रोमियों 10:12 - चम्बयाली नौआ नियम

¹² किजोकी यहूदी ते गैर यहूदियां बिच कोई फरक नी है। किजोकी परमेश्वर सारेयां रे प्रभु हिन, ते जे तिन्हेरा नां लिंदा, से तिन्हा जो बचांदे।

रोमियों 10:12 ပူးပေါင်းရင်းမြစ်များ

प्रेरितां रे कम्म 7:59

से स्तिफनुस पर बट्टे मारदे रे ते से ए बोल्ली करी प्रार्थना करदा रेया, ओ प्रभु यीशु मेरी आत्‍मा जो अपणाई लेयो।

प्रेरितां रे कम्म 9:14

ते इत्ते भी इसजो बड्डे पुरोत्तां का अधिकार मिल्ले रा है कि तिन्हा सारे लोक्कां जो पकड़ी लये जे तुसा पर विश्वास करदे तिन्हा।

रोमियों 14:9

किजोकी मसीह यीशु इधेरे तांइ ही मरे, अते मुर्देयां बिच का जिन्दे भी होई गे, ताकि से मरे रे ते जिन्दे, दोन्नां रे प्रभु ठैहरे।

रोमियों 15:12

ते फिरी यशायाह भविष्यद्वक्ता ने पवित्रशास्त्र बिच लिख्खे रा है, “यिशै रे ‍खानदान बिच का इक्क मुंडे ने पैदा होणा, ते तिन्हा ने गैर यहूदी जाति रा शासक बणना, गैर यहूदियां ने तिन्हा पर आस रखणी कि तिन्हा ने तिन्हा लोक्कां जो बचाणा।”

रोमियों 2:4

कै तुसा परमेश्वर री भलाई, सहनशीलता, ते सबर करणे रे धन्न जो बेकार समजदे? कै तू ए नी समजदा कि परमेश्वर री भलाई तुसा जो पाप्पां का तौबा करणे जो सिखांदी?

रोमियों 3:22

मतलब जां असी मसीह यीशु बिच विश्वास करदे, तां परमेश्वर असा जो धार्मिक ठैहरांदे, ते ए मसीह यीशु बिच विश्वास करणे वाले हर इक्क मणू तांइ है। किजोकी परमेश्वर सारे मणूआं कने इक्क-बराबर ही बर्ताव करदे।

1 कुरुन्थियों 15:47

पैल्ला मणू जे आदम है, से मिट्टी का बणेया थिया, पर दुआ मणू जे मसीह यीशु हिन, से स्वर्ग का आए।

2 कुरुन्थियों 8:9

तुसा असा रे प्रभु यीशु मसीह रे अनुग्रह जो जाणदे कि से अमीर होई करी भी तुसा तांइ कगांल बणी गे, ताकि तिन्हेरे कगांल होई जाणे कने तुसा अमीर होई जाओ।

गलातियों 3:28

अवे जां असा सारेयां ने मसीह यीशु बिच विश्वास करी लित्ते रा है, तां अवे असी परमेश्वर री नजर बिच असा रा मसीह कने रिस्ता जुड़ी गे रा है। अवे ना कुसकी यहूदी ते गैर यहूदी बिच कोई फरक नी रेया, ना ही दास ना ही अजाद मणू बिच, ना ही आदमी ते ना ही औरत बिच, किजोकी अवे तुसा सारे मसीह यीशु बिच इक्क बराबर हिन।

इफिसियों 1:7

परमेश्वर ने असा जो मसीह रे खून बहाई करी कुर्बानी दैणे रे जरिये छुटकारा दित्ते रा है, जिसेरा मतलब ए है कि असा रे पाप माफ होई गेरे हिन किजोकी परमेश्वर रा अनुग्रह इन्ना महान है जे तिन्हा ने असा पर बड़ा जादा कित्ते रा है।

इफिसियों 2:4

पर परमेश्वर दया कने भरपूर थिये। असी अपणे पाप्पां री वजह कने मुर्देयां सांई थिये, पर परमेश्वर ने असा कने इन्ना जादा प्यार कित्तेया कि तिन्हा ने असा जो मसीह कने फिरी जिन्दा कित्तेया ते असा जो अपणे तिस अनुग्रह कने असा जो बचाया जिसेरे काबिल असी नी हिन।

