रोमियों 10:18 - चम्बयाली नौआ नियम

¹⁸ पर मैं बोलदा कि इस्राएल रे लोक्कां ने मसीह रे बारे बिच बसेख सुणे रा ही है। जिय्यां कि पवित्रशास्त्र बिच लिख्खे रा है, “तिन्हेरा बसेख पूरी दुनिया बिच फैल्ली गेया, ते तिन्हेरा संदेश, दुनिया रे इक्क कुणे का दूज्जे का कुणे तिकर पूज्जी गेया।”

रोमियों 10:18 ပူးပေါင်းရင်းမြစ်များ

मत्ती 24:14

ते स्वर्ग राज रा ए सुब बसेख सारी दुनिया रे सारे लोक्कां बिच सूणाई जाणी, ताकि सारी दुनिया रे लोक्कां जो मनणे रा मौक्का मिल्ले, तां दुनिया रे मुकणे रा समय आई जाणा।

मत्ती 26:13

मैं तुसा कने सच बोलदा, की सारी दुनिया बिच जित्ते कुथकी ए सुब बसेख दस्सेया जाणा, तित्ते इसेरे इस कम्म रा जिकर भी इसेरी याद बिच कित्तेया जाणा।

मत्ती 28:19

इधेरे तांइ तुसा जाओ अते जाति-जाति रे लोक्कां जो मेरा चेल्ला बणाओ तुसा जो ए कम्म परम पिता रे नां बिच, पुत्तर रे नां बिच अते पवित्रात्मा रे नां बिच उन्हा जो बपतिस्मा देई करी पूरा करणा है।

मत्ती 4:8

फिरी शैतान तिन्हा जो इक्क बड़े उच्चे पहाड़ पर लेई गेया अते दुनिया रे सारे राज अते तिन्हेरी महिमा दिखाई करी तिन्हा जो बोल्लेया,

मरकुस 16:15

ते यीशु ने तिन्हेरे जो बोल्लेया, “तुसां सारी दुनिया बिच जाई करी, सारी दुनिया रे लोक्कां जो सुब बसेख सुणाओ।

मरकुस 16:20

ते तिन्हा चेल्‍लेयां ने निकली करी हर जगाह् प्रचार कित्तेया, ते प्रभु रे चेल्‍लेयां रे जरिए कम्म करदे रेय, अते तिन्हा नेक-बनेक्के कम्मां रे जरिए जे कन्ने-कन्ने हुंदे थिये, वचनां जो पक्का करदे रेय।

प्रेरितां रे कम्म 1:8

पर जां पवित्रात्मा तुसा पर आणा तां तुसा ताकत पाणी ते तुसा यरुशलेम सहर ते सारी यहूदियां प्रदेश ते सामरिया प्रदेश बिच, ते दुनिया रे हर कुणे तिकर तुसा मेरे गवाह बणना।”

प्रेरितां रे कम्म 26:20

पर पैल्ले दमिश्क कस्बे रे, फिरी यरुशलेम सहर रे, ते फिरी तां यहूदियां प्रदेश रे सारे देस रे रैह्णे वालेयां जो ते गैर यहूदी लोक्कां बिच प्रचार करदा रेया, कि अपणे पाप्पां का तौबा करी के परमेश्वर का हटी आओ।

प्रेरितां रे कम्म 28:23

तां तिन्हा यहूदी अधिकारियां ने पौलुस कने मिलणे तांइ इक्क दिन चुणेया, ते मते सारे मणू तित्ते तिसका कठ्ठी गे, अते से परमेश्वर रे राज री गवाई दिन्दा, ते मूसा रे कानून अते भविष्यद्वक्ता री कताबां का यीशु रे बारे अन्दर समझाई-समझाई करी भ्यागा का लेई करी संझा तांइ गहराई कने दस्दा रेया

रोमियों 1:8

पैल्ले मैं तुसा सारे वास्ते मसीह यीशु रे जरिए अपणे परमेश्वर रा शुक्रिया करदा, किजोकी जगाह्-जगह मसीह बिच तुसा रे विश्वास री गल्लां होया करदी हिन।

रोमियों 15:19

जे ताकत पवित्रात्मा ने मेरे जो दित्ते री है, तिस कने मैं चिन्ह-चमत्कार दिखांदा। इधेरे तांइ मैं यरुशलेम का लेई करी इल्लिरिकुम प्रदेश तिकर जित्ते भी गेया, तित्ते लोक्कां जो मसीह यीशु रा सुब बसेख सुणाया।

कुलुस्सियों 1:23

मसीह बिच तुसा रा विश्वास, नीं बणे रे मजबूत घर सांई होणा चाएदा। मसीह रे सुब बसेख जो सुणी करी जे आस तुसा जो मिल्ली थी, तिसजो मत छड्डो, ते जिस सुब बसेख रा प्रचार दुनिया रे सारे लोक्कां बिच कित्ता गे रा है। ते मैं पौलुस जिस सुब बसेख रा दास बणेया।

कुलुस्सियों 1:6

जे सुब बसेख तुसा जो सुणाया गेया थिया, से ही सुब बसेख अवे सारी दुनिया रे लोक्कां बिच सुणाया जांदा। ते जिय्यां इसने तुसा री जिन्दगी जो बदलेया थिया, जां तुसा ने पैल्ली वरी परमेश्वर रे बसेख जो सूणेया ते समजेया थिया कि तिस बिच किन्ना जादा अनुग्रह है, तिय्यां ही ए लोक्कां री जिन्दगी जो बदली करी जादा का जादा फल्ल लाया करदा है।

1 थिस्सलुनीकियों 1:8

किजोकी तुसा रे प्रदेश का परमेश्वर रे सुब बसेख री जे धूम मची से ना सिर्फ मकिदुनिया अते अखाया बिच बल्कि परमेश्वर बिच तुसा रा विश्वास हर कुते मन्नेया गेया ते असा जो होर कुसकी जो किच्‍छ बोलणे री जरुरत नी है।