रोमियों 10:3 - चम्बयाली नौआ नियम

³ किजोकी से परमेश्वर रे धार्मिक ठैहराणे रे तरिक्के जो नी समजदे। से परमेश्वर रे तरिक्के जो छड्डी करी, अपणे तरिक्के कने धार्मिक ठैहरणा चाह्‍ंदे, इधेरे तांइ से परमेश्वर री धार्मिक बणाणे रे तरिक्के जो मनणा नी चाह्‍ंदे थिये।

रोमियों 10:3 ပူးပေါင်းရင်းမြစ်များ

लूका 10:29

पर से मणू अप्पु जो सही जताणा चाह्‍न्दा थिया, इधेरे तांइ से यीशु का फिरी पूच्छणा लग्गेया, तुसा ए दस्सो कि मेरा पड़ोसी कुण होया?

लूका 16:15

यीशु ने तिन्हा जो बोल्लेया, तुसा जे मणूआं जो ए जताणा चाह्‍ंदे कि तुसा बड़े सही हिन, पर परमेश्वर तां तुसा रे मनां जो भी जाणदे। दुनिया जिस गल्ल रा बड़ा आदर करदी, से गल्ल परमेश्वर री नजरां अन्दर घटिया हिन।

रोमियों 1:17

किजोकी सुब बसेख रे जरिये परमेश्वर तिस हर इक्क मणू जो धार्मिक बणांदे, जे पूरे तरिक्के कने सुब बसेख पर विश्वास करदे। जिय्यां कि भविष्यद्वक्ता ने पवित्रशास्त्र बिच भी लिख्खे रा है, “परमेश्वर जिस मणू जो धार्मिक बणांदे, से ही विश्वास रे जरिये जिन्दा।”

रोमियों 10:2

किजोकी मैं गवाई दिंदा कि तिन्हा लोक्कां बिच परमेश्वर तांइ जोस है, पर से मणू ए नी समजदे कि परमेश्वर री सेवा कुस तरिक्के कने करणी चाएदी।

रोमियों 10:20

फिरी यशायाह ने बड़ी हिम्मत कने पवित्रशास्त्र बिच लिख्खेया कि परमेश्वर ने इय्यां बोल्लेया, “मेरे जो तिन्हा लोक्कां ने हासिल करी लित्तेया, जे मेरे जो तोप्पेया नी करदे थिये, मैं अप्पु जो तिन्हा लोक्कां पर ज़ाहिर कित्ता, जे मेरे बारे बिच पूच्छेया नी करदे थिये।”

रोमियों 11:7

इधेरे तांइ इसेरा नतीज्जा ए होया, हालांकि इस्राएल रे मणू परमेश्वर रे सामणे धार्मिक ठैहरणा चाह्‍ंदे थिये, पर से कामयाब नी होए। पर परमेश्वर ने अपणे चुणे रे लोक्कां जो अपणी नजर बिच धार्मिक ठैहराया। दूए मणू जिद्दी बणी गे ते तिन्हा ने परमेश्वर री गल्ल मनणी नी चाई।

रोमियों 3:22

मतलब जां असी मसीह यीशु बिच विश्वास करदे, तां परमेश्वर असा जो धार्मिक ठैहरांदे, ते ए मसीह यीशु बिच विश्वास करणे वाले हर इक्क मणू तांइ है। किजोकी परमेश्वर सारे मणूआं कने इक्क-बराबर ही बर्ताव करदे।

रोमियों 5:19

किजोकी इक्क मणू रे परमेश्वर रे हुकम जो ना मनणे री वजह कने मते मणू पापी ठैहराए गे, तिय्यां ही इक्क मणू रे परमेश्वर रे हुकम जो मनणे री वजह कने मते मणू धार्मिक ठैहराए गे।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

फिलिप्पियों 3:9

अते मैं मसीह यीशु कने इक्क-मन होई करी रेयां, मेरी धार्मिकता मूसा रे कानूनां जो मनणे रे आधार पर नी है, पर ए धार्मिकता से है जे परमेश्वर मेरे जो मसीह यीशु बिच विश्वास करणे री वजह कने दिंदे।

2 पतरस 1:1

मैं शमौन पतरस, मसीह यीशु रा सेवादार ते प्रेरित है। मैं तुसा सारेया जो ए चीठ्ठी लिख्खेया करदा है जे असा सांई तिस ही विश्वास बिच हिस्सेदार हिन, से विश्वास जे असा जो मसीह यीशु का मिल्ले रा है, असा रे प्रभु ते छुटकारा दैणे वाले, ते जे असा जो परमेश्वर रे सामणे धार्मिक ठैहरांदे।