रोमियों 11:11 - चम्बयाली नौआ नियम

¹¹ इधेरे तांइ मैं पूच्छदा, कै यहूदी लोक्कां ने इधेरे तांइ ठोकर खाई कि से दुबारा उठी ना सके? बिल्कुल भी नी! पर तिन्हेरे परमेश्वर री गल्लां जो ना मनणे री वजह कने गैर यहूदियां जो छुटकारा मिल्लेया, कि यहूदियां जो इस गल्ल री वजह कने हिर्स हो।

रोमियों 11:11 ပူးပေါင်းရင်းမြစ်များ

लूका 20:16

यीशु ने बोल्लेया, तिन्ने आई करी तिन्हा जिमीदारां जो मारी दैणा, अते अंगूरा रे बगीचे रा ठेका कुसकी होरणी जो देई दैणा ए सुणी करी मणूआं ने बोल्लेया, परमेश्वर ना करे कि इय्यां कदी हो

प्रेरितां रे कम्म 13:42

जिस बेल्ले पौलुस ते बरनबास सभास्थल का बाहर निकलेया करदे थिये तिस से तिन्हेरे छंदे करणा लग्गे, कि अगले विश्राम दिन असा जो ऐई गल्लां सूणाई जाण।

प्रेरितां रे कम्म 18:6

पर जां तिन्हा लोक्कां ने पौलुस रे खिलाफ होई करी तिसेरी बेजती करणा लग्गे, तां पौलुस ने अपणे कपड़े झाड़ी करी तिन्हा जो बोल्लेया, तुसा अपणी जिन्दगी तांइ अप्पु जिम्मेदार हिन, मैं बेकसूर है, अव्वे मैं गैर यहूदी रे मणूआं का जाई करी तिन्हा जो परमेश्वर रा बसेख सूणाणा।

रोमियों 10:19

पर मैं ए बोलदा, कि ए सच है कि इस्राएल रे मणू मसीह रे सुब बसेख जो समजी गेरे हिन। जिय्यां कि प्रभु ने मूसा रे जरिये ए बोल्लेया, “मैं तुसा यहूदी लोक्कां जो, गैर यहूदियां तांइ अपणा प्यार दिखाई करी हिर्स कराणी। मैं बेवकूफ गैर यहूदियां रे जरिये तुसा रे गुस्से जो भड़काणा।”

रोमियों 11:1

इधेरे तांइ मैं पूच्छदा, कै परमेश्वर ने अपणी प्रजा जो छड्डी दित्तेया? बिल्कुल भी नी! मैं भी तां इस्राएली मणू है, ते अब्राहम रे ‍खानदान ते बिन्यामीन रे गोत्तर बिच का है।

रोमियों 11:12

इधेरे तांइ अगर यहूदी लोक्कां रा परमेश्वर री गल्ल जो ना मनणा, गैर यहूदियां तांइ आशीष मिलणे री वजह बणदा, ते जां यहूदियां ने परमेश्वर का हटी आणा, तां गैर यहूदियां जो होर भी आशीषां मिलणी।

रोमियों 11:14

ताकि कुसकी तरिक्के कने मैं अपणे यहूदी लोक्कां बिच हिर्स पैदा करवाई करी, तिन्हा बिच का मते जणेया रा छुटकारा करवां।

रोमियों 11:31

तिय्यां ही तिन्हा ने भी अवे हुकम नी मन्नेया, कि तुसा पर जे दया होया करदी है, इस कने तिन्हा पर भी दया होई जाओ।