इफिसियों 2:7

ताकि परमेश्वर ए इधेरे तांइ कित्ता ताकि से आणे वाले समय बिच ए दिखाई सकण कि से किन्ने जादा अनुग्रहकारी हिन। परमेश्वर री ए दया मसीह यीशु कने रिश्ते बिच जुड़े रे असी लोक्कां जो दिसदी।

इफिसियों 3:16

मैं ए प्रार्थना करदा कि से तुसा जो अपणी असीमित महिमा रे जरिये तुसा जो ए दान दैण ताकि तुसा अपणे अंदरूनी मनुष्यत्व बिच ताकत पाई करी मजबूत हुंदे जाओ।

इफिसियों 3:6

ते से राज़ ए है कि मसीह यीशु रा सुब बसेख सुनणे ते तिन्हा कने रिस्ता बणने री वजह कने गैर यहूदी लोक्कां जो भी विरासत बिच हिस्सा मिलणा। से अवे मसीह रे सरीर रा इक्क हिस्सा बणी गेरे हिन जे कलीसिया है। ते तिन्हा सारी चीजां बिच तिन्हेरा हिस्सा भी है जिसेरा वादा परमेश्वर ने यहूदी लोक्कां कने कित्तेया थिया।

इफिसियों 3:8

हालांकि मैं परमेश्वर रे सारे लोक्कां बिच का सारेयां का घट काबिल है, पर फिरी भी परमेश्वर ने मेरे जो ए सौभाग्य दित्ते रा है कि मैं गैर यहूदियां बिच ए सुब बसेख सूणां कि मसीह यीशु भरपूर आशीषां रा जरिया हिन,

फिलिप्पियों 2:11

ते पिता परमेश्वर री महिमा तांइ सारे जणेया ने ए मन्नी लैण कि मसीह यीशु ही प्रभु हिन।

फिलिप्पियों 4:19

मेरा परमेश्वर भी अपणे तिस धन्न रे हिसाब कने जे महिमा कने मसीह यीशु बिच है, तुसा री हर इक्क घटी जो पूरा करगा

कुलुस्सियों 1:27

किजोकी परमेश्वर ने चाएया कि तिन्हेरे मणू जाणे कि मसीह री शोहरत ते महिमा गैर यहूदियां तांइ भी है, ते से राज़ मसीह है, जे तुसा बिच वास करदे जे असा री परमेश्वर री महिमा बिच हिस्सेदार बणने री आस है।

कुलुस्सियों 3:11

जिसेरा अंजाम ए होया कि तिस बिच कोई यूनानी, यहूदी, खतना वाले, बगैर खतना वाले, विदेशी, नौक्कर ते अजाद मणूआं बिच कोई फरक नी रेया, पर सिर्फ मसीह यीशु ही सारेयां बिच सबका जादा जरुरी हिन ते तुसा तिन्हेरे हिसाब कने जिन्दगी जियो।

1 तीमुथियुस 2:5

किजोकी सिर्फ इक्क ही परमेश्वर है ते सिर्फ इक्क ही बिचौल्ला है जे परमेश्वर ते मणूआं बिच फिरी मेल जोल कराई सकदा ते से मसीह यीशु हिन जे इक्क मणू रे रुप बिच पैदा होए थिये।

प्रकाशित वाक्य 17:14

तिस ड्रोणे जानवर ते दस राज्जेयां ने तिस “उरणू” पर हमला करणा, पर तिस “उरणू” ते तिसेरे प्रेरितां ने तिन्हा सारेयां जो हराई दैणा। ए इधेरे तांइ होणा किजोकी से प्रभुआं रे प्रभु ते राज्जेयां रे राज्जे हिन। तिन्हेरे चेल्‍ले से हिन जिन्हा जो परमेश्वर ने चुणे रा ते सद्दे रा है, ते से भी जे तिन्हा कने भरोस्सेमंद हिन।

प्रकाशित वाक्य 19:16

तिसेरे चोग्गे ते जांग पर ए ना लिख्खे रा है: राज्जेयां रा राज्जा ते प्रभुआं रा प्रभु है।