रोमियों 13:11 - चम्बयाली नौआ नियम

¹¹ तुसा बिच का हर इक्क जणे जो इक्क दूए कने प्यार करदे रैह्णा चाएदा, किजोकी से समय आई गे रा है जां परमेश्वर ने असा जो इस दुष्ट दुनिया का बचाई लैणा। असा रे मसीह बिच विश्वास करणे रे तिस बेल्ले का अवे ए छुटकारे रा समय अवे होर भी तौले पुजणे वाला, असा जो इस गल्ल जो समजी करी असा जो चुकन्ने ते होशियार रैह्णा जरुरी है।

रोमियों 13:11 ပူးပေါင်းရင်းမြစ်များ

मत्ती 16:3

अते भ्यागा बोलदे, अज्ज हनेरी चलणी, किजोकी आसमान लाल अते ड्रोणा है तुसा आसमान रे लक्षण दिख्खी करी तिसेरे भेद दस्सी सकदे, पर इस जुग री निशानिया रा भेद किजो नी दस्सी सकदे?

लूका 21:28

जां ए सब गल्लां होणे लग गई तां तुसा खड़े होई करी अपणा सिर उप्परा जो उठाई लेयो किजोकी तुसा रा छुटकारा नेड़े आया करदा हुणा।

1 कुरुन्थियों 10:11

पर ए सब गल्लां जे तिन्हा कने होई थी, असा लोक्कां जो चितौणी दैणे तांइ लिख्खी गे री हिन जे इन्हा आखरी दिनां बिच रैह्‍न्दे।

1 कुरुन्थियों 15:34

तुसा जो पाप करणा छड्डी करी वापिस धार्मिकता रे कम्म करणा चाएदे। किजोकी तुसा बिच किच्‍छ लोक्कां रा परमेश्वर कने गहरा रिस्ता नी है। ए गल्ल मैं तुसा जो शर्मिंदा करणे तांइ ए बोलदा।

इफिसियों 5:14

इधेरे तांइ ए बोल्लेया जांदा, “ओ सोणे वाले मणू, जाग, ते मुर्देयां बिच का जिन्दा होई जा! मसीह ने तुसा पर अपणी रौसनी चमकाणी।”

याकूब 5:8

तिय्यां ही तुसा भी सबर रखो, ते हिम्मत रख्खो, किजोकी प्रभु तौले ही आणे वाले हिन।

1 पतरस 4:7

हर चीज रा अंत नेड़े है। इधेरे तांइ चुकन्ने रेयो ते अपणे मन पर काबू रख्खो ताकि तुसा प्रार्थना करदे रेयो।

2 पतरस 3:11

ए गल्ल साफ है कि परमेश्वर ने सब किच्‍छ इय्यां ही तबाह करणा, तुसा जाणदे कि तुसा जो कदेया बोल-चाल रखणा चाएदा।

2 पतरस 3:9

किच्‍छ मणू इय्यां सोचदे कि परमेश्वर अपणे वापिस हटणे रे वादे जो पूरा करणे बिच देर करेया करदे हिन। पर परमेश्वर तिस तरिक्के कने देर नी करेया करदे हिन। बल्कि से तुसा कने सबर कने रेया करदे हिन, किजोकी से कुसकी जो मुकाणा नी चाह्‍ंदे। पर से चाह्‍ंदे कि सारे अपणे मन जो बदली करी, गलत कम्म करणा छड्डी करी, तिन्हा का आए।

1 यूहन्ना 2:18

ओ बच्चेयों, मसीह रे हटी आणे रा बेल्ला नेड़े है ते जिय्यां तुसा सुणे रा है कि मसीह यीशु रा विरोधी आणे वाला है, तिसेरे हिसाब कने अब्बे भी मते सारे मसीह यीशु रा विरोध करणे वाले खड़ी गेरे हिन, इस कने असा जो पता चलदा कि ए आखरी समय है।

प्रकाशित वाक्य 1:3

परमेश्वर ने तिस हर इक्क मणू जो आशीष दैणी जे इन्हा भविष्यवाणी री गल्लां जो लोक्कां जो पढ़ी करी सुणांदा ते तिन्हा तिस हर मणू जो भी आशीष दैणी जे इन्हा गल्लां जो सूणदा ते इन्हा जो मनदा किजोकी ए गल्लां बड़े तौले होणे वाली हिन।

प्रकाशित वाक्य 22:10

फिरी तिनिए मेरे जो बोल्लेया, इस कताब री भविष्यवाणी री गल्लां जो लोक्कां का मत लूका, किजोकी इन्हा गल्लां रे पूरे होणे रा बेल्ला नेड़े आई गे रा है।

प्रकाशित वाक्य 22:12

तां फिरी मसीह यीशु ने बोल्लेया, सुणो, मैं झट ही आणे वाला है। मैं हर इक्क मणू जो तिन्हेरे कम्मां रे हिसाब कने फल्ल दैणा।

प्रकाशित वाक्य 22:20

ए तिसेरे शब्द हिन जे इस कताब बिच दस्से री गल्लां री गवाई दिंदा, से ए बोलदा, हाँ, मैं तौले ही आणे वाला है! मुझ यूहन्ना ने जवाब दित्ता, आमीन! ओ प्रभु यीशु, आओ!