रोमियों 11:30 - चम्बयाली नौआ नियम

³⁰ किजोकी पैल्ले तुसा परमेश्वर रा हुकम नी मन्नेया, पर अवे इस्राएल रे लोक्का रा परमेश्वर रे हुकम जो नी मनणे री वजह कने तुसा गैर यहूदियां पर दया होए री है।

रोमियों 11:30 ပူးပေါင်းရင်းမြစ်များ

रोमियों 11:29

किजोकी परमेश्वर अपणे दित्ते रे वरदान ते बुलाहट का कदी नी बदलदे।

रोमियों 11:31

तिय्यां ही तिन्हा ने भी अवे हुकम नी मन्नेया, कि तुसा पर जे दया होया करदी है, इस कने तिन्हा पर भी दया होई जाओ।

रोमियों 15:9

अते गैर यहूदी जाति भी दया री वजह कने परमेश्वर री तारीफ करे, जिय्यां कि पवित्रशास्त्र लिख्खे रा है, “इधेरे तांइ मैं गैर यहूदियां अन्दर तेरी तारीफ करणी, ते तेरे नां रे भजन गाणे।”

1 कुरुन्थियों 7:25

कुंआरी कुड़ियां तांइ प्रभु का कोई भी हुकम मेरे जो नी मिल्लेया, पर परमेश्वर ने अपणी दया कने मेरे जो जे ज्ञान दित्ते रा है से भरोस्से रे लायक है ते मैं तुसा जो सलाह दिंदा,

2 कुरुन्थियों 4:1

इधेरे तांइ जां असा रे पर इदेयी दया होई कि असा जो परमेश्वर रा बसेख सुनाणे री सेवा मिल्ली तां असी हिम्मत नी हारदे।

कुलुस्सियों 3:7

जां तुसा भी बुराई बिच जिन्दगी जिन्दे थिये तां तुसा भी ए सारे कम्म करदे थिये।

1 तीमुथियुस 1:18

मेरे पुत्तर तीमुथियुस, मेरे तेरे जो ए सलाह देया करदा है, मैं चाह्‍ंदा कि तू भविष्यद्वक्ता रे बोल्ले री गल्लां याद करे कि तेरे कने कै होणा। तेरे जो तिसेरी बोल्ली री गल्लां जो तिन्हा झूठ्ठी शिक्षा दैणे वाले लोक्कां रे खिलाफ हथियार सांई इस्तेमाल करणा जरुरी है।

इब्रानियों 3:18

जां परमेश्वर ने बोल्लेया, कि से तित्ते नी आई सकदे जित्ते तिन्हा ने तिन्हा लोक्कां जो अराम दैणा थिया, तां से तिन्हा लोक्कां रे ही बारे बिच गल्ल करेया करदे थिये, जिन्हा ने तिन्हेरे हुकम री ना-फरमानी कित्ती थी।

1 पतरस 2:10

भविष्यद्वक्ता होशे ने तुसा रे बारे बिच जे लिख्खे रा है से सही ही है, “पैल्ले तुसा परमेश्वर रे मणू नी थिये पर अवे तुसा परमेश्वर रे मणू हिन। पैल्ले तुसा परमेश्वर रे दया जो नी जाणदे थिये पर अवे तुसा जाणदे किजोकी तिन्हा ने तुसा पर दया करी दित्ते री है।”