रोमियों 12:6 - चम्बयाली नौआ नियम

⁶ हालांकि असा जो परमेश्वर का मिल्ले रे तिस अनुग्रह रे हिसाब कने, बखरे-बखरे वरदान मिल्ले रे हिन। तां जिस जो भविष्यवाणी करणे रा वरदान मिल्ले रा हो, तिसजो पूरे भरोस्से कने से भविष्यवाणी करणा चाएदी जे गल्लां परमेश्वर ने तिसजो दस्से री हिन।

रोमियों 12:6 ပူးပေါင်းရင်းမြစ်များ

मत्ती 23:34

इधेरे तांइ दिख्खो, मैं तुसा का भविष्यद्वक्ता, समजदार ते शास्त्रि लोक्कां जो भेजेया करदा है, तुसा उन्हा बिच का किन्नेयां जो मारी दैणा अते किन्नेयां जो सुली पर चढ़ाई दैणा, किन्नेयां जो तुसा अपणी सभास्थल बिच कोड़े लगाणे अते इक्क सहर का दूज्जे सहर उन्हेरा पीच्छा करदे फिरणा।

मत्ती 25:22

अते जिस जो दो तोड़े मिल्ले थिये तिसने भी आई करी बोल्लेया, मालक, तुसा मेरे जो जे दो तोड़े दित्ते थिये, मैं दो तोड़े होर कमाए हिन।

लूका 11:49

इधेरे तांइ परमेश्वर रे वचन अन्दर भी बोल्ले रा है, कि मैं तिन्हा का भविष्यद्वक्ता जो ते प्रेरिता जो भेजणा ते तिन्हा ने उन्हा मणूआं बिच का किच्‍छ जो मारी दैणा ते किच्‍छ मणूआं तांइ मुसीबत खड़ी करी दैणी

प्रेरितां रे कम्म 13:1

अन्ताकिया सहर री कलीसिया बिच किन्ने भविष्यद्वक्ता ते शिक्षक थिये, मतलब बरनबास ते शमौन जिन्हा जो कि नीगर भी बोलदे, ते लूकियुस कुरेनी, ते देस रे चौथे हिस्से रा राज्जा हेरोदेस रा सक्के भ्याल मनाहेम ते शाऊल

प्रेरितां रे कम्म 15:32

ते यहूदा ते सीलास ने जे खुद भी भविष्वाणी करणे वाले थिये, बड़ी गल्लां कने विश्वासियां जो उपदेस देई करी मजबूत कित्तेया।

प्रेरितां रे कम्म 2:17

परमेश्वर बोलदे, “आखरी दिनां बिच इय्यां होणा कि मैं अपणा आत्‍मा सारे लोक्कां जो दैणा, ते तुसा रे मुडें ते तुसा री कुड़ियां ने भविष्यवाणी करणी, ते तुसा रे जवान्नां ने दर्शन दिखणे, ते तुसा रे बुजुर्ग मणू ने सुपने दिखणे

प्रेरितां रे कम्म 21:9

तिसेरी चार कुंवारी कुड़ियां थी, जे भविष्यवाणी करदी थियां

रोमियों 1:11

किजोकी मैं तुसा का मिलणे री इच्छा करदा ताकि मैं तुसा जो आत्मिक आशीषां देयां, जिस कने तुसा विश्वास बिच होर मजबूत होई जाओ,

रोमियों 12:3

किजोकी जे अनुग्रह मेरे जो मिल्ले रे तिस अनुग्रह री वजह कने मैं तुसा बिच का हर इक्क जो बोलदा कि जिन्ना अप्पु जो समझणा चाएदा, अप्पु जो कोई तिसका जादा ना समजे पर जिय्यां परमेश्वर ने हर इक्क जणे जो दित्ते रा तिस विश्वास रे नाप रे हिसाब कने, ठीक समझ कने अप्पु जो तिन्ना ही समजे।

1 कुरुन्थियों 12:18

पर हकीकत बिच परमेश्वर ने असा रे सरीर रे सारे अंगा जो इक्क-इक्क करी के तिन्हेरी सही जगाह् पर असा रे सरीर बिच रख्खेया।

