रोमियों 1:9 - चम्बयाली नौआ नियम

⁹ परमेश्वर, जिन्हेरी सेवा मैं अपणे पूरे दिल कने, तिन्हेरे पुत्तर रे सुब बसेख जो सूणाई करी करदा, से ही परमेश्वर मेरा गवाह हिन, कि मैं तुसा जो हमेसा याद करदा रैह्न्दा,

रोमियों 1:9 ပူးပေါင်းရင်းမြစ်များ

मरकुस 1:1

ए कताब मसीह यीशु रे सुब बसेख रे बारे बिच है, से परमेश्वर रे पुत्तर हिन।

लूका 18:1

फिरी यीशु ने अपणे चेल्‍लेयां जो ए बताणे तांइ कि से हर बेल्ले प्रार्थना करदे रैण अते दुख्खी ना होण तिधेरे तांइ इक्क उदारण दित्ता

प्रेरितां रे कम्म 12:5

जेल बिच काफी दिनां तांइ पतरस पर पैहरा लाया गेया थिया, पर कलीसिया, तिसेरे तांइ लौ लाई करी परमेश्वर का प्रार्थना करेया करदी थी।

प्रेरितां रे कम्म 19:21

जां ए गल्लां होई गई, तां पौलुस ने अपणे मन बिच पवित्रात्मा रे जरिए मकिदुनिया प्रदेश ते अखाया हुन्दे यरुशलेम जाणे रा फैसला लित्ता ते बोल्लेया, कि मेरे जो तित्ते जाणे का बाद मेरे जो रोमी साम्राज्य री राजधानी रोम सहर जो भी जाणा जरुरी है।

प्रेरितां रे कम्म 24:14

पर मैं तेरे सामणे ए मन्नी लिन्दा कि जिस पंथ जो यहूदी अधिकारी कुपंथ बोलदे, तिसेरे ही नियम पर मैं अपणे पूरखां रे परमेश्वर री भक्ति करदा अते जे गल्लां मूसा रे कानून ते भविष्यद्वक्ता करणे वालेयां री कताबां अन्दर लिख्खे री हिन, तिन्हा सबणी पर विश्वास करदा।

प्रेरितां रे कम्म 27:23

किजोकी परमेश्वर जिन्हेरा मैं है, ते जिन्हेरी भक्ति करदा, तिन्हेरे स्वर्गदूत ने पिछली रात्ती मेरे का आई के बोल्लेया,

प्रेरितां रे कम्म 3:26

परमेश्वर ने अपणे सेवक जो मरे रे लोक्कां बिच का जिन्दा करी के पैल्ले तुसा का भेज्जेया, कि तुसा बिच का हर इक्क जो तिन्हेरी बुराईयां का हटाई करी तिन्हेरे पास्से लेई आए ते आशीष दे।

रोमियों 9:1

मैं सच बोलदा किजोकी मैं मसीह यीशु रा मणू है, मैं झूठ नी बोल्लेया करदा है, मेरा विवेक पवित्रात्मा रे जरिये इस गल्ल जो पक्का करदा,

2 कुरुन्थियों 1:23

परमेश्वर मेरे गवाह हिन कि मैं सच बोल्लेया करदा है कि दूज्जी वरी कुरिन्थुस सहर बिच इधेरे तांइ नी आया किजोकी मैं तुसा जो तुसा री गलतियां री वजह कने बकणा नी चाह्‍ंदा थिया।

2 कुरुन्थियों 11:31

परमेश्वर, असा रे प्रभु यीशु मसीह रे पिता, हमेसा धन्न हिन, ते से जाणदे कि मैं झूठ नी बोलदा।

गलातियों 1:20

परमेश्वर मेरा गवाह है कि जे किच्‍छ मैं तुसा जो लिखदा, तिस बिच किच्‍छ भी झूठ नी है।

इफिसियों 6:18

हर बेल्ले ते हर तरिक्के कने पवित्रात्मा रे कहे मुताबिक प्रार्थना ते बिनती करदे रेयो, ते इस गल्ल तांइ जागदे रेयो की परमेश्वर रे सारे लोक्कां तांइ लगातार बिनती करेया करो।

फिलिप्पियों 1:3

मैं जिस बेल्ले भी तुसा जो याद करदा, तां-तां अपणे परमेश्वर रा शुक्रिया करदा।

फिलिप्पियों 1:4

ते जां भी कदी तुसा सबणी जणेया तांइ प्रार्थना करदा, तां हमेसा खुसी कने प्रार्थना करदा।

फिलिप्पियों 2:22

पर तुसा तां जाणदे कि तीमुथियुस ने किय्यां साबित कित्ते रा है कि से विश्वासयोग्य है। ते जिय्यां इक्क पुत्तर अपणे प्यो कने मैहनत करदा, तिय्यां ही तीमुथियुस ने सुब बसेख फैलाणे अन्दर मेरे कने मैहनत कित्ती है।

फिलिप्पियों 3:3

हकीकत बिच तां असी परमेश्वर रे मणू हिन, ते परमेश्वर रे पवित्रात्मा रे दसणे रे हिसाब कने अराधना करदे, ते मसीह यीशु पर घमंड करदे ते असी अपणे इन्सानी कम्मां पर निर्भर नी हुंदे।

1 थिस्सलुनीकियों 1:2

असी हमेसा तुसा तांइ परमेश्वर रा शुकर करदे ते प्रार्थना बिच तुसा जो याद रखदे।

1 थिस्सलुनीकियों 3:10

परमेश्वर रे सामणे असी लगातार प्रार्थना करदे कि तुसा कने मिलण, अते मसीह यीशु बिच तुसा रा विश्वास बधाणे तांइ तुसा री मदद करण।

1 थिस्सलुनीकियों 5:17

लगातार प्रार्थना अन्दर ही लग्गी रेयो

1 तीमुथियुस 2:7

परमेश्वर ने मेरे जो सुब बसेख रा प्रचार करणे ते प्रेरित बणने तांइ चुणेया। तिन्हा ने मेरे जो गैर यहूदी लोक्कां जो सच्चाई रा बसेख सुनाणे तांइ चुणेया। मैं झूठ नी बोल्लेया करदा है पर मैं सच बोल्लेया करदा है।

2 तीमुथियुस 1:3

मैं हमेसा अपणी प्रार्थनां बिच तुसा जो याद करदा ते तुसा तांइ परमेश्वर रा शुकर करदा। मैं ते मेरे पूरखां ने तिस्सी परमेश्वर री साफ विवेक कने अराधना कित्ते री है।

फिलेमोन 1:4

मैं हमेसा तुसा जो प्रार्थना बिच याद करदा ते तुसा तांइ परमेश्वर रा शुक्रिया करदा।