रोमियों 12:5 - चम्बयाली नौआ नियम

⁵ तिय्यां ही असी विश्वासी मणू मिली करी मसीह यीशु रे जिस्म रा हिस्सा बणी गेरे हिन, ते असी आपस बिच इक्क-दूए कने जुड़े रे हिन।

रोमियों 12:5 ပူးပေါင်းရင်းမြစ်များ

यूहन्ना 17:11

अवे मैं दुनिया बिच नी रैह्णा, अवे मैं तुसा का आया करदा है, पर मेरे चेल्‍लेयां ने इस दुनिया बिच रैह्णा, ते मैं तुसा का आई जाणा, ओ पवित्र पिता, अवे अपणे उस नां री ताकत कने तिन्हेरी रक्षा कर जे तुसा ने मेरे जो दित्तेया है, ताकि जिय्यां मैं ते तुसा इक्क हिन, से भी इक्क होई सकण।

रोमियों 12:4

किजोकी जिय्यां असा रे इक्क जिस्म रे मते सारे अंग हिन, ते तिन्हा सबणी अगां रा इक्क जदेया कम्म नी हुंदा,

1 कुरुन्थियों 10:17

इधेरे तांइ जां इक्क ही रोट्टी है जे मसीह हिन, तां असी भी जे मते हिन असी इक्क सरीर बणी जांदे किजोकी असी सब जणे तिस्सी इक्क रोट्टी बिच शामिल हुंदे।

1 कुरुन्थियों 12:20

हालांकि सरीर रे अंग ता मते हिन पर सरीर इक्क ही है।

1 कुरुन्थियों 6:15

तुसा जो पता ही है कि तुसा रे सरीर मसीह यीशु रे अंग हिन। मैं मसीह यीशु रे अंग जो लेई करी तिन्हा जो वेश्या रे अंग नी बणाई सकदा। इय्यां कदी भी नी होई सकदा।

इफिसियों 1:23

कलीसिया मसीह यीशु रे सरीर है ते मसीह री भरपुरी कने भरे री है जे सारेया बिच हर इक्क गल्ल जो पूरा करदी।

इफिसियों 4:12

तिन्हा ने ए दान इधेरे तांइ दित्ते ताकि से परमेश्वर रे लोक्कां जो तिन्हेरे तांइ कम्म करणे तांइ तैयार करी सकण, ते से मसीह रे सरीर रे रुप बिच पूरी तरह कने पकी जाण ते ताकतवर बणी सकण।

इफिसियों 4:25

इधेरे तांइ झूठ बोलणा छड्डी करी सब जणे अपणे संगी विश्वासी कने सच बोल्लेया करो, जिय्यां कि असी इक्क ही सरीर रे अंग हिन।

इफिसियों 5:23

किजोकी लाड़ा तिस्सी तरिक्के कने अपणी लाड़ी रा सिर है जिय्यां मसीह यीशु कलीसिया रे सिर ते छुटकारा दैणे वाले हिन जे तिन्हेरे सरीर है।

इफिसियों 5:30

किजोकी असी मसीह रे सरीर रे अगं हिन।

कुलुस्सियों 1:24

मेरे जो तुसा तांइ जुल्म झेलणे बिच खुसी हुंदी, मैं इस गल्ल बिच खुस है कि मैं मसीह रे सरीर तांइ, जे तिन्हेरी कलीसिया है, आखरी समय तिकर मसीह रा अपणी कलीसिया तांइ जुल्म झेलणे बिच जे भी कम्म अधुरा रेई गे रा हो, तिसजो पूरा करदे रैह्णा।

कुलुस्सियों 2:19

तिन्हा ने मसीह जो छड्डी दित्ते रा है, जे सरीर रूपी कलीसिया रे सिर सांई हिन। किजोकी से ही पूरे सरीर जो अप्पु-मिते तिसेरे जोड़ ते नसां कने जोड़ी करी रखदे, ते से तिय्यां ही बदधे रैहन्दे जिय्यां परमेश्वर चाह्‍ंदे।