रोमियों 10:9 - चम्बयाली नौआ नियम

⁹ जे अगर कोई भी मणू सारेयां सामणे, अपणे दिल कने यीशु जो प्रभु मन्नी लै, ते अपणे मन बिच ए विश्वास करे कि परमेश्वर ने तिन्हा जो मुर्देयां बिच का जिन्दा कित्ता, तां परमेश्वर ने तिसजो तिसेरे पाप्पां का बचाणा।

रोमियों 10:9 ပူးပေါင်းရင်းမြစ်များ

लूका 12:8

फिरी यीशु ने बोल्लेया, मैं तुसा जो बोलदा, कि जे कोई मेरे जो मणूआं रे सामणे मन्नी लिन्गा, तिसजो मणू रे पुत्तर, जे मैं ही है ने भी परमेश्वर रे स्वर्गदूतां सामणे मन्नी लैणा।

यूहन्ना 9:22

ए गल्लां तिसेरे मां-प्यो ने इस तांइ बोल्ली किजोकी से यहूदी अधिकारी का डरदे थिये, किजोकी यहूदी इक्क पास्से होई गेरे थिये कि जे कोई बोल्ले कि यीशु ही मसीह है, तां सभास्थल बिच का कड्डेया जाए।

प्रेरितां रे कम्म 16:31

तिन्हा ने बोल्लेया, प्रभु यीशु पर विश्वास कर, तां तू ते तेरे परिवार ने छुटकारा पाणा

प्रेरितां रे कम्म 2:24

पर तिन्हा ही जो परमेश्वर ने मौत रे बधंन का छुड़ाई करी जिन्दा करी दित्ता, किजोकी ए नामुमकिन थिया कि से तिसेरे वस बिच रैहन्दे,

प्रेरितां रे कम्म 2:32

इसी यीशु जो परमेश्वर ने जिन्दा कित्तेया, जिसेरे असी सारे गवाह हिन

प्रेरितां रे कम्म 8:36

रस्ते बिच जादें-जादें से इक्क तलाब का गुजरेया करदे थिये, तां तिस किन्नर ने बोल्लेया, दिख्ख इत्ते तलाब है अवे मेरे जो बपतिस्मा लैणे बिच कै रोक है?

रोमियों 10:10

किजोकी जां असी अपणे मन कने विश्वास करदे तां परमेश्वर असा जो धार्मिक ठैहरांदे, ते असी जिन्हा ने विश्वास कित्ते रा है, तिसजो अपणे मुँह कने मन्नी लैणे री वजह कने असी बचाए जाणे।

रोमियों 14:11

किजोकी पवित्रशास्त्र बिच, “प्रभु बोलदे कि मैं अपणी जिन्दगी री कसम खाई करी बोलदा, कि हर इक्क मणू ने मेरे सामणे अपणे गोड्डे टेकणे, ते हर इक्क मणू ने अपणी जुबान कने मन्नी लैणा कि मैं परमेश्वर है।”

रोमियों 14:9

किजोकी मसीह यीशु इधेरे तांइ ही मरे, अते मुर्देयां बिच का जिन्दे भी होई गे, ताकि से मरे रे ते जिन्दे, दोन्नां रे प्रभु ठैहरे।

रोमियों 4:24

बल्कि असा लोक्कां तांइ भी लिख्खेया गेया, किजोकी तिन्हा पर विश्वास करणे री वजह कने तिस परमेश्वर ने असा जो धार्मिक ठैहराणा, जिन्हा ने मसीह यीशु जो मुर्देयां बिच का जिन्दा कित्ता।

रोमियों 8:34

इदेया कोई नी है जे असा पर सजा रा हुकम देई सके, किजोकी से मसीह यीशु ही हिन जे असा तांइ मरे ते मुर्देयां बिच का जिन्दे होई गे, ते परमेश्वर रे सज्जे पास्से बैठ्ठे रे हिन, ते असा तांइ बिनती करेया करदे हिन।

1 कुरुन्थियों 12:3

इधेरे तांइ मैं चाह्‍ंदा कि तुसा समझो कि जे कोई परमेश्वर रे आत्‍मा रे कहे मुताबिक बोलदा से कदी ए नी बोलदा यीशु लाणती है, ते बगैर पवित्रात्मा रे कहे मुताबिक कोई ए भी नी बोल्ली सकदा कि यीशु प्रभु हिन।

फिलिप्पियों 2:11

ते पिता परमेश्वर री महिमा तांइ सारे जणेया ने ए मन्नी लैण कि मसीह यीशु ही प्रभु हिन।

1 पतरस 1:21

मसीह यीशु ने जे असा तांइ कित्तेया तिसेरी वजह कने अवे तुसा परमेश्वर बिच विश्वास करदे। तिन्हा ने ही मसीह यीशु जो मुर्देयां बिच का फिरी जिन्दा कित्तेया ते तिन्हा जो महिमा दित्ती। इधेरे तांइ परमेश्वर बिच तुसा रा विश्वास ते आस अवे मजबूत है।

1 यूहन्ना 4:15

जे कोई ए मन्नी लिन्दा कि यीशु परमेश्वर रा पुत्तर है तां परमेश्वर तिस मणू अन्दर बणी रैहन्दा ते से मणू परमेश्वर अन्दर।

2 यूहन्ना 1:7

मैं ए इधेरे तांइ बोलदा किजोकी लोक्कां जो झूठ्ठी शिक्षा देई करी भटकाणे वाले मणू दुनिया बिच जगाह्-जगह फैल्ली गेरे हिन। से बोलदे कि मसीह यीशु इक्क मणू रे रुप बिच दुनिया बिच नी आए थिये। जे अगर कोई मणू इदेइ गल्लां करदा तां से मणू मसीह विरोधी है जे लोक्कां जो भटकांदा।