रोमियों 12:9 - चम्बयाली नौआ नियम

⁹ प्यार करणे बिच कदी कोई दिखावा ना हो, पर दिल कने प्यार करेया करो। बुराई कने नफरत रख्खो। भले कम्म करणे बिच लग्गी रेयो।

रोमियों 12:9 ပူးပေါင်းရင်းမြစ်များ

मत्ती 26:49

ते तिसी बेल्ले यीशु का आई करी बोल्लेया, ओ गुरु, नमस्कार! ते तिन्हेरे जो बड़ा चुम्मेया।

यूहन्ना 12:6

तिनिये ए गल्ल इस तांइ नी बोल्ली कि तिसजो गरीबां री चिन्ता थी, पर इस तांइ किजोकी ओ चोर थिया, ते उन्हेरी पैसे री थैल्ली हमेसा तिसका रैहंदी थी, ते जे किच्‍छ भी उस बिच पाया जादां थिया, ओ कड्डी लिदां थिया।

प्रेरितां रे कम्म 11:23

से तित्ते पूज्जी करी परमेश्वर रे अनुग्रह जो दिख्खी करी बड़ा खुस होया ते सब जो शिक्षा दित्ती की तन मन लगाई करी प्रभु यीशु कने लिपटी रेयो,

2 कुरुन्थियों 8:8

मैं तुसा जो हुकम नी है देया करदा, पर मैं तुसा रे प्यार री सच्चाई जो दूज्जेयां री गहरी इच्छा कने तुलना करी के परखणा चाह्‍ंदा।

1 थिस्सलुनीकियों 2:3

किजोकी असा रा उपदेस ना वहम कने है ते ना गलत इराद्दे कने, ते ना छल कने है।

1 थिस्सलुनीकियों 5:15

चुकन्ने रेयो कि कोई कुसकी कने बुराई रे बदले अन्दर बुराई ना करो पर हमेसा ठीक कम्म करणे तांइ हमेसा तैयार रेयो, अप्पु-मित्ते ते सबणी कने भी भलाई री ही कोसीस करो।

1 थिस्सलुनीकियों 5:21

हर बसेख जो परखो, ते जे बसेख परमेश्वर रे पास्से का हिन तिन्हा जो अपणाई लेयो।

1 तीमुथियुस 1:5

ए हुकम दैणे रा मकसद ए है कि तुसा साफ मन, साफ विवेक अते सच्चे विश्वास कने इक्क-दूए कने प्यार करो।

इब्रानियों 1:9

तुसा ने धार्मिकता कने प्यार, अते अधार्मिक कने नफरत कित्ती; इस वजह कने मैं, तेरे परमेश्वर ने, तिज्जो तेरे साथियां का बधी करी आदरमान ते आनंद रा अभिषेक दित्ते रा है।”

इब्रानियों 12:14

सारेयां कने मेल जोल रख्खो, ते पवित्र जिन्दगी बिताणे री कोसीस करो, किजोकी तिसेरे बगैर कुसकी ने कदी भी परमेश्वर जो नी दिखणा।

याकूब 3:17

पर परमेश्वर रे पास्से का मिलणे वाला ज्ञान सबका पैल्ले तां से पवित्र हुन्दा, फिरी मिलनसार, भद्र, दया कने भरितेरा अते ठीक कम्मां कने लद्दितेरा, अते बगैर भेद-भाव रे ते सच्चा भी हुन्दा।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

1 पतरस 4:8

अते सबका बड्डी गल्ल ए है कि इक्क-दूज्जे तांइ प्यार रखो, किजोकी प्यार अणगिणत पाप्पां जो ढक्की दिंदा