रोमियों 1:5 - चम्बयाली नौआ नियम

⁵ ते मसीह रे जरिये, परमेश्वर ने असा जो प्रेरित बणने रा अनुग्रह ते हक दित्तेया, ताकि असी जगाह्-जगह गैर यहूदी लोक्कां जो से गल्लां दस्सी सकण, जे परमेश्वर ने तिन्हा लोक्कां तांइ कित्ते री हिन, ताकि से मणू मसीह पर विश्वास करण, ते तिन्हेरी शिक्षा जो मन्ने।

रोमियों 1:5 ပူးပေါင်းရင်းမြစ်များ

यूहन्ना 1:16

तिन्हा री अनुग्रह री भरपुरी बिच का असी तिन्हा का इक्क का बाद इक्क मती सारी आशीषां हासिल कित्ती।

प्रेरितां रे कम्म 1:25

कि से इस सेवकाई ते प्रेरिताई रा हक्क लै, जिस जो यहूदा मरणे का बाद खाली छड्डी करी तिस जगाह् पर चली गेया जित्ते तिसजो अपणे कम्मां रे हिसाब कने होणा चाएदा।

प्रेरितां रे कम्म 15:14

शमौन ने जिस जो पतरस भी बोलदे असा जो समजाया कि परमेश्वर ने गैर यहूदी लोक्कां पर कदेइ कृपा कित्ते री है कि तिन्हा बिच का किच्‍छ जो अपणे तांइ चुणी लित्तेया।

प्रेरितां रे कम्म 6:7

परमेश्वर रा वचन फैलदा गेया ते यरुशलेम सहर बिच चेल्‍लेयां री गिनती मती बदद्धी गेई ते मते सारे पुरोत्तां ने भी मसीह बिच विश्वास करणे रे इस बसेख जो अपणाया।

प्रेरितां रे कम्म 9:15

पर प्रभु ने तिस बोल्लेया, जा, किजोकी शाऊल तां जो मैं चुणी लित्ते रा है कि से गैर यहूदियां, राज्जेयां अते इस्राएल रे लोक्कां बिच मेरा प्रचार करे।

रोमियों 12:3

किजोकी जे अनुग्रह मेरे जो मिल्ले रे तिस अनुग्रह री वजह कने मैं तुसा बिच का हर इक्क जो बोलदा कि जिन्ना अप्पु जो समझणा चाएदा, अप्पु जो कोई तिसका जादा ना समजे पर जिय्यां परमेश्वर ने हर इक्क जणे जो दित्ते रा तिस विश्वास रे नाप रे हिसाब कने, ठीक समझ कने अप्पु जो तिन्ना ही समजे।

रोमियों 16:26

ते जिय्यां कि परमेश्वर ने पैल्ले का हुकम दित्तेया, ते भविष्यद्वक्तां ने पवित्रशास्त्र बिच दस्से रा है, ए लुके री गल्ल अवे गैर यहूदियां बिच दस्सी दित्ती गे री है, ताकि से मणू अवे परमेश्वर पर विश्वास करणे वाले ते तिन्हेरे हुकमां जो मनणे वाले मणू बणी जाण।

रोमियों 3:29

परमेश्वर सिर्फ यहूदी लोक्कां रे परमेश्वर नी हिन, पर से गैर यहूदियां रे भी परमेश्वर हिन।

1 कुरुन्थियों 15:10

परमेश्वर रे अनुग्रह री वजह कने ही मैं प्रेरित बणेया, तिन्हेरा से अनुग्रह जे मेरे पर होया, तिसेरा मेरी जिन्दगी बिच बड़ा जादा असर रेया। मैं तिन्हा सारे प्रेरितां का बधी करी मैहनत भी कित्ती: तां भी ए मेरे पास्से का नी होया पर परमेश्वर रे अनुग्रह री वजह जे मेरे पर है।

1 कुरुन्थियों 9:2

जे अगर दूज्जे मणू मेरे जो प्रेरित नी मनदे, तां भी मैं तुसा तांइ प्रभु यीशु रा प्रेरित ही है, किजोकी मैं ही तुसा जो सुब बसेख सुणाया थिया ते प्रभु बिच तुसा रा विश्वास मेरे प्रेरित होणे रे सबूत हिन।

इफिसियों 1:12

परमेश्वर ने ए इधेरे तांइ कित्तेया ताकि असी यहूदी मणू जे मसीह बिच आस रखणे वाले पैल्ले मणू हिन तिन्हेरी महिमा ते बड़ाई करी सकण।

इफिसियों 1:6

परमेश्वर ने इय्यां इस तांइ कित्तेया ताकि तिन्हेरे महिमामय अनुग्रह तांइ तिन्हेरी बड़ाई करण, जिस जो तिन्हा ने असा लोक्कां जो मुफ्त बिच इधेरे तांइ दित्तेया किजोकी असा रा तिन्हेरे प्यारे पुत्तर कने रिस्ता है।

इब्रानियों 5:9

ते इस तरिक्के कने परमेश्वर ने तिन्हा जो सिद्ध बड्डा पुरोत्त बणाई दित्ता, तिन्हेरे मनणे वाले सारे मणूआं तांइ हमेसा री जिन्दगी री वजह बणी गे।