रोमियों 16:4 - चम्बयाली नौआ नियम

⁴ तिन्हा ने मेरी जान तिकर अपणा जान दाव पर लाई रख्खे री है, ते सिर्फ मैं ही नी, पर गैर यहूदियां री कलीसियां भी तिन्हा रा शुक्रिया करदी।

रोमियों 16:4 ပူးပေါင်းရင်းမြစ်များ

यूहन्ना 15:13

इसका बड्डा प्यार होर कुसकी रा नी, कि कोई अपणे दोस्तां तांइ अपणी जान देई देयो।

प्रेरितां रे कम्म 15:26

ए तां मणू हिन, जिन्हा ने अपणे प्राण असा रे प्रभु मसीह यीशु तांइ मुस्किल बिच पाये रे हिन।

प्रेरितां रे कम्म 15:41

ते से सीरिया ते किलिकिया प्रदेशां का हुन्दे होये कलीसिया रे लोक्कां जो मजबूत करदे होए निकली गेया।

प्रेरितां रे कम्म 16:5

ते इय्यां तित्ते री कलीसिया रा विश्वास मजबूत हुन्दा गेया ते दिन-व-दिन तिन्हेरी गिनती बढ़ना लग्गी।

प्रेरितां रे कम्म 9:31

इस तरिक्के कने सारे यहूदियां, गलील ते सारे सामरिया रे प्रदेशां बिच कलीसिया जो सांती मिल्ली अते तिसेरी तरक्की हुंदी गेई, ते से प्रभु रे डर ते पवित्रात्मा रे जरिए कलीसिया बिच मणू बदधे गे ते सारे खुशहाल रे।

रोमियों 16:3

प्रिस्किल्ला भैण, ते तिन्हेरे लाड़े अक्विला भ्याल जो मेरा नमस्कार, जे प्रभु यीशु री सेवा करणे बिच मेरे कने कम्म करणे वाले मणू हिन।

रोमियों 16:5

उन्हा कलीसिया जो भी मेरा नमस्ते जे तिन्हेरे घर बिच संगती करदे। मेरे प्यारे इपैनितुस जो मेरा नमस्कार, जे एशिया प्रदेश बिच सबका पैल्ले मसीह यीशु बिच विश्वास करणे वाला मणू है।

रोमियों 5:7

कुसकी धार्मिक मणू तांइ अपणी जान दैणा ता कुसकी तांइ मुस्किल होई सकदा। पर शायद कोई जणा कुसकी भले मणू तांइ अपणी जान दैणे तांइ तैयार होई भी जाए।

1 कुरुन्थियों 16:1

अवे मैं तिस आर्थिक मदद रे बारे बिच जे परमेश्वर रे गरीब लोक्कां तांइ कठेरेया गेया थिया, जे हुकम गलातिया प्रदेश रे कलीसिया रे विश्वासियां जो दित्तेया थिया, तिय्यां ही तुसा भी करो!

1 कुरुन्थियों 7:17

ते जिय्यां परमेश्वर ने हर इक्क जो जिस तरिक्के री जिन्दगी जीणे रा वरदान दित्ते रा है ते अप्पु का सद्दे रा है, से तिस्सी हिसाब कने अपणी जिन्दगी जीण, ते मैं भी सारी कलीसियां जो ए ही बोलदा।

फिलिप्पियों 2:30

किजोकी से मसीह यीशु रे कम्म तांइ अपणी जान जो खतरे बिच पाई करी मरणे वाला ही थिया, ताकि तुसा रे दुर रैह्णे री वजह कने मेरी जे मदद नी करी सके से तिसेरी कमी पूरी करी सके।

1 थिस्सलुनीकियों 2:14

इस तांइ तुसां, ओ संगी विश्वासियों, परमेश्वर रे तिन्हा कलीसिया रे लोक्कां सांई जिन्दगी जीणा लगे जे यहूदियां प्रदेश बिच मसीह यीशु बिच हिन किजोकी तुसा भी अपणे ही प्रदेश रे लोक्कां का तैसा ही दुख पाया जदेया तिन्हा ने यहूदियां प्रदेश का पाया,

1 यूहन्ना 3:16

असा ने प्यार मसीह यीशु का सिख्खेया कि तिन्हा ने असा तांइ अपणी जिन्दगी देई दित्ती, इधेरे तांइ असा जो भी अपणे संगी विश्वासियां तांइ अपणी जान दैणी चाएदी।

प्रकाशित वाक्य 1:4

मैं यूहन्ना, एशिया प्रदेश रे सत्त इलाक्केयां बिच रैह्णे वाले विश्वासियां जो ए चीठ्ठी लिख्खेया करदा है। मैं प्रार्थना करदा कि तुसा जो परमेश्वर का अनुग्रह ते सांती मिलदी रे। परमेश्वर पिता ही हिन जे अब्बे भी हिन, से पैल्ले भी थिये, ते तिन्हा ने हमेसा तिकर रैह्णा। तिन्हा सत्त आत्मां रे पास्से का जे परमेश्वर रे सिहांसन रे सामणे हमेसा खड़े रैह्‍न्दे,