रोमियों 13:4 - चम्बयाली नौआ नियम

⁴ किजोकी अधिकारी मणू तुसा री मदद करणे तांइ परमेश्वर रे दास हिन, पर जे अगर तू गलत कम्म करे, तां तिन्हा का डरो। किजोकी से परमेश्वर रे दास हिन ते तिन्हा का परमेश्वर रे पास्से का तिन्हा लोक्कां पर सजा रे हुकम सुनाणे रा हक है, जे गलत कम्म करदे।

रोमियों 13:4 ပူးပေါင်းရင်းမြစ်များ

रोमियों 12:19

ओ प्यारे लोक्कों, अप्पु कदी बदला मत लिन्दे, पर परमेश्वर जो तुसा तांइ बदला लैणे देयो, किजोकी पवित्रशास्त्र बिच परमेश्वर ने बोल्ले रा है, “बदला लैणा मेरा कम्म है; मैं ही बदला लैणा।”

रोमियों 13:6

इधेरे तांइ चुंगी भी देया करो, किजोकी शासन करणे वाले परमेश्वर रे दास हिन ते हमेसा अपणी जिम्मदारियां जो निभाणे बिच लगे रैह्‍न्दे।

1 थिस्सलुनीकियों 4:6

कि तुसा अपणे विश्वासी भाई रे खिलाफ पाप मत करदे, ते ना जो बुरी चाल चले किजोकी प्रभु यीशु ने इदेय कम्म करणे वालेयां जो सजा दैणी, जिन्हा रे बारे बिच असा तुसा जो पहले ही खबरदार कित्तेया है।

1 पतरस 2:14

राज्यपाल रे कहे मुताबिक भी चलो, किजोकी मुख्य अधिकारी तिसेरे जरिये ही तिन्हा लोक्कां जो सजा दिंदा जिन्हेरे कम्म बुरे हिन, ते तिन्हा लोक्कां री तारिफ भी करदा जिन्हेरे कम्म भलाई रे हिन।