रोमियों 14:9 - चम्बयाली नौआ नियम

⁹ किजोकी मसीह यीशु इधेरे तांइ ही मरे, अते मुर्देयां बिच का जिन्दे भी होई गे, ताकि से मरे रे ते जिन्दे, दोन्नां रे प्रभु ठैहरे।

रोमियों 14:9 ပူးပေါင်းရင်းမြစ်များ

मत्ती 28:18

फिरी यीशु ने उन्हेरे का जाई करी बोल्लेया, स्वर्ग ते जमीन बिच सब हक मेरे जो दित्ते गे हिन।

लूका 24:26

ए जरुरी थिया कि मसीह ए दुख चुक्की करी अपणी महिमा बिच आओ,

यूहन्ना 12:24

मैं तुसा जो सच-सच बोलदा कि जा तिकर कणक रा दाणा जमीन पर पेई करी मरी नी जादां, ओ किल्ला रेन्दां पर जां ओ मरी जादां, तां बड्डा फल्ल लान्दा।

प्रेरितां रे कम्म 10:36

जे बसेख तिन्हा ने इस्राएल बिच भेज्जेया, हालाकिं तिन्हा ने मसीह यीशु, जे सबणी रे प्रभु हिन रे जरिए सांती रा सुब बसेख सुणाया।

प्रेरितां रे कम्म 10:42

ते तिन्हा ने असा जो हुकम दित्तेया, कि सारे मणूआं बिच प्रचार करो, ते गवाई देयो, कि यीशु ही परमेश्वर रे पुत्तर हिन, जिन्हा जो परमेश्वर ने मरे रे लोक्कां रा फैसला करणे तांइ चुणे रा है।

रोमियों 10:9

जे अगर कोई भी मणू सारेयां सामणे, अपणे दिल कने यीशु जो प्रभु मन्नी लै, ते अपणे मन बिच ए विश्वास करे कि परमेश्वर ने तिन्हा जो मुर्देयां बिच का जिन्दा कित्ता, तां परमेश्वर ने तिसजो तिसेरे पाप्पां का बचाणा।

2 कुरुन्थियों 5:14

किजोकी मसीह यीशु रा प्यार असा जो मजबूर करी दिंदा, किजोकी असी ए समजदे की जां इक्क मणू सारे लोक्कां तांइ मरेया तां सारे मरी गे।

1 थिस्सलुनीकियों 4:14

किजोकी असी विश्वासी जाणदे कि ए गल्ल सच है कि यीशु मरे ते फिरी जिन्दे होई गे तिय्यां ही परमेश्वर ने तिन्हा विश्वासी जो भी फिरी जिन्दा करणा जे मरी गेरे हिन ते तिन्हा जो यीशु कने वापिस हटाई लाणा।

1 थिस्सलुनीकियों 5:10

प्रभु यीशु मसीह असा तांइ इधेरे तांइ मरे ताकि भले ही असी जिन्दे होण या मरी गेरे होण पर जां यीशु मसीह हटी करी आए तां असी तिन्हा कने मिली करी जीण।

2 तीमुथियुस 4:1

जां मसीह यीशु ने इक्क राज्जे रे रुप बिच राज करणे तांइ आणा, तां तिन्हा ने जिन्दा लोक्कां रा ते मरे रे लोक्कां रा भी हिसाब-किताब करणा। इधेरे तांइ परमेश्वर ते मसीह जो गवाह मन्नी करी मैं तेरे पर इस गल्ल रा जोर पांदा

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।

1 पतरस 1:21

मसीह यीशु ने जे असा तांइ कित्तेया तिसेरी वजह कने अवे तुसा परमेश्वर बिच विश्वास करदे। तिन्हा ने ही मसीह यीशु जो मुर्देयां बिच का फिरी जिन्दा कित्तेया ते तिन्हा जो महिमा दित्ती। इधेरे तांइ परमेश्वर बिच तुसा रा विश्वास ते आस अवे मजबूत है।

1 पतरस 4:5

पर इक्क दिन परमेश्वर ने तिन्हा सारेयां का हिसाब-किताब लैणे तांइ तिन्हा जो अपणे मुहाग्गर खड़ा करणा, ते परमेश्वर ने तिन्हा सारे मणूआं का तिन्हा कम्मां रे बारे बिच पूच्छणा जे तिन्हा ने इस धरती पर रैह्‍न्दे बेल्ले कित्ते। परमेश्वर ने कै जिन्दा ते कै मुर्दा, हर इक्क जणे का हिसाब-किताब लैणा।

प्रकाशित वाक्य 1:18

मैं जिंदा है। मैं मरी गेया थिया, पर अवे दिख, मैं हमेसा-हमेसा तांइ जिंदा है। मौत अते पताल जित्ते मरे रे लोक्कां री आत्मां रेह्न्दी, तिस पर मेरा हक है।

प्रकाशित वाक्य 2:8

तिन्हा ने मेरे जो ए भी बोल्लेया, “ए बसेख स्मुरना सहर री कलीसिया रे स्वर्गदूत जो लिख्ख, मैं सुरुआत ते आखिर है। मैं इक्क वरी मरेया, पर अवे मैं जिन्दा है, ते हमेसा-हमेसा तांइ जिन्दा ही रैह्णा। जे मरी गेया थिया, अते अवे जिंदा होई गे रा है। मैं तुसा जो ए बोल्लेया करदा है,