रोमियों 10:16 - चम्बयाली नौआ नियम

¹⁶ पर बड़े घट जणेया ने सुब बसेख पर विश्वास कित्ता। जिय्यां कि यशायाह भविष्यद्वक्ता ने पवित्रशास्त्र बिच बोल्ले रा है, “ओ प्रभु, बड़े घट लोक्कां ने असा रे बसेख पर विश्वास कित्ता।”

रोमियों 10:16 ပူးပေါင်းရင်းမြစ်များ

मत्ती 13:14

अते तिन्हेरे बारे बिच यशायाह री ए भविष्यवाणी पूरी हुंदी, तुसा सूणदे तां रैह्णा, पर तुसा री समझ बिच नी आणा, अते दिख्खदे तां रैह्णा, पर तुसा जो किच्‍छ भी सूझणा नी।

यूहन्ना 10:26

पर तुसा इस तांइ विश्वास नी करदे किजोकी मेरी भेड़ां बिच का नी हिन

प्रेरितां रे कम्म 28:24

तां थोड़े जणेया ने तिन्हा गल्लां पर विश्वास करी लेया, अते किच्‍छ जणेया ने विश्वास नी कित्तेया।

रोमियों 1:5

ते मसीह रे जरिये, परमेश्वर ने असा जो प्रेरित बणने रा अनुग्रह ते हक दित्तेया, ताकि असी जगाह्-जगह गैर यहूदी लोक्कां जो से गल्लां दस्सी सकण, जे परमेश्वर ने तिन्हा लोक्कां तांइ कित्ते री हिन, ताकि से मणू मसीह पर विश्वास करण, ते तिन्हेरी शिक्षा जो मन्ने।

रोमियों 11:17

इस्राएल देस रे मणू जैतून रे बूट्टे री डालियां सांई हिन। ते तिन्हेरी जड़ तिन्हेरे पुरखा अब्राहम, इसहाक ते याकूब हिन। ते जे अगर किच्‍छ डालियां तिस बिच का कट्टी भी दित्ती गयी हो, ते अगर तू इक्क जंगली बूट्टे री डाली होणे रे बावजूद भी तिन्हा बिच साट्टेया गेया हो, तां जिय्यां कोई साट्टे रे डाली तिस बूट्टे री चिकनेपन री हिस्सेदार बणदी, तिय्यां ही तू भी यहूदियां जो मिलणे वाली तिन्हा आशीषां रा हिस्सेदार बणेया, जिसेरा वादा परमेश्वर ने अब्राहम कने कित्तेया थिया।

रोमियों 16:26

ते जिय्यां कि परमेश्वर ने पैल्ले का हुकम दित्तेया, ते भविष्यद्वक्तां ने पवित्रशास्त्र बिच दस्से रा है, ए लुके री गल्ल अवे गैर यहूदियां बिच दस्सी दित्ती गे री है, ताकि से मणू अवे परमेश्वर पर विश्वास करणे वाले ते तिन्हेरे हुकमां जो मनणे वाले मणू बणी जाण।

रोमियों 2:8

पर जे मणू मतलबी हिन ते सच्चाई जो नी मनदे, पर बुरे कम्म करणा चाह्‍ंदे, तिन्हा पर परमेश्वर रा गुस्सा ते कहर भड़कणा।

रोमियों 3:3

जे अगर किच्‍छ यहूदी मणू परमेश्वर कने भरोसेमंद ना रे तां कै होया? तिन्हेरे भरोसेमंद ना होणे रे बावजूद भी परमेश्वर ने तिन्हा कने अपणे वादे जो पूरा करणे बिच भरोसेमंद रैह्णा।

रोमियों 6:17

पर परमेश्वर रा शुकर हो, कि तुसा जे पाप रे गुलाम थिये, अवे मन कने तिन्हा शिक्षां जो मनणे वाले बणी गेरे हिन, जे मैं तुसा जो मसीह रे बारे बिच सिखाई थी।

गलातियों 3:1

ओ गलातिया कलीसिया रे मणूओं, तुसा नासमझ होई गेरे हिन। मैं तुसा जो साफ-साफ समजाया थिया कि यीशु मसीह ने सुली पर कुर्बानी किजो दित्ती थी, पर फिरी भी तुसा किय्यां धोखा खाई सकदे?

गलातियों 5:7

परमेश्वर कने तुसा रा रिस्ता ता बड़ा छैल होया करदा थिया, अवे कुनिए तुसा जो रोक्की दित्तेया कि तुसा मसीह रे सुब बसेख री सच्चाई जो ना मन्नो?

2 थिस्सलुनीकियों 1:8

अते जे मणू परमेश्वर जो नक्कारदे ते जे असा रे प्रभु यीशु रे सुब बसेख जो नी मनदे तिन्हा जो सजा दित्ती जाणी

इब्रानियों 11:8

जां परमेश्वर ने अब्राहम जो कुसकी जगाह् पर जाणे तांइ सद्देया, तां तिनिये विश्वास करी के परमेश्वर रे हुकम जो मन्नी करी, इक्क इदेय जगाह् पास्से निकली गेया, जिस जगाह् जो परमेश्वर ने तिसजो तिसेरी अपणी जायदाद रे तौर पर देई दैणी थी। पर से ए नी जाणदा थिया, कि से कुते जाया करदा है, पर से ता भी निकली गेया।

इब्रानियों 4:2

जिय्यां असा ने यीशु मसीह रे बारे बिच सुब बसेख सूणेया, तिय्यां ही यहूदियां ने भी तिस अराम री जगाह् बिच जाणे रा सुब बसेख सूणेया, पर तिन्हा ने तिस पर विश्वास नी कित्तेया, इधेरे तांइ से सुब बसेख तिन्हा लोक्कां तांइ बेकार है।

इब्रानियों 5:9

ते इस तरिक्के कने परमेश्वर ने तिन्हा जो सिद्ध बड्डा पुरोत्त बणाई दित्ता, तिन्हेरे मनणे वाले सारे मणूआं तांइ हमेसा री जिन्दगी री वजह बणी गे।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

1 पतरस 2:8

ते पवित्रशास्त्र बिच ए गल्ल भी लिख्खे री गे री है, “इस बट्टे ने लोक्कां रे जमीन पर छुड़कणे री वजह बणना। ए से बट्टा है जिसेरी वजह कने तिन्हा ने थल्ले पैणा।” तिन्हा ने इय्यां इधेरे तांइ पैणा किजोकी तिन्हा ने परमेश्वर रे बसेख जो मनणे का इन्कार कित्तेया। परमेश्वर ने फैसला कित्तेया कि तिन्हा लोक्कां कने इय्यां हो।

1 पतरस 3:1

ओ लाड़ियों, तुसा भी अपणे लाड़ेयां रे अधीन रेयो, किजोकी जे अगर तिन्हा बिच का कोई भी सुब बसेख जो मनणे का इन्कार करी दे, तां तिन्हा ने तुसा रे सुच्चे ते भक्ति कने भरपूर रैह्ण-सैह्‍ण जो दिख्खी करी तुसा रे बोल्ले बगैर ही मसीह बिच विश्वास करी लैणा।