यहूदी मणू परमेश्वर रे दुश्मण बणी गे, किजोकी से मणू सुब बसेख पर विश्वास नी करणा चाह्ंदे, ते से तुसा तांइ फायदे री गल्ल बणी गे री है। पर परमेश्वर तिन्हा कने प्यार करदे किजोकी तिन्हा ने तिन्हा लोक्कां जो अप्पु तांइ चुणे रा है। परमेश्वर ने तिन्हेरे पूरखां कने इसी गल्ल रा वादा कित्तेया थिया।
पर तिन्हेरे पैदा होणे रे पैल्ले या तिन्हेरे बिच किच्छ भी खरा या बुरा होणे का पैल्ले ही परमेश्वर ने रिबेका जो दस्सेया, “बड्डे मुंडे ने छोटे मुंडे री सेवा करणी।” परमेश्वर ने ए गल्ल ए ज़ाहिर करणे तांइ बोल्ली कि से अपणे मकसद तांइ लोक्कां जो चुणदे, ते ए तिन्हा दोन्नां रे किच्छ करणे री वजह कने नी थिया।
अते यशायाह भविष्यद्वक्ता ने पवित्रशास्त्र बिच इस्राएल देस रे लोक्कां रे बारे बिच रोई करी बोल्लेया, “भले ही इस्राएल रे औलाद्दां समुन्द्र री रेत रे कणां सांई अणगिणत हिन, तां भी तिन्हा बिच का थोड़े जणेया ने ही बचणा।”