रोमियों 10:14 - चम्बयाली नौआ नियम

¹⁴ “पर इसका पैल्ले की मणू प्रभु रा नां लेई करी तिन्हा का मदद मंगी सके, तिन्हा जो प्रभु बिच विश्वास करणा जरुरी है; ते इसका पैल्ले कि से तिन्हा बिच विश्वास करी सके, तिन्हा जो प्रभु रे बारे बिच सुनणा जरुरी है, ते इसका पैल्ले कि से प्रभु रे बारे बिच सूणन, कुसकी जो तिन्हा लोक्कां जो प्रभु रे बारे बिच दसणा जरुरी है।”

रोमियों 10:14 ပူးပေါင်းရင်းမြစ်များ

मत्ती 20:7

तिनिये उन्हा जो बोल्लेया, तुसा भी अंगूर रे बगीच्चे बिच जाओ ते तित्ते कम्म करो।

यूहन्ना 20:31

अते जे गल्लां लिख्खी हिन, से इधेरे तांइ हिन कि तुसा विश्वास करो कि यीशु ही परमेश्वर रे पुत्तर, मसीह हिन अते इधेरे तांइ विश्वास करणे रे जरिए तुसा जो उसेरे नां बिच हमेसा री जिन्दगी मिल्लो।

यूहन्ना 9:36

उन्निए जवाब दित्ता, ओ प्रभु, परमेश्वर रा पुत्तर कुण है, कि मैं तिस पर विश्वास करां?

प्रेरितां रे कम्म 19:2

तिन्ने तिन्हा जो बोल्लेया, कै तुसा जो जां तुसा विश्वास कित्तेया थिया तिस बेल्ले पवित्रात्मा मिल्लेया थिया? तिन्हा ने जवाब दित्तेया, असा ने तां सूणेया तक नी कि कोई पवित्रात्मा है भी।

प्रेरितां रे कम्म 8:31

तिसने बोल्लेया, जां तिकर कोई मेरे जो ना समजाए तांइ तिकर मैं किय्यां समजां? ते तिसने फिलिप्पुस का बिनती कित्ती की से रथ पर चढ़ी करी तिस कने बेई जाए। ते फिलिप्पुस रथ पर चढ़ी करी तिस कने बेई गेया।

रोमियों 1:5

ते मसीह रे जरिये, परमेश्वर ने असा जो प्रेरित बणने रा अनुग्रह ते हक दित्तेया, ताकि असी जगाह्-जगह गैर यहूदी लोक्कां जो से गल्लां दस्सी सकण, जे परमेश्वर ने तिन्हा लोक्कां तांइ कित्ते री हिन, ताकि से मणू मसीह पर विश्वास करण, ते तिन्हेरी शिक्षा जो मन्ने।

इफिसियों 2:17

मसीह यीशु तुसा गैर यहूदी लोक्कां का आए जे परमेश्वर का दुर थिये, ते से यहूदी लोक्कां भी आए जे परमेश्वर रे नेड़े थिये ते तुसा सारेयां बिच परमेश्वर कने मेल-मिलाप रा सुब बसेख सुणाया।

इफिसियों 4:21

मेरे जो इस गल्ल रा पक्के तौर पर पता है कि जां तुसा ने मसीह यीशु रे बारे बिच सूणेया थिया तां तुसा तिन्हा का सच्ची शिक्षां जो सिख्खेया थिया।

2 तीमुथियुस 4:17

पर प्रभु ही मेरे मददगार रे ते तिन्हा ने मेरे जो ताकत दित्ती जिसेरी वजह कने मैं साफ तौर पर मसीह रे बसेख रे बारे बिच प्रचार करी सकेया ते तित्ते मौजूद सारे गैर यहूदी लोक्कां ने मसीह रा बसेख सूणन ते तिन्हा ने मेरे जो मौत रे खतरे का इय्यां बचाया जिय्यां कि मैं भूख्खे शेर रे मुँह का बचाया गे रा हो।

तीतुस 1:3

ते अवे बिल्कुल सही समय पर परमेश्वर ने ए सुब बसेख असा पर जाहिर कित्ते रा है ते असी इसेरा प्रचार सारे मणूआं बिच करदे। परमेश्वर जे असा जो छुटकारा दिंदे, तिन्हा ने मेरे जो ए जिम्मेदारी दित्ते री है ते तिन्हा तांइ मेरे जो ए कम्म करणे रा हुकम दित्ते रा है।

इब्रानियों 11:6

परमेश्वर बिच विश्वास कित्ते बिना, तिन्हा जो खुस करणा नामुमकिन है। किजोकी परमेश्वर का आणे वाले मणू जो ए विश्वास करणा चाएदा कि से परमेश्वर हिन। परमेश्वर तिन्हा लोक्कां जो ईनाम दिंदे, जे पूरी सच्चाई कने तिन्हा जो तोपदे।

याकूब 5:15

ते विश्वास री प्रार्थना कने बिमार ने बची जाणा ते प्रभु ने तिस मणू जो ठीक करी दैणा ते जे उसने पाप भी कित्ते रे होणे तां से भी माफ होई जाणे।