रोमियों 10:8 - चम्बयाली नौआ नियम

⁸ पर ए लिख्खे गे रा है, “परमेश्वर रा संदेश, तुसा रे नेड़े है, तुसा इस बसेख जो अपणी जुबान कने मन्नी सकदे, जे तुसा रे दिल बिच है” मतलब कि, ए परमेश्वर बिच विश्वास करणे रा से बसेख है, जिसेरा असी प्रचार करदे।

रोमियों 10:8 ပူးပေါင်းရင်းမြစ်များ

प्रेरितां रे कम्म 10:43

सब भविष्यद्वक्ता तिन्हेरी गवाई दिंदे, कि जे कोई तिन्हा पर विश्वास करगा, तिसजो मसीह यीशु रे जरिए पाप्पां री माफी मिलण।

प्रेरितां रे कम्म 16:31

तिन्हा ने बोल्लेया, प्रभु यीशु पर विश्वास कर, तां तू ते तेरे परिवार ने छुटकारा पाणा

रोमियों 10:17

सुब बसेख जो सुनणे कने विश्वास हुंदा, अते सुब बसेख मसीह रे बारे बिच है।

गलातियों 3:2

मैं तुसा का सिर्फ ए जाणना चाह्‍ंदा की तुसा पवित्रात्मा जो मूसा रे कानून जो मनणे कने या मसीह यीशु बिच सुनणे ते विश्वास करणे रे जरिये हासिल कित्ते रा है?

गलातियों 3:5

परमेश्वर ने तुसा जो भरपुरी कने पवित्रात्मा दित्तेया ते चिन्ह-चमत्कारी कम्म करणे रे दान दित्ते। कै से तुसा जो मूसा रा कानून रे जो मनणे कने मिल्लेया फिरी यीशु मसीह बिच विश्वास करणे रे जरिये मिल्ले?

इफिसियों 5:26

ताकि तिसजो अपणे वचन रे जरिए जल रे स्नान कने साफ करी के पवित्र बणाए।

1 तीमुथियुस 4:6

जे अगर तू संगी विश्वासियां जो इन्हा गल्लां री शिक्षां दिंदा रैह्‍ंगा, तां तैं मसीह यीशु रा खरा दास ठैहराणा ते तैं अपणे मन जो परमेश्वर रे वचन कने मजबूत करणा जिस जो असी बदिया का बदिया शिक्षा कने मनदे भी।

1 पतरस 1:23

तुसा जो अप्पु-मिते प्यार रखणा चाएदा किजोकी तुसा जो परमेश्वर का इक्क नौई जिन्दगी मिल्ले री है। तुसा जो ए जिन्दगी कुसकी इदेइ चीज रे जरिये नी मिल्ले री है जे इक्क दिन मुकी जाणी पर कुसकी इदेइ चीज रे जरिये मिल्ले री है जे हमेसा-हमेसा तिकर रैह्णी ते से परमेश्वर रा जिंदा ते हमेसा तिकर रैह्णे वाला वचन है।

1 पतरस 1:25

पर परमेश्वर रे वचन ने हमेसा-हमेसा तिकर बणी रैह्णा।” ए वचन मसीह यीशु रा सुब बसेख है जिसेरा प्रचार तुसा जो सुणाया गेया थिया।