रोमियों 15:3 - चम्बयाली नौआ नियम

³ किजोकी मसीह यीशु ने अपणे आप जो खुस नी कित्तेया, पर जिय्यां पवित्रशास्त्र बिच लिख्खे रा है: “जिन्हा लोक्कां ने तेरी बेज्जती कित्ती, तिन्हा ने मेरी भी बेज्जती कित्ते री है।”

रोमियों 15:3 ပူးပေါင်းရင်းမြစ်များ

मत्ती 10:25

चेल्‍ले तांइ ए काफी है कि से अपणे गुरु रे बराबर है, अते नौक्कर तांइ ए कि से अपणे मालक रे बराबर है, जे तिन्हा घरे रे मालक जो दुष्टात्मां रा सरदार बोल्ली दित्तेया तां घरे रे दूज्जेयां लोक्कां जो कै किच्‍छ नी बोलणा।

मत्ती 26:39

फिरी से थोड़ा होर अग्गे बधी करी मुँह रे भारे पेय, ते प्रार्थना कित्ती, ओ मेरे पिता जे होई सके तां ए कटोरा मेरे का टली जाए तां भी जिय्यां मैं चाह्‍ंदा तिय्यां नी पर जिय्यां तुसा चाह्‍ंदे तिय्यां ही हो।

मत्ती 26:42

फिरी तिन्हा ने दुई वरी जाई करी प्रार्थना कित्ती ओ मेरे पिता, जे ए मेरे पिए बगैर नी हटी सकदा तां तुसा री मर्जी पूरी हो।

मत्ती 27:44

इसी तरिक्के कने डाकू भी जे तिन्हेरे कने सुली पर चढ़ाए गेरे थिये इसी तरिक्के कने तिन्हेरा मजाक उड़ाया करदे थिये।

यूहन्ना 15:10

जे तुसा मेरे हुकमां जो मंनगे, तां मेरे प्यार बिच बणी रैहन्गे, तिय्यां ही जिय्यां मैं अपणे पिता रे हुकमां जो मनदा अते तिन्हेरे प्यार बिच बणी रैहन्दा।

यूहन्ना 15:24

जे मैं तिन्हेरे बिच से चिन्हा-चमत्कार नी दसदा, जे कुसकी ने भी नी कित्ते, तां से पाप रे कसुरवार नी हुन्दे, पर अवे जां से दिख्खी चुके रे हिन तां भी मेरे कने अते मेरे पिता दोन्नां का नफरत करदे हिन।

यूहन्ना 4:34

यीशु ने तिन्हा जो बोल्लेया, मेरी रोट्टी से है कि परमेश्वर जिन्हा ने मेरे जो भेज्जे रा है, तिन्हेरी मर्जी रे हिसाब कने चलां ते तिसेरा कम्म पूरा करां।

यूहन्ना 5:30

मैं अप्पु का किच्‍छ नी करी सकदा, जदेया मेरे जो “पिता” करणे तांइ बोलदे से ही करदा। मैं हिसाब-किताब करदा कने मेरा हिसाब-किताब सच्चा है किजोकी मैं अपणी मर्जी नी पर अपणे भेजणे वाले री मर्जी पूरी करणा चाहन्दा।

यूहन्ना 6:38

किजोकी मैं अपणी मर्जी कने नी, पर अपणे “पिता” री मर्जी पूरी करणे तांइ स्वर्ग का उतरेया।

यूहन्ना 8:29

कने मेरा भेजणे वाला मेरे कने है तिन्ही मेरे जो कल्ला नी छडेया, किजोकी मैं हमेसा से ही कम्म करदा, जिस का से खुस हुन्दा:

2 कुरुन्थियों 8:9

तुसा असा रे प्रभु यीशु मसीह रे अनुग्रह जो जाणदे कि से अमीर होई करी भी तुसा तांइ कगांल बणी गे, ताकि तिन्हेरे कगांल होई जाणे कने तुसा अमीर होई जाओ।

फिलिप्पियों 2:5

जदेया प्रभु यीशु रा स्वभाव थिया तदेया तुसा रा भी स्वभाव हो।

फिलिप्पियों 2:8

तिन्हा ने इन्सान रे रुप बिच जन्म लेई करी अप्पु जो इन्ना जादा निमता कित्ता कि परमेश्वर रे हुकमां जो मनदे होए से इक्क मुजरिम सांई मरणे तांइ भी तैयार थिये, ते हाँ, सुली पर अपणी जान देई भी दित्ती।