रोमियों 11:18 - चम्बयाली नौआ नियम

¹⁸ ते ए गल्ल सोच्ची करी घमंड मत करदा कि तू तिन्हा डालियां का जादा बदिया है जिन्हा जो कट्टी दित्ते गेया थिया। ते जे अगर तू घमंड करे भी ता ए याद रख्खे, कि जड़ ने तिज्जो सम्भाले रा है, ना कि तू जड़ा जो।

रोमियों 11:18 ပူးပေါင်းရင်းမြစ်များ

मत्ती 26:33

इस पर पतरस ने तिन्हा जो बोल्लेया, जे सारे तुसा रे बारे बिच धोखा खाण ते खाण, पर मैं कदी भी धोखा नी खाणा।

यूहन्ना 10:16

मेरी होर भी भेड़ां हिन, जे इस गुआड़ री नी हिन मेरे जो तिन्हा जो भी लाणा जरुरी है तिन्हा ने मेरी अवाज सूणनी, तां इक्क ही झुण्ड ते इक्क ही पुहाल होणा।

यूहन्ना 4:22

तुसा सामरी कस्बे रे मणू जिस जो नी जाणदे, तिसेरी अराधना करदे, ते असी यहूदी मणू जिस जो जाणदे तिसेरी अराधना करदे, किजोकी छुटकारा यहूदियां बिच का है।

प्रेरितां रे कम्म 25:7

जां से आया, तां जे यहूदी अधिकारी यरुशलेम का आए रे थिये, तिन्हा ने अपणे-अपणे खड़े होई करी पौलुस पर मते सारे बड्डे-बड्डे इल्जाम लाये, जिन्हेरा सबूत से नी देई सकदे थिये।

रोमियों 11:20

ए गल्ल सच है कि से तां विश्वास नी होणे री वजह कने कट्टी गयी, पर तू इधेरे तांइ घमंडी मत हो कि विश्वास बिच बणी रैहन्दा, पर डर रख्खेया कर।

रोमियों 3:27

फिरी असा तांइ धार्मिकता पर घमंड करणा बिल्कुल ही नामुमकिन है किजोकी परमेश्वर असा रे पाप्पां रे लेखे-जोखे जो मूसा रे कानून जो मनणे री वजह कने नी पर मसीह बिच विश्वास करणे री वजह कने मिटांदे।

रोमियों 4:16

इधेरे तांइ वादा, परमेश्वर पर विश्वास करणे पर आधारित है, ताकि परमेश्वर रा वादा तिन्हा रे अनुग्रह रे मुताबक हो, परमेश्वर रा ए वादा सिर्फ अब्राहम ते तिन्हेरे वशंजा तांइ ही नी है जिन्हा का मूसा रा कानून है, ए तिन्हा सारे मणूआं तांइ है जिन्हा बिच अब्राहम जदेया ही विश्वास है, जे असी सारे मणूआं रे पुरखे हिन।

1 कुरुन्थियों 10:12

इधेरे तांइ जे विश्वासी ए दावा करदा कि से विश्वास बिच पक्का है, से चुकन्ना रेयो कि कुदखी तिस्सी तरिक्के रे पाप बिच ना पेई जाओ।

गलातियों 3:29

ते अवे तुसा सारे जे मसीह यीशु कने जुड़ी गेरे हिन, तुसा अब्राहम री औलाद्दां हिन ते तिसेरे वारिस भी हिन, ते तुसा जो से सब मिलणा जिसेरा वादा परमेश्वर ने अब्राहम कने कित्तेया।