रोमियों 14:4 - चम्बयाली नौआ नियम

⁴ तुसा कुसकी होर मणू रे नौक्कर पर इल्जाम लाणे वाले हुंदे कुण? तिसेरी कामयाबी या नाकामयाबी तिसेरे मालक रे ही हत्थां बिच है। ते तिसने कामयाब ही होणा किजोकी परमेश्वर तिन्हा जो कामयाब करी सकदे।

रोमियों 14:4 ပူးပေါင်းရင်းမြစ်များ

प्रेरितां रे कम्म 11:17

हलांकि तिन्हा जो भी से ही दान मिल्लेया, जे असा जो मसीह यीशु पर विश्वास करणे रे जरिए मिल्लेया थिया, तां मैं कुण है जे परमेश्वर जो रोकी सकदा?

रोमियों 11:23

जे अगर से यहूदी मणू भी तौबा करी के दुबारा विश्वास करे, तां दुबारा साट्टी दित्ते जाणे, किजोकी परमेश्वर तिन्हा जो फिरी साट्टी सकदे।

रोमियों 14:3

मांस-मच्छी खाणे वाला मणू, साग-पात खाणे वाले मणू जो तुच्छ ना समजे, ते साग-पात खाणे वाला मणू, मांस-मच्छी खाणे वाले पर इल्जाम ना लाए, किजोकी परमेश्वर ने तिन्हा दोन्नां जो अपणाए रा है।

रोमियों 16:25

परमेश्वर जो महिमा मिल्ले जे तुसा रे विश्वास जो तिस सुब बसेख रे हिसाब कने मजबूत करी सकदे जिसेरा मैं प्रचार करदा। मसीह यीशु रे इस सुब बसेख ने तुसा गैर यहूदियां तांइ परमेश्वर री तिस योजना जो ज़ाहिर करी दित्तेया, जे सदियां का लुके री थी।

रोमियों 9:20

ना, इय्यां मत बोल। तू इक्क मामुली इन्सान होई करी, किय्यां परमेश्वर जो जवाब देई सकदा? कै मिट्टी जो अपणे बणाणे वाले कुम्हार का ए पूच्छणे रा हक है, कि तू मेरे जो इदेया किजो बणाया?

इब्रानियों 7:25

इधेरे तांइ जे मणू मसीह यीशु रे जरिए परमेश्वर का आंदे, से तिन्हा लोक्कां रा पूरा छुटकारा दिंदे, किजोकी मसीह यीशु तिन्हा लोक्कां तांइ बिचौल्ले रे तौर पर हमेसा प्रार्थना करदे रैहन्दे।

1 पतरस 1:5

परमेश्वर अपणी महान ताकत कने तुसा जो सुरक्षित रखदे किजोकी तुसा मसीह बिच विश्वास करदे। तिन्हा ने तुसा जो अग्गे भी तां तांइ सुरक्षित रखणा जां तांइ मसीह यीशु हटी नी आंदे तां ही तुसा ने जाणना कि परमेश्वर ने तुसा जो पाप ते हमेसा री मौत का पूरे तरिक्के कने बचाए रा है।

यहूदा 1:24

से ही इकलौत्ते परमेश्वर हिन जिन्हा ने असा जो मसीह यीशु रे सुली पर कुर्बानी दैणे रे जरिये कने बचाए रा है। असा रे प्रभु मसीह यीशु री वजह कने मणू परमेश्वर रा आदरमान ते महिमा करण। मणू ए समजी सकण कि दुनिया रे बणने रे पैल्ले का ही ते अज्ज रे समय तिकर परमेश्वर री ही ताकत ते हक है ते से हमेसा-हमेसा तिकर रैह्णी। आमीन!