रोमियों 12:3 - चम्बयाली नौआ नियम3 किजोकी जे अनुग्रह मेरे जो मिल्ले रे तिस अनुग्रह री वजह कने मैं तुसा बिच का हर इक्क जो बोलदा कि जिन्ना अप्पु जो समझणा चाएदा, अप्पु जो कोई तिसका जादा ना समजे पर जिय्यां परमेश्वर ने हर इक्क जणे जो दित्ते रा तिस विश्वास रे नाप रे हिसाब कने, ठीक समझ कने अप्पु जो तिन्ना ही समजे। အခန်းကိုကြည့်ပါ။ |
रोमियों 12:3
47 ပူးပေါင်းရင်းမြစ်များ
मैं परमेश्वर रे दित्ते रे वरदान कने से कम्म पूरा कित्तेया जे तिन्हा ने मेरे जो करणे तांइ दित्तेया थिया; मैं तुसा रे सहर बिच सुब बसेख सुणाया ते तुसा बिच का सुरु-सुरु बिच मसीह बिच विश्वास करणे वाले लोक्कां जो तिस बिच बधणे तांइ मदद कित्ती। तिसेरे बाद, बाकि मसीही सेवकां ने तिस कम्म जो जारी रख्खेया जे मैं सुरु कित्तेया थिया। पर असा बिच का हर इक्क मसीही सेवक जो इस गल्ल रा ध्यान रखणे री जरुरत है कि असा जो परमेश्वर रा कम्म किय्यां करणा चाएदा।
असी सारे जणे जे मसीह यीशु बिच विश्वास करदे, तिन्हेरे सरीर रे हिस्से सांई हिन। जिय्यां कुसकी मणू रा सरीर जोड़ां री वजह इक्क गठ्ठ होई करी रैह्न्दा, ते जां सरीर रा हर इक्क हिस्सा सही तरिक्के कने कम्म करदा, तां सरीर बदधा ते मजबूत बणदा जांदा, तिय्यां ही जां असा बिच का हर इक्क जणा सही तरिक्के कने से कम्म करदा जे मसीह ने असा जो दित्ते रा है, तां असा ने भी ताकतवर, परिपक्व होणा ते इक्क-दूए कने प्यार करणा।
इधेरे तांइ अपणे मन जो इय्यां तैयार करी लेयो कि जिय्यां मणू अपणी कमर बन्नी करी कम्म करणे तांइ तैयार हुंदे। इसेरा मतलब ए है कि तुसा जो अपणी सोच पर काबू रखणा चाएदा। बड़े हौसंले कने तिस छुटकारे री पूरी आस रख्खी करी अपणी बोल-चाल जो सही रख्खो जे परमेश्वर ने तुसा जो मसीह यीशु रे स्वर्ग हटणे रे समय पर बड़े अनुग्रह कने दैणा।
उदारण रे तौर पर, जे अगर तुसा का प्रचार करणे रा वरदान है, तां तुसा जो परमेश्वर रे बसेख रा प्रचार करणा चाएदा। जे अगर तुसा का लोक्कां री सेवा करणे रा वरदान है, ता परमेश्वर री दित्ते री ताकत कने लोक्कां री सेवा करो। तां हर इक्क चीज जे तुसा करदे, तिस कने परमेश्वर जो मसीह यीशु रे जरिये महिमा मिलणी। सारी महिमा ते ताकत हमेसा-हमेसा तांइ परमेश्वर री ही है। आमीन!
ကြော်ငြာတွေ