रोमियों 11:12 - चम्बयाली नौआ नियम

¹² इधेरे तांइ अगर यहूदी लोक्कां रा परमेश्वर री गल्ल जो ना मनणा, गैर यहूदियां तांइ आशीष मिलणे री वजह बणदा, ते जां यहूदियां ने परमेश्वर का हटी आणा, तां गैर यहूदियां जो होर भी आशीषां मिलणी।

रोमियों 11:12 ပူးပေါင်းရင်းမြစ်များ

प्रेरितां रे कम्म 3:21

जरुरी है कि से स्वर्ग बिच तिस बेल्ले रैह्ण जां तिकर की से सारी चीजां जो दुबारा नौआ ना बणाई लये, जिस गल्ल रा वादा परमेश्वर ने अपणे पवित्र भविष्यद्वक्ताओं कने बड़े पैल्ले कित्ता थिया।

रोमियों 11:15

किजोकी इस्राएल रे लोक्कां रा छड्डेया जाणा, दुनिया रे लोक्कां तांइ परमेश्वर कने मेल जोल होणे री वजह बणेया। जां तिन्हा ने यीशु जो मसीह मन्नी करी अपणाई लैणा, तां से गल्ल मरे रे मणू जो फिरी जिन्दे करणे रे बराबर होणा।

रोमियों 11:25

ओ संगी विश्वासियों, मैं चाह्‍ंदा कि तुसा इस भेद री गल्ल जो समजी जाओ ताकि तुसा जो अप्पु पर घमंड ना हो। इस्राएल रे किच्‍छ लोक्कां ने तां तांइ इदेया ही सख्त रैह्णा जां तांइ गैर यहूदी मणू पूरी तरिक्के कने मसीह बिच विश्वास नी करी लिंदे।

रोमियों 11:33

वाह! परमेश्वर रा धन्न ते बुद्धी अते ज्ञान किन्ने जादा गम्भीर हिन! कोई भी तिन्हेरे फैसलेयां जो नी समजी सकदा ते कोई भी तिन्हेरे रस्तेयां जो नी समजी सकदा!

रोमियों 9:23

परमेश्वर ने तिन्हा लोक्कां पर अपणी महिमा ज़ाहिर करी कित्ता, जिन्हा जो तिन्हा ने अपणी महिमा दैणे तांइ चुणेया थिया।

इफिसियों 3:8

हालांकि मैं परमेश्वर रे सारे लोक्कां बिच का सारेयां का घट काबिल है, पर फिरी भी परमेश्वर ने मेरे जो ए सौभाग्य दित्ते रा है कि मैं गैर यहूदियां बिच ए सुब बसेख सूणां कि मसीह यीशु भरपूर आशीषां रा जरिया हिन,

कुलुस्सियों 1:27

किजोकी परमेश्वर ने चाएया कि तिन्हेरे मणू जाणे कि मसीह री शोहरत ते महिमा गैर यहूदियां तांइ भी है, ते से राज़ मसीह है, जे तुसा बिच वास करदे जे असा री परमेश्वर री महिमा बिच हिस्सेदार बणने री आस है।