रोमियों 14:1 - चम्बयाली नौआ नियम

¹ जे मणू विश्वास बिच कमजोर हिन, तिन्हा जो अपणी संगती अन्दर लेई लेयो, पर तिन्हेरी तुसा का अलग राय होणे तांइ तिन्हा री बहस मत करो।

रोमियों 14:1 ပူးပေါင်းရင်းမြစ်များ

मत्ती 12:20

तिनिये झुके रे नलू सांई कमजोर मणू जो नी लताड़णा, तिसने बुझदे दीये सांई कमजोर मणू जो नी मारणा। ते तिसने लोक्कां रा इंसाफ करणा।

मत्ती 14:31

यीशु ने झट ही तिसजो हत्थ दित्तेया ते संभाली लेया अते तिसजो बोल्लेया, तेरा विश्वास छोटा है, तू शक्क किजो कित्तेया थिया?

मत्ती 18:10

इधेरे तांइ दिख्खो, तुसा इन्हा मेरे भोले बच्चेयां बिच का कुसकी जो भी छोटा मत समजदे, किजोकी मैं तुसा जो बोल्दा, कि स्वर्ग बिच दूत मेरे स्वर्गीय पिता रे सामणे हाजिर रैहन्दे।

मरकुस 7:19

किजोकी से मन बिच नी, पर पेट बिच जान्दी, अते संडास बिच निकली जान्दी?” इस तरिक्के कने यीशु ने सारी खाणे वाली चीजां जो साफ ठैहराया।

लूका 17:2

तिसेरे तांइ ए जादा खरा हुन्दा कि बजाय इसेरे कि से इन छोटे मणूआं बिच का कुसकी जो पाप करणे पर मजबूर करी सकें, तिसेरे गले पर चक्की रा पाट लटकाई करी तिसजो समुन्द्र बिच सूटी दित्तेया जान्दा

यूहन्ना 13:20

मैं तुसा जो सच-सच बोलदा कि जे मेरे भेजे रे जो अपणाई लिंदा, से मेरे जो अपणाई लिंदा, अते जे मेरे जो अपणांदा, से मेरे भेजणे वालेयां जो अपणाई लिंदा।

प्रेरितां रे कम्म 28:2

तिस टापू पर रैह्णे वाले लोक्कां ने असा कने बड़ा प्यार कित्तेया किजोकी तित्ते बड़ी बरखा ते ठण्ड थी, इधेरे तांइ तिन्हा ने आग्ग बाली करी असा सबणी जणेया जो रुकाई लित्ता।

रोमियों 11:15

किजोकी इस्राएल रे लोक्कां रा छड्डेया जाणा, दुनिया रे लोक्कां तांइ परमेश्वर कने मेल जोल होणे री वजह बणेया। जां तिन्हा ने यीशु जो मसीह मन्नी करी अपणाई लैणा, तां से गल्ल मरे रे मणू जो फिरी जिन्दे करणे रे बराबर होणा।

रोमियों 14:2

इक्क जो विश्वास है कि सब किच्‍छ खाणा ठीक है, पर जे विश्वास बिच कमजोर है, से साग पात ही खांदा।

रोमियों 14:21

भला ता ए है कि तुसा ना मांस-मच्छी खाओ, ना ही अंगूर रा रस्स पीयो, ते ना ही इदेया किच्‍छ करो, जिस कने तुसा रे संगी विश्वासी रे विश्वास बिच रुकावट बणे।

रोमियों 14:3

मांस-मच्छी खाणे वाला मणू, साग-पात खाणे वाले मणू जो तुच्छ ना समजे, ते साग-पात खाणे वाला मणू, मांस-मच्छी खाणे वाले पर इल्जाम ना लाए, किजोकी परमेश्वर ने तिन्हा दोन्नां जो अपणाए रा है।

रोमियों 15:1

असी जाणदे कि इन्हा गल्लां कने कोई फर्क नी पैंदा, इधेरे तांइ असी जे विश्वास बिच मजबूत हिन, कमजोरां मणूआं री मदद करण, ना कि अपणे आप जो खुस करण।

रोमियों 15:7

इधेरे तांइ तुसा इक्क-दूए जो अपणाई लेयो जिय्यां मसीह यीशु ने तुसा जो ग्रहण कित्ते रा है, ताकि मणू परमेश्वर री महिमा करण।

1 कुरुन्थियों 9:22

जां मैं विश्वास बिच कमजोर लोक्का कने रेया तां मैं तिन्हा सांई ही बर्ताव कित्ता ताकि मैं तिन्हा मसीह बिच छिक्की अणा। मैं सबणी मणूआं तांइ सब किच्‍छ बणेया कि कुसकी-ना-कुसकी तरिक्के कने मते जणेया रा छुटकारा कराई सकां।

फिलिप्पियों 2:29

इधेरे तांइ तुसा प्रभु बिच तिस कने बड़ी खुसी कने मिलणा ते तिसेरे जदेय लोक्कां रा आदर करेयो।

1 थिस्सलुनीकियों 5:14

ओ संगी विश्वासियों, असी तुसा का घड़ी-घड़ी बिनती करदे कि आलसी लोक्कां जो सावधान करो, डरपोक लोक्कां जो हिम्मत देयो, कमजोर लोक्कां री मदद करो ते सारेयां कने सबर कने रेयो।

इब्रानियों 5:14

अनाज तां तिन्हा मणूआं तांइ है जे सही ते गलत रा अनुभव करी के विश्वास करणे बिच समजदार होई गेरे हिन।

2 यूहन्ना 1:10

जे अगर कोई मणू तुसा जो मसीह री शिक्षा का कोई बखरी ही शिक्षा दे, तां ना ही तिस मणू जो अपणे घरे आणे देयो ते ना ही तिस कने कोई सलाम-दुआ रख्खी करी, तिसजो होर प्रोत्साहन देयो।