रोमियों 10:20 - चम्बयाली नौआ नियम

²⁰ फिरी यशायाह ने बड़ी हिम्मत कने पवित्रशास्त्र बिच लिख्खेया कि परमेश्वर ने इय्यां बोल्लेया, “मेरे जो तिन्हा लोक्कां ने हासिल करी लित्तेया, जे मेरे जो तोप्पेया नी करदे थिये, मैं अप्पु जो तिन्हा लोक्कां पर ज़ाहिर कित्ता, जे मेरे बारे बिच पूच्छेया नी करदे थिये।”

रोमियों 10:20 ပူးပေါင်းရင်းမြစ်များ

मत्ती 20:16

इसी तरिके कने जे पिछले हिन, पैल्ले कित्ते जाणे ते जे पैल्ले हिन, से पिछले होणे।” इसी तरिक्के कने परमेश्वर ने भी तिन्हा लोक्कां जो हिसाब-किताब रे दिन पर ईनाम दैणा जे अब्बे घट समजे जांदे।

लूका 14:23

तां मालक ने नौक्कर जो बोल्लेया, सड़कां अते बाड़ियां अन्दर जितणे भी मणू मिलगे, तिन्हा जो धाम खाणे तांइ जोर पा, ते तिन्हा जो लेई आ, ताकि मेरा घर भरी जाओ।

रोमियों 10:3

किजोकी से परमेश्वर रे धार्मिक ठैहराणे रे तरिक्के जो नी समजदे। से परमेश्वर रे तरिक्के जो छड्डी करी, अपणे तरिक्के कने धार्मिक ठैहरणा चाह्‍ंदे, इधेरे तांइ से परमेश्वर री धार्मिक बणाणे रे तरिक्के जो मनणा नी चाह्‍ंदे थिये।

रोमियों 9:30

तां फिरी असी कै बोलण? गैर यहूदी मणू परमेश्वर री नजरां बिच धार्मिक बणने री कोसीस नी करेया करदे थिये, पर परमेश्वर ने तिन्हा लोक्कां जो धार्मिक ठैहराया, किजोकी तिन्हा लोक्कां ने मसीह बिच विश्वास कित्तेया।

रोमियों 9:31

इस्राएल रे मणू चाह्‍ंदे थिये कि परमेश्वर तिन्हा लोक्कां जो मूसा रे कानूनां जो मनणे कने धार्मिक ठैहराई दैण, पर तिन्हा जो धार्मिक नी ठैहराया गेया।

1 यूहन्ना 4:19

असी परमेश्वर कने ते दूए लोक्कां कने इधेरे तांइ प्यार करदे किजोकी परमेश्वर ने पैल्ले असा कने प्यार कित्ता।