रोमियों 15:2 - चम्बयाली नौआ नियम

² असा जो अपणे संगी विश्वासियां रे भले तांइ सोचणा चाएदा। ते से चीजां करणी चाएदी जिस कने से मणू खुस हुंदे, ते दुज्जेया री मदद करणी चाएदी, ताकि तिन्हेरा विश्वास मजबूत हो।

रोमियों 15:2 ပူးပေါင်းရင်းမြစ်များ

रोमियों 14:19

इधेरे तांइ असा जो तिन्हा गल्लां जो करणे बिच लग्गी रैह्णा चाएदा, जिन्हा कने मणू मिली जुली करी रे, ते सारेयां रा विश्वास मजबूत हो।

1 कुरुन्थियों 10:23

जिय्यां कि तुसा बोलदे कि असा जो सब किच्‍छ करणे री अजादी है, हाँ, पर सब किच्‍छ करणा असा तांइ खरा नी है। असा जो सब किच्‍छ करणे री अजादी ता है, पर सब किच्‍छ परमेश्वर बिच असा रे विश्वास जो मजबूत नी करदा।

1 कुरुन्थियों 10:24

हर कोई सिर्फ अपणे ही फायदे तांइ ही नी पर दूज्जे रे फायदे तांइ भी सोच्चे।

1 कुरुन्थियों 13:5

प्यार करणे वाले मणू दुज्जेया री बेज़ती नी करदे, से मणू मतलबी नी हुंदे, से सिर्फ अपणी खुसी नी तोपदे, से बड़े तौले गुस्सा नी करदे, ते से अपणे कने होए री बुरी गल्लां जो हमेसा चेत्ता नी रखदे।

1 कुरुन्थियों 14:26

ओ संगी विश्वासियों, मैं तुसा जो दसदा कि ए सारा किच्‍छ किय्यां करणा चाएदा, जां तुसा अराधना करणे तांइ कठ्ठिंदे, तां हर इक्क रे मन बिच भजन या उपदेस या बखरी-बखरी भाषां या परमेश्वर रा प्रकाशन या बखरी-बखरी भाषां रा मतलब दसणा, मसीह बिच विश्वासियां रे विश्वास जो मजबूत करणे तांइ होणा चाएदा।

1 कुरुन्थियों 14:3

पर जे मणू भविष्यवाणी करदा से विश्वासी मणू री मसीह बिच विश्वास जो मजबूत बणने बिच मदद करदा, प्रोत्साहित रे सुकून दिंदा।

2 कुरुन्थियों 12:19

ओ प्यारे विश्वासियों, तुसा हल्ले तांइ समजदे हो कि असी तुसा जो हटी करी जवाब देया करदे हिन। असी तां ए सोच्ची करी कि परमेश्वर असा जो दिख्खेया करदे हिन, मसीह यीशु बिच बोलदे, अते असी सारी गल्लां तुसा जो मसीह बिच विश्वास करणे बिच मजबूत बणाणे तांइ ही बोलदे।

2 कुरुन्थियों 13:9

पर जिस बेल्ले असी कमजोर हुंदे ते तुसा ताकतवर हुंदे, तां असा जो बड़ी खुसी हुंदी, इसेरे अलावा असी प्रार्थना भी करदे कि तुसा मसीह यीशु बिच विश्वास करणे बिच सिद्व होई जाओ।

इफिसियों 4:12

तिन्हा ने ए दान इधेरे तांइ दित्ते ताकि से परमेश्वर रे लोक्कां जो तिन्हेरे तांइ कम्म करणे तांइ तैयार करी सकण, ते से मसीह रे सरीर रे रुप बिच पूरी तरह कने पकी जाण ते ताकतवर बणी सकण।

इफिसियों 4:29

कोई गंदी गल्ल तुसा रे मुँह का ना निकले पर जे भी तुसा बोल्लो से गल्ल ठीक ते दूज्जेयां तांइ मददगार हो ताकि सुनणे वालेयां जो सुणी करी होंसला मिल्ले।