रोमियों 11:7 - चम्बयाली नौआ नियम

⁷ इधेरे तांइ इसेरा नतीज्जा ए होया, हालांकि इस्राएल रे मणू परमेश्वर रे सामणे धार्मिक ठैहरणा चाह्‍ंदे थिये, पर से कामयाब नी होए। पर परमेश्वर ने अपणे चुणे रे लोक्कां जो अपणी नजर बिच धार्मिक ठैहराया। दूए मणू जिद्दी बणी गे ते तिन्हा ने परमेश्वर री गल्ल मनणी नी चाई।

रोमियों 11:7 ပူးပေါင်းရင်းမြစ်များ

मरकुस 6:52

चेल्‍ले अपणे मन री सख्ती री वजह कने तिन्हा चमत्कारां रे बारे बिच समजी नी सके थिये।

लूका 13:24

यीशु ने तिसजो जवाब दित्तेया, “परमेश्वर रे राज जो पुजणे वाले तंग दुआर का जाणे तांइ मैहनत करो, किजोकी बड़े जणेया ने अन्दर जाणे री कोसीस करणी पर जाई नी सकणा।

यूहन्ना 12:40

“उन्नये उन्हेरी हाख्खी अन्नि ते, उन्हेरा मन कठोर करी दित्तेया रा है, कुते इय्यां ना हो कि ओ हाख्खी कने दिख्ण, ते मन कने समजन, ते फिरण, ते मैं उन्हेरे जो ठीक करां।”

रोमियों 10:3

किजोकी से परमेश्वर रे धार्मिक ठैहराणे रे तरिक्के जो नी समजदे। से परमेश्वर रे तरिक्के जो छड्डी करी, अपणे तरिक्के कने धार्मिक ठैहरणा चाह्‍ंदे, इधेरे तांइ से परमेश्वर री धार्मिक बणाणे रे तरिक्के जो मनणा नी चाह्‍ंदे थिये।

रोमियों 11:25

ओ संगी विश्वासियों, मैं चाह्‍ंदा कि तुसा इस भेद री गल्ल जो समजी जाओ ताकि तुसा जो अप्पु पर घमंड ना हो। इस्राएल रे किच्‍छ लोक्कां ने तां तांइ इदेया ही सख्त रैह्णा जां तांइ गैर यहूदी मणू पूरी तरिक्के कने मसीह बिच विश्वास नी करी लिंदे।

रोमियों 11:5

ठीक इसी तरिक्के कने परमेश्वर ने अपणे अनुग्रह कने इस्राएल रे किच्‍छ मणूआं तिन्हेरे अपणे मणू बणने तांइ चुणे रा है।

रोमियों 3:9

तां फिरी कै असी यहूदी लोक, गैर यहूदियां का जादा ठीक हिन? ना, बिल्कुल भी नी, किजोकी भले ही कोई यहूदी हो या गैर यहूदी हो, असी सारे जणेया पर इल्जाम लाया गे रा है, कि असी सारे पाप रे काबू बिच हिन।

रोमियों 6:15

किजोकी असी जाणदे कि असी मूसा रे कानून रे हेठ नी पर परमेश्वर रे अनुग्रह बिच जिन्दे, इधेरे तांइ असा जो पाप बिच जिन्दगी नी जीणी चाएदी।

रोमियों 9:18

इधेरे तांइ परमेश्वर जिस पर दया करणा चाह्‍ंदे तिस पर दया करदे, अते जिस जो जिद्दी बनाणा चाह्‍ंदे तिसजो जिद्दी बणाई दिंदे।

रोमियों 9:23

परमेश्वर ने तिन्हा लोक्कां पर अपणी महिमा ज़ाहिर करी कित्ता, जिन्हा जो तिन्हा ने अपणी महिमा दैणे तांइ चुणेया थिया।

1 कुरुन्थियों 10:19

मैं ए नी है बोलदा कि मूर्ति पर चढ़ाए री बलि किच्‍छ है, या मूर्ति अप्पु किच्‍छ है,

2 कुरुन्थियों 3:14

तिन्हेरी समझ मंद होई गे री है, किजोकी अज्ज तांइ जां से तिस मूसा रे कानून जो पढ़दे, तां से ही परदा तिन्हेरी समझ पर पेई रैहन्दा, पर से परदा वस मसीह यीशु पर विश्वास करणे रे जरिए ही हटदा।

2 कुरुन्थियों 4:4

शैतान, जे इस दुनिया रे लोक्कां रा शासक है, तिनिये मसीह यीशु बिच विश्वास ना करणे वाले लोक्कां री समझ जो मंद करी रख्खे रा है, ताकि से मणू सुब बसेख री महिमामय रौसनी जो नी दिख्खी सके। से मणू मसीह यीशु रे इस महिमा रे बसेख जो नी समजदे जे परमेश्वर रे प्रतीरुप हिन।

इफिसियों 1:4

दुनिया रे बणाए जाणे का पैल्ले ही परमेश्वर ने मसीह कने असा रा रिस्ता बणाणे रे जरिये चुणेया ताकि असी परमेश्वर रे सामणे पवित्र ते बेकसूर ठैहरे।

इफिसियों 4:18

किजोकी तिन्हेरी समझ पर न्याहरा छाई गे रा है, ते से मणू अपणी अज्ञानता ते ढिटपणे री वजह कने तिस जिन्दगी का दुर हिन जे परमेश्वर दिंदे।

फिलिप्पियों 1:18

पर इस कने कोई फरक नी पैन्दा भले ही तिन्हेरे ईरादे ठीक होण या बुरे, मसीह रा सुब बसेख कुसकी ना कुसकी तरिक्के कने सुणाया जांदा, ते मैं इस बिच ही खुस है, ते मैं इस गल्ल बिच इय्यां ही खुस रैह्णा।

इब्रानियों 12:17

तुसा जाणदे कि बाद बिच जां एसाव ने अपणे प्यो का आशीष पाणी चाही, तां तिसजो नक्कारी दित्तेया गेया, ते तिसजो रोई-रोई करी मंगणे पर भी आशीष नी मिल्ली। पर तिनिये जे कित्तेया थिया, तिसजो बदलणे तांइ अवे से किच्‍छ नी करी सकदा थिया।

1 पतरस 1:2

पिता परमेश्वर ने तुसा जो अपणे मणू बणाणे ते पवित्रात्मा रे जरिये पवित्र ठैहराणे तांइ बड़े पैल्ले का ही चुनणे रा फैसला करी लित्तेया थिया। तिन्हा ने ए इधेरे तांइ कित्तेया ताकि तुसा मसीह यीशु रे कहे मुताबिक चलो ताकि तुसा तिन्हेरे सुली पर खून बहाणे रे जरिये सुच्चे कित्ते जाण। तुसा जो परमेश्वर रे पास्से का अनुग्रह ते सांती मिलदी रे।