रोमियों 15:5 - चम्बयाली नौआ नियम

⁵ मैं परमेश्वर का प्रार्थना करदा कि से तुसा जो सबर ते सांती दे ताकि तुसा अप्पु मिते मिली जुली होई करी रेई सको, जिय्यां कि असा जो मसीह यीशु विश्वास बिच करणे वालया जो जचदा भी।

रोमियों 15:5 ပူးပေါင်းရင်းမြစ်များ

प्रेरितां रे कम्म 4:32

भरोसे करणे वालेयां री मडंली इक्क मन रे थिये, इत्ते तिकर कोई भी अपणी जायदाद जो अपणा नी बोलदा थिया, पर सारा किच्‍छ आपस रा थिया

रोमियों 12:16

हर इक्क मणू कने इक्क जदेया ही बर्ताव करो, ते घमंड मत करो, पर आम लोक्कां कने संगत रख्खो, अप्पु जो जादा ही समजदार मत समझो।

रोमियों 15:13

मैं आस दैणे वाले परमेश्वर का प्रार्थना करदा, कि तुसा जो विश्वास करणे बिच पूरे तरिक्के खुसी ते सांती दे, ताकि पवित्रात्मा री ताकत कने तुसा री उम्मीद बदधी जाओ।

रोमियों 15:3

किजोकी मसीह यीशु ने अपणे आप जो खुस नी कित्तेया, पर जिय्यां पवित्रशास्त्र बिच लिख्खे रा है: “जिन्हा लोक्कां ने तेरी बेज्जती कित्ती, तिन्हा ने मेरी भी बेज्जती कित्ते री है।”

1 कुरुन्थियों 1:10

अवे ओ मेरे संगी विश्वासियों, मैं असा रे प्रभु यीशु मसीह रे हक कने तुसा जो इय्यां करणे तांइ जोर पांदा कि तुसा सारे जणे इक्क ही गल्ल पर राज़ी होया करो, ते तुसा लोक्कां बिच कोई फूट ना हो ते मैं जोर पाई करी बोलदा कि इक्क मकसद ते इक्क ही तरिक्के सोच विचार रख्खी करी अप्पु-मिते सांती बणाई रख्खो।

2 कुरुन्थियों 13:11

ओ मेरे संगी विश्वासियों, खुस रेयो; ते मसीह बिच विश्वास करणे बिच सिद्व बणदे जाओ; अप्पु-मिते इक्क मन बणी करी रेयो, ते प्यार ते सांती दैणे वाले परमेश्वर तुसा कने रैह्णा।

2 कुरुन्थियों 7:6

तां भी दुखी मणूआं जो तसल्ली दैणे वाले परमेश्वर ने तीतुस रे आणे कने असा जो तसल्ली दित्ती।

इफिसियों 5:2

जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया।

फिलिप्पियों 1:27

सिर्फ इन्ना ही करो कि मसीह रे सुब बसेख रे हिसाब कने जिन्दगी जियो। ते भले ही मैं तुसा जो आई करी मिलां या ना भी मिलां, वस तुसा रे बारे बिच ए ही सूणेया कि तुसा इक्क-मन होई इक्क ही मकसद तांइ इकठ्ठे होई करी तिस विश्वास तांइ कड़ा संघर्ष करदे रैहन्दे जे मसीह यीशु रा सुब बसेख है।

फिलिप्पियों 2:2

तां मेरी ए गल्ल मन्नी करी मेरे जो खुस करी देयो कि अप्पु-मिते इक्क मन कने रेयो, इक्क-दूए कने प्यार रख्खो ते इक्क ही मकसद ते इक्क-मन होई करी रेयो।

फिलिप्पियों 3:16

असा जो तिस सच रे हिसाब कने जिन्दगी बिताणी चाएदी जे परमेश्वर ने असा पर ज़ाहिर कित्ते री है।

फिलिप्पियों 4:2

मैं यूओदिया रे ते सुन्तुखे रे भी छंदे करदा की से अप्पु-मिते सुलह करी के परमेश्वर बिच सांती कने रैह्ण।

1 पतरस 3:20

ए तिन्हा लोक्कां री आत्मां हिन जिन्हा ने लम्बे समय पैल्ले परमेश्वर रे हुकम री ना-फरमानी कित्ती थी, जां नूह अपणा जहाज बणाया करदा थिया, ते परमेश्वर इस गल्ल रा इंतजार करेया करदे थिये कि ए मणू अपणे पाप्पां का तौबा करगे कि नी। पर सिर्फ आठ्ठ मणू ही तिस भयानक बाढ़ बिच डूबणे का बचाए गे।

1 पतरस 3:8

आखिरकार मैं तुसा सारेयां जो ए बोलणा चाह्‍ंदा कि तुसा सारे जणे इक्क-मन होई करी रेयो। इक्क दूए कने हमदर्दी रख्खो। इक्क-दूए जो अपणे परिवार रे मणूआं सांई प्यार करो, इक्क-दूए तांइ दयालू बणो ते सारेयां कने नरम बणो।

2 पतरस 3:15

असा रे प्रभु रे सबर जो अपणे तांइ इक्क समझो, से तुसा जो तिन्हेरे हिसाब-किताब लैणे का बचणे रा मौक्का देया करदे हिन। ए ही गल्ल असा रा संगी विश्वासी पौलुस भी तुसा जो अपणी तिस समझ रे हिसाब कने चीठ्ठी बिच लिख्खी करी समजाया करदा है जे परमेश्वर ने तिसजो दित्ते री है।

2 पतरस 3:9

किच्‍छ मणू इय्यां सोचदे कि परमेश्वर अपणे वापिस हटणे रे वादे जो पूरा करणे बिच देर करेया करदे हिन। पर परमेश्वर तिस तरिक्के कने देर नी करेया करदे हिन। बल्कि से तुसा कने सबर कने रेया करदे हिन, किजोकी से कुसकी जो मुकाणा नी चाह्‍ंदे। पर से चाह्‍ंदे कि सारे अपणे मन जो बदली करी, गलत कम्म करणा छड्डी करी, तिन्हा का आए।