेहमान-नवाजी करणा, प्रभु रे लोक्कां री सेवा करणा, मुसीबत बिच पेय रे लोक्कां री मदद करणा ते हर तरिक्के रे भलाई रे कम्मां बिच मन लाणा।