रोमियों 14:7 - चम्बयाली नौआ नियम

^7-8 असी सारे परमेश्वर रे हिन। इधेरे तांइ असा जो अपणे जीणे-मरणे बिच अप्पु जो नी, पर परमेश्वर जो खुस करणा चाएदा।

रोमियों 14:7 ပူးပေါင်းရင်းမြစ်များ

रोमियों 14:9

किजोकी मसीह यीशु इधेरे तांइ ही मरे, अते मुर्देयां बिच का जिन्दे भी होई गे, ताकि से मरे रे ते जिन्दे, दोन्नां रे प्रभु ठैहरे।

रोमियों 8:38

किजोकी मैं पक्के तौर पर जाणदा, कि ना मौत, ना जिन्दगी, ना स्वर्गदूत, ना स्वर्ग बिच रैह्णे वाले शासक, ना आज्‍ज, ना आणे वाला कल, ना ताकत, ना ही ऊंचाई असा जो मसीह रे प्यार का बखरा नी करी सकदे।

2 कुरुन्थियों 5:15

ते मसीह इधेरे तांइ सारेयां तांइ मरेया कि जे मणू जिन्दे हिन, से अग्गे जो अपणे तांइ ना जिन्दगी ना जीण पर तिन्हेरे तांइ जीण जे तिन्हेरे तांइ मरेया ते फिरी मरे रे लोक्कां बिच का जिन्दा होई गेया।

1 थिस्सलुनीकियों 5:10

प्रभु यीशु मसीह असा तांइ इधेरे तांइ मरे ताकि भले ही असी जिन्दे होण या मरी गेरे होण पर जां यीशु मसीह हटी करी आए तां असी तिन्हा कने मिली करी जीण।

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

1 पतरस 4:2

इसेरे अंजाम रे तौर पर तिस मणू ने इस दुनिया बिच अपणी बाकि री जिन्दगी अपणे सरीर री बुरी इच्छा जो पूरा करदे होए नी बिताणी, पर तिसने से ही कम्म करणा जे परमेश्वर तिसका करवाणा चाह्‍ंदे।