रोमियों 16:2 - चम्बयाली नौआ नियम

² तुसा पवित्र मणूआं जो तिसेरा प्रभु रे मणू रे रुप बिच तिसेरा स्वागत करणा चाएदा। ते जिस गल अन्दर तिसजो तुसा का कोई मदद री जरुरत हो, ता तिस गल्ल अन्दर तिसेरी मदद करो। किजोकी से मते लोक्कां पर, बल्कि मेरे पर भी मते उपकार कित्ते रे हिन।

रोमियों 16:2 ပူးပေါင်းရင်းမြစ်များ

मत्ती 25:40

फिरी मैं उन्हा जो जवाब दैणा, मैं तुसा रे कने सच बोलदा जां भी तुसा ने मेरे भोले-भाले चेल्‍लेयां बिच का कुसकी इक्क तांइ भी किच्‍छ कित्तेया, तां से तुसा मेरे तांइ कित्तेया।

प्रेरितां रे कम्म 9:13

हनन्याह ने जवाब दित्तेया, ओ प्रभु जी, मैं इस मणू रे बारे बिच मते जणेया का सुणे रा है कि तिसने यरुशलेम सहर बिच तुसा रे परमेश्वर रे लोक्कां री बड़ी वरी बुराई कित्त्ते री है,

प्रेरितां रे कम्म 9:15

पर प्रभु ने तिस बोल्लेया, जा, किजोकी शाऊल तां जो मैं चुणी लित्ते रा है कि से गैर यहूदियां, राज्जेयां अते इस्राएल रे लोक्कां बिच मेरा प्रचार करे।

प्रेरितां रे कम्म 9:36

याफा कस्बे बिच तबीता नां री यीशु री इक्क चेल्ली रैहन्दी थी, यूनानी भाषा बिच जिस जो दोरकास बोलदे। से बड़े भले रे कम्म रे दान पुन्य करदी रेह्न्दी थी।

प्रेरितां रे कम्म 9:39

तां पतरस उठी करी तिन्हेरे कने गेया ते जां से पूज्जेया तां से तिसजो तिस अटारी पर लेई गे सारी विधवा जनानियां आई करी तिसका खड़ी गई, ते जे कपड़े दोरकास ने तिन्हेरे कने रेई करी बणाए थिये से दिखाणा लग्गी

प्रेरितां रे कम्म 9:41

तिसने हत्थ देई करी तिसजो खड़ेरेया ते परमेश्वर रे लोक्कां ते विधवा जनानियां जो सद्दी करी तिन्हेरे जो से जिन्दी दिखाई दित्ती

रोमियों 15:7

इधेरे तांइ तुसा इक्क-दूए जो अपणाई लेयो जिय्यां मसीह यीशु ने तुसा जो ग्रहण कित्ते रा है, ताकि मणू परमेश्वर री महिमा करण।

रोमियों 16:15

फिलुलुगुस, युलिया, नेर्युस, ते तिसेरी भैण, ते उलुम्पास, ते सारे संगी विश्वासियां जो मेरा नमस्कार!

रोमियों 16:23

गयुस रे पास्से का भी तुसा जो नमस्कार। अब्बे मैं तिसेरे घरे ही रेया करदा है, जित्ते कलीसिया संगती करणे तांइ कठिंदी। इरास्तुस रे पास्से का भी तुसा जो नमस्कार, जे सहर रा भण्डारी है, ते भ्याल क्वारतुस रे पास्से का भी तुसा जो नमस्कार।

रोमियों 16:6

मरियम जो मेरा नमस्कार, जिन्हा ने तुसा तांइ बड़ी वरी मैहनत कित्ती।

रोमियों 16:9

उरबानुस जो मेरा नमस्कार, जे मसीह यीशु री सेवा करणे बिच असा रा साथी है, ते प्यारे इस्तखुस जो भी मेरा नमस्कार!

इफिसियों 5:3

किजोकी तुसा परमेश्वर रे अपणे मणू हिन इधेरे तांइ तुसा बिच व्यभिचार ते कुसकी तरिक्के रे बुरे कम्म या लालच री गल्ल-बात भी ना हो।

फिलिप्पियों 1:27

सिर्फ इन्ना ही करो कि मसीह रे सुब बसेख रे हिसाब कने जिन्दगी जियो। ते भले ही मैं तुसा जो आई करी मिलां या ना भी मिलां, वस तुसा रे बारे बिच ए ही सूणेया कि तुसा इक्क-मन होई इक्क ही मकसद तांइ इकठ्ठे होई करी तिस विश्वास तांइ कड़ा संघर्ष करदे रैहन्दे जे मसीह यीशु रा सुब बसेख है।

फिलिप्पियों 2:29

इधेरे तांइ तुसा प्रभु बिच तिस कने बड़ी खुसी कने मिलणा ते तिसेरे जदेय लोक्कां रा आदर करेयो।

कुलुस्सियों 4:10

अरिस्तर्खुस जे मेरे कने जेल बिच है अते बरनबास रे रिस्तेदार यूहन्ना मरकुस री तरफ का तुसा जो प्रणाम (मैं जाणदा कि तुसा जो यूहन्ना मरकुस रे बारे बिच तुसा जो दस्सी दित्ता गे रा है, कि जां से तुसा का आए तां तिस कने ठीक तरिक्के बर्ताव करेयो।)

1 तीमुथियुस 2:10

पर इन्हा चीजां जो करणे रे बजाए तिन्हा जो दूए लोक्कां तांइ भलाई रे कम्म करी के अप्पु जो खूबसुरत बनाणा चाएदा किजोकी मसीही जनानियां जो इय्यां करणा सजदा।

2 तीमुथियुस 1:18

प्रभु अपणे दुबारा हटणे रे दिन पर उनेसिफुस पर दया करे। तुसा अप्पु ही जाणदे कि जां मैं इफिसुस सहर बिच थिया तां तिनिये मेरी किन्नी जादा मदद कित्ती थी।

तीतुस 2:3

इय्यां ही बुजुर्ग जनानियां भी इदेय हिसाब कने बर्ताव करण जिस कने परमेश्वर जो हर गल्ल बिच महिमा मिल्ले। से मणूआं पर इल्जाम लाणे वाली ते सराबी ना होण पर से ठीक जिन्दगी जीणे री शिक्षा दैणे वाली बनण।

फिलेमोन 1:12

हालांकि मैं उनेसिमुस जो बड़ा वरी प्यार करदा तां भी मैं तिसजो तेरे का भेज्जेया करदा है।

फिलेमोन 1:17

जां उनेसिमुस ने तुसा का हटी आणा तां तिस कने तिय्यां ही पेश आओ जिय्यां कि तुसा मेरे कने पेश आंदे।

2 यूहन्ना 1:10

जे अगर कोई मणू तुसा जो मसीह री शिक्षा का कोई बखरी ही शिक्षा दे, तां ना ही तिस मणू जो अपणे घरे आणे देयो ते ना ही तिस कने कोई सलाम-दुआ रख्खी करी, तिसजो होर प्रोत्साहन देयो।