रोमियों 14:3 - चम्बयाली नौआ नियम

³ मांस-मच्छी खाणे वाला मणू, साग-पात खाणे वाले मणू जो तुच्छ ना समजे, ते साग-पात खाणे वाला मणू, मांस-मच्छी खाणे वाले पर इल्जाम ना लाए, किजोकी परमेश्वर ने तिन्हा दोन्नां जो अपणाए रा है।

रोमियों 14:3 ပူးပေါင်းရင်းမြစ်များ

मत्ती 18:10

इधेरे तांइ दिख्खो, तुसा इन्हा मेरे भोले बच्चेयां बिच का कुसकी जो भी छोटा मत समजदे, किजोकी मैं तुसा जो बोल्दा, कि स्वर्ग बिच दूत मेरे स्वर्गीय पिता रे सामणे हाजिर रैहन्दे।

मत्ती 9:14

तां बपतिस्मा दैणे वाले यूहन्ना रे चेल्‍ले यीशु का आई करी बोलणा लग्गे, “असी अते फरीसी इतणे ब्रत्त रखदे, पर तुसा रे चेल्‍ले ब्रत्त नी रखदे?”

लूका 18:9

ते यीशु ने इक्क उदारण तिन्हा लोक्कां जो सुणाया जे अप्पु जो बड़ा पवित्तर मनदे थिये ते दूए लोक्कां जो अप्पु सामणे किच्‍छ नी समजदे थिये,

प्रेरितां रे कम्म 10:34

तां पतरस ने बोल्लेया, अवे मेरे जो पक्का होई गेया कि परमेश्वर कुसकी कने भी भेदभाव नी करदा

प्रेरितां रे कम्म 10:44

पतरस ए गल्लां बोल्लेया ही करदा थिया, कि पवित्रात्मा वचन सब सुनणे वाले लोक्कां पर उतरी आया।

प्रेरितां रे कम्म 28:2

तिस टापू पर रैह्णे वाले लोक्कां ने असा कने बड़ा प्यार कित्तेया किजोकी तित्ते बड़ी बरखा ते ठण्ड थी, इधेरे तांइ तिन्हा ने आग्ग बाली करी असा सबणी जणेया जो रुकाई लित्ता।

रोमियों 11:15

किजोकी इस्राएल रे लोक्कां रा छड्डेया जाणा, दुनिया रे लोक्कां तांइ परमेश्वर कने मेल जोल होणे री वजह बणेया। जां तिन्हा ने यीशु जो मसीह मन्नी करी अपणाई लैणा, तां से गल्ल मरे रे मणू जो फिरी जिन्दे करणे रे बराबर होणा।

रोमियों 14:1

जे मणू विश्वास बिच कमजोर हिन, तिन्हा जो अपणी संगती अन्दर लेई लेयो, पर तिन्हेरी तुसा का अलग राय होणे तांइ तिन्हा री बहस मत करो।

रोमियों 14:10

तां तू अपणे संगी विश्वासी पर इल्जाम किजो लांदा? या तू फिरी किजो अपणे संगी विश्वासी जो तुच्छ समजदा? असी सारे जणेया ने परमेश्वर री हिसाब-किताब री गद्दी रे सामणे खड़िणा।

रोमियों 14:13

इधेरे तांइ, अग्गे का असी इक्क-दूए पर इल्जाम ना लाण, पर तुसा ए पक्का सोच्ची लेयो कि कोई अपणे संगी विश्वासी तांइ पाप करणे री वजह ना बणे।

रोमियों 14:15

जे अगर तू अपणे संगी विश्वासी जो अपणी रोट्टी री वजह कने दुखी करदा, तां तू मसीह रे प्यार री रीति पर नी चलदा। इधेरे तांइ से रोट्टी मत खाओ, किजोकी मसीह ने तिस मणू तांइ अपणी जान दित्ती थी।

रोमियों 14:21

भला ता ए है कि तुसा ना मांस-मच्छी खाओ, ना ही अंगूर रा रस्स पीयो, ते ना ही इदेया किच्‍छ करो, जिस कने तुसा रे संगी विश्वासी रे विश्वास बिच रुकावट बणे।

रोमियों 15:7

इधेरे तांइ तुसा इक्क-दूए जो अपणाई लेयो जिय्यां मसीह यीशु ने तुसा जो ग्रहण कित्ते रा है, ताकि मणू परमेश्वर री महिमा करण।