1 कुरुन्थियों 13:2

जे अगर मैं भविष्यवाणी करां ते सारे राज़ ते हर तरिक्के री गल्ल जो समजी सकां, ते मेरे जो परमेश्वर बिच इत्ते तिकर विश्वास हो की मैं पहाड़ां जो हटाई सकदा पर कुसकी कने प्यार ना करां, तां मैं कुसकी कम्मे रा नी है।

1 कुरुन्थियों 14:1

पूरे दिल कने इक्क-दूए कने प्यार बणाए रखणे री हर मुमकिन कोसीस करेया करो ते आत्मिक वरदान्नां री धुन बिच रेयो, खासतौर पर की भविष्यवाणी करेया करो।

1 कुरुन्थियों 14:24

पर जे अगर सारे विश्वासी भविष्यवाणी करदे होण ते कोई बाहर वाला मणू या मसीह बिच विश्वास ना करणे वाला मणू तित्ते आई जाए तां तुसा री बोल्ले री गल्लां री वजह कने तिन्हा जो एहसास होई जाणा कि से मणू पाप्पी हिन ते तिन्हा ने अपणी जिन्दगी जीणे रा तरिक्का बदली लैणा।

1 कुरुन्थियों 14:29

भविष्यवाणी करणे वालेयां बिच का सिर्फ दो या त्रै जणे ही बोल्ले, ते बाकि विश्वासी तिन्हेरी गल्लां जो परखे।

1 कुरुन्थियों 3:5

मैं पौलुस ते अपुल्लोस परमेश्वर री सेवा करणे वाले दास का बधी करी होर किच्‍छ नी हिन, जिन्हेरे जरिए तुसा ने मसीह यीशु रे बसेख विश्वास कित्तेया, असा सबने से ही कम्म कित्तेया जे प्रभु ने असा जो दित्तेया।

1 कुरुन्थियों 7:7

मैं ए चांह्दा कि तुसा सारे मेरे सांई बगैर ब्याह रे रैह्‍न्दे पर परमेश्वर ने किच्‍छ लोक्कां जो ब्याह करणे रा वरदान दित्ता रा ओ ते कुसकी जो बगैर ब्याह रे रैह्णे रा।

2 कुरुन्थियों 8:12

किजोकी जे अगर तुसा अपणे पूरे मन कने दान दिंदे, तां से मंज़ूर भी हुंदा। ते जे किच्‍छ भी तुसा का है, तिसेरे हिसाब कने दान करो, ना कि जे तुसा का नी है।

इफिसियों 3:5

पैल्ले समय बिच परमेश्वर ने अपणाए राज़ कुसकी पर भी ज़ाहिर नी कित्ते रा थिया, पर अवे तिन्हा ने इसजो अपणे पवित्र प्रेरितां ते भविष्यद्वक्तां पर पवित्रात्मा रे जरिये ज़ाहिर कित्ते रा है।

इफिसियों 4:11

मसीह यीशु ने ही ए बखरे-बखरे दान दित्ते, तिन्हा ने किच्‍छ जणेया जो प्रेरित ठैहराया, ते किच्‍छ जणेया जो भविष्यद्वक्ता ठैहराया, ते थोड़े जणेया जो सुब बसेख सुनाणे वाले ठैहराया, ते किच्‍छ जणेया जो पादरी ते उपदेस दैणे वाले ठैहराया रा है।

फिलिप्पियों 3:15

अते असा बिच जिन्ने भी मणू आत्मिक तौर पर परिपक्व हिन, से इदेइ ही सोच रख्खे ते जे अगर तुसा रा होर गल्लां बिच किच्‍छ होर सोच-विचार हो तां परमेश्वर ने तुसा जो से गल्ल भी दस्सी दैणी।

1 थिस्सलुनीकियों 5:20

जे भविष्यवाणियां परमेश्वर ने लोक्कां पर ज़ाहिर कित्ते री हिन तिन्हा जो नक्कारो मत।

2 पतरस 1:20

पर तुसा जो ए गल्ल समजणे री जरुरत है कि जे गल्लां भविष्यद्वक्तां ने बोल्ले री हिन, से तिन्हेरे अपणे मन रे ख्याल नी हिन।