पर अब्राहम ने कदी भी परमेश्वर रे वादे पर शक नी कित्ता ते ना ही तिस पर कोई सवाल चुक्केया, बल्कि तिसेरा विश्वास होर मजबूत होई गेया ते तिनिये परमेश्वर री महिमा कित्ती।
मणू असा जो बेवकूफ समजदे किजोकी असी मसीह यीशु रे बारे बिच प्रचार करदे, पर तुसा जो इय्यां लगदा कि तुसा बड़े वरी समजदार विश्वासी हिन। मते लोक्कां जो लगदा कि असा का कोई हक नी है, पर तुसा बड़े घमंड कने बोलदे कि तुसा जो परमेश्वर का हक मिल्ले रा है। मणू असा री इज्जत नी करदे, पर से तुसा री बड़ी इज्जत करदे।
जां मैं विश्वास बिच कमजोर लोक्का कने रेया तां मैं तिन्हा सांई ही बर्ताव कित्ता ताकि मैं तिन्हा मसीह बिच छिक्की अणा। मैं सबणी मणूआं तांइ सब किच्छ बणेया कि कुसकी-ना-कुसकी तरिक्के कने मते जणेया रा छुटकारा कराई सकां।
इधेरे तांइ मैं मसीह यीशु जी तांइ कमजोरियां अन्दर, ते निन्दा होणे अन्दर, ते दरिद्रता अन्दर, ते जुल्मां अन्दर अते बुरे समय अंदर भी खुस है, किजोकी जां मैं कमजोर हुन्दा, तां मसीह मेरे जो ताकत दिंदे।
इधेरे तांइ ओ मेरे पुत्तर तीमुथियुस, होंसला रख, किजोकी तू जाणदा कि परमेश्वर ने तेरे जो से अनुग्रह दित्ते रा है जे सिर्फ मसीह कने रिस्ता बणाणे रे जरिये मिलदी।
ओ बुजुर्ग लोक्कों, मैं तुसा जो इधेरे तांइ लिख्खेया कि जे सुरुआत का है तुसा तिसजो जाणी गेरे हिन, ओ जवानों, मैं तुसा जो इधेरे तांइ लिख्खेया करदा है कि तुसा ताकतवर हिन ते परमेश्वर रा वचन तुसा बिच बणी रैहन्दा, ते तुसा ने शैतान पर जीत हासिल कित्ते री है।