रोमियों 13:1 - चम्बयाली नौआ नियम

¹ हर इक्क मणू अपणे शासन करणे वाले अधिकारियां रे अधीन रेयो, किजोकी हर इक्क हक परमेश्वर रे पास्से का हुंदा, ते से सारे हक परमेश्वर ने ठैहराए रे हिन।

रोमियों 13:1 ပူးပေါင်းရင်းမြစ်များ

मत्ती 6:13

अते असा जो परखदे मत, पर शैतान का बचाई रख्खेयो, (किजोकी राज, पराक्रम ते महिमा हमेसा तुसा रा ही है, आमीन)!

यूहन्ना 19:11

यीशु ने जवाब दित्तेया, जे अगर तिज्जो परम परमेश्वर का ए हक्क नी मिलदा, तां तेरा मेरे पर कोई हक नी हुन्दा। इधेरे तांइ मेरे जो तेरे हत्थां पकड़वाए रा है, से तेरे का भी बड्डा पापी है।

प्रेरितां रे कम्म 2:41

अते जिन्हा ने तिसेरा बसेख सूणेया ते विश्वास कित्ता, तिन्हा ने बपतिस्मा लित्ता ते तिसी दिन त्रै हजार लोक्कां रे लगभग तिन्हा विश्वासियां रे दल बिच मिली गे।

रोमियों 12:21

बुराई का मत हारो, पर भलाई कने बुराई जो जीत्ती लियो।

रोमियों 13:2

इधेरे तांइ जे अगर कोई मणू अपणे अधिकारियां रे शासन रे अधीन रैह्णे का मना करदा, तां से मणू परमेश्वर री विधि रा विरोध करदा, ते विरोध करणे वाले लोक्कां जो सजा मिलणी।

इफिसियों 5:21

मसीह यीशु रा आदरमान करणे तांइ इक्क-दूए रे अधीन रेया करो।

1 तीमुथियुस 2:2

सारे राज्जेयां ते अधिकारी मणूआं तांइ प्रार्थना करेया करो ताकि असी सुख-चैन कने रेई सके ताकि असी परमेश्वर री अराधना करण ते दूए लोक्कां कने खरा बर्ताव रखण।

तीतुस 3:1

विश्वासी लोक्कां जो समझा कि से हाकिमां ते अधिकारियां री इज्जत करण, ते तिन्हेरे हुकमां जो मनण, ते हर इक्क मणू दुज्जेया तांइ ठीक कम्म करणे तांइ हर बेल्ले तैयार रे।

यहूदा 1:8

तिय्यां ही मसीह यीशु बिच विश्वास करणे रा ढोंग करणे वाले मणू ए दावा करदे कि परमेश्वर ने दर्शन देई करी ए बोलदे कि असी अनैतिक जिन्दगी जी करी अपणे शरीरां जो भिठ्ठा करी सकदे। से नी चाह्‍ंदे कि कोई तिन्हा पर हक जताए ते से मणू महिमामय स्वर्गदूतां रे बारे बिच गलत गल्लां बोलदे।

प्रकाशित वाक्य 1:5

ते मसीह यीशु रे पास्से का भी, जिन्हेरी गल्लां रा असी भरोस्सा करी सकदे। से ही हिन जे सबका पैल्ले मरणे का बाद मुर्देयां बिच का जिन्दे होई गे ते से दुनिया रे सारे राज्जेयां रे राज्जे हिन।

प्रकाशित वाक्य 17:14

तिस ड्रोणे जानवर ते दस राज्जेयां ने तिस “उरणू” पर हमला करणा, पर तिस “उरणू” ते तिसेरे प्रेरितां ने तिन्हा सारेयां जो हराई दैणा। ए इधेरे तांइ होणा किजोकी से प्रभुआं रे प्रभु ते राज्जेयां रे राज्जे हिन। तिन्हेरे चेल्‍ले से हिन जिन्हा जो परमेश्वर ने चुणे रा ते सद्दे रा है, ते से भी जे तिन्हा कने भरोस्सेमंद हिन।

प्रकाशित वाक्य 19:16

तिसेरे चोग्गे ते जांग पर ए ना लिख्खे रा है: राज्जेयां रा राज्जा ते प्रभुआं रा प्रभु है।