रोमियों 1:30 - चम्बयाली नौआ नियम

³⁰ बदनाम करणे वाले, परमेश्वर कने नफरत करणे वाले, दूज्जेयां री बेजती करणे वाले, दुष्ट, घमंडी, डिगां मारणे वाले, बुरी-बुरी गल्लां बणाणे वाले, मां-प्यो री गल्लां नी मनणे वाले बणी गे।

रोमियों 1:30 ပူးပေါင်းရင်းမြစ်များ

मत्ती 15:4

किजोकी परमेश्वर ने बोल्लेया है, अपणे मां-प्यो री बड़ाई करो, अते, जे कोई मां-प्यो जो बुरा बोल्ले, तिसजो मारी दैणा चाएदा।

मत्ती 16:21

उस बेल्ले यीशु अपणे चेल्‍लेयां जो दस्सणा लगे, जरुरी है कि मैं यरुशलेम जो जां, ते बुजुर्ग लोक, बड्डे पुरोत्त, अते शास्त्रियां रे हत्थे बड़े दुख उठां, अते मारी दित्तेया जां, ते तिज्जे दिन जिंदा होई जां।

लूका 21:16

पर तुसा रे मां-प्यो, भाई भैण, रिश्तेदारा, दोस्तां ने ही तुसा जो पकड़ाणा अते तुसा रे बिच का किच्‍छ जो मरवाई भी दैणा।

यूहन्ना 7:7

दुनिया रे मणू तुसा कने नफरत नी करी सकदे, पर से मेरे कने नफरत करदे, किजोकी मैं तिन्हेरे खिलाफ गवाई दिन्दा, कि दुनिया रे लोक्कां रे कम्म बुरे हिन।

प्रेरितां रे कम्म 5:36

किजोकी इन्हा दिनां का पैल्ले थियुदास ए बोलदा होया उठेया थिया, कि मैं भी किच्‍छ है ते कोई चार सौ मणू तिसेरे कने होई गे, पर से मारेया गेया ते जिनिये मणू तिसजो मनदे थिये, सारे तित्तर-बित्तर होई गे ते मिटी गे।

रोमियों 2:17

जां की तू अप्पु जो यहूदी दसदा, ते मूसा रे कानून पर विश्वास रखदा, ते ए घमंड करदा कि तू परमेश्वर रे खास लोक्कां बिच का है।

रोमियों 2:23

तू जे अप्पु का परमेश्वर रा कानून होणे बिच घंमड करदा, तिसजो ना मन्नी करी परमेश्वर रा अनादर करदा।

रोमियों 3:27

फिरी असा तांइ धार्मिकता पर घमंड करणा बिल्कुल ही नामुमकिन है किजोकी परमेश्वर असा रे पाप्पां रे लेखे-जोखे जो मूसा रे कानून जो मनणे री वजह कने नी पर मसीह बिच विश्वास करणे री वजह कने मिटांदे।

2 कुरुन्थियों 10:15

असी सीमा का बाहर दूज्जेयां री मैहनत पर गर्व नी करदे, पर असा जो आस है कि जिस तरिक्के कने तुसा रा विश्वास बदधा जाणा तिस तरिक्के कने असी अपणी सीमा रे हिसाब कने तुसा री वजह कने होर भी जादा लोक्कां जो मसीह रा सुब बसेख सूणाई सकणा।

2 कुरुन्थियों 12:20

किजोकी मेरे जो डर है, कि कुते इय्यां ना होई जाए कि जां मैं तुसा का आं, तां जदेया मैं चाह्‍ंदा, तुसा तदेय ना होण, ते तुसा भी मेरे जो तदेया ना पाओ जदेया तुसा मेरे जो चाह्‍ंदे। ते मेरे जो डर है कि तिसेरी वजह कने तुसा बिच लड़ाई, हिरस, गुस्सा, विरोध, मतलबीपन, चुगली, घमण्ड, धोखा-धड़ी ते बखेड़े होई जाणे।

2 थिस्सलुनीकियों 2:4

तिनिये परमेश्वर रे ते हर इक्क तिस चीज रे खिलाफ होणा मणू जिसेरी अराधना करदे ते तिनिये ए दावा करणा कि से तिन्हा सारेयां का जादा बड्डा है। इत्ते तिकर कि तिस दुष्ट ने मन्दिर बिच भी बेई जाणा ते सारेयां जो ए बोलणा कि से अप्पु ही परमेश्वर है।

2 तीमुथियुस 3:2

किजोकी तिस समय बिच लोक्कां ने सिर्फ अपणी ही परवाह करणी, तिन्हा ने लालची, बुड़कां मारणे वाले, घमंडी, बेजती करणे वाले, मां-प्यो री गल्लां री ना-फरमानी करणे वाले, एहसान फरामोश, अपवित्र

तीतुस 3:3

किजोकी मसीह यीशु बिच विश्वास करणे का पैल्ले असी भी नासमझ, परमेश्वर री गल्ल ना मनणे वाले, ते भरम बिच पेय रे ते हर तरिक्के री बुरी इच्छा ते सुख वलास री गुलामी बिच थिये, ते दूज्जेयां कने नफरत करणे ते हिर्स रखणे बिच जिन्दगी बितादें थिये, ते मणू असा कने नफरत करदे थिये ते असी इक्क दूए कने दुश्मणी रखदे थिये।

याकूब 3:5

इय्यां ही जिब्ब, जे सरीर रा इक्क छोटा हिस्सा है, बड्डी-बड्डी डींगा मारदी, ध्यान देयो कि इक्क जरा करी चिंगारी पूरे बण जो फुक्की सकदी।

याकूब 4:16

पर अवे तुसा अपणे बुरे मनसुबे पर घमडं करदे, ते इदेया घमंड बुरा है।

2 पतरस 2:18

जां से लोक्कां जो सिखाणा लगदे, तां से बेकार ते घमंड कने भरपूर शब्दां रा इस्तेमाल करदे। से लोक्कां जो ए सिखांदे कि से अपणे सरीर री बेशर्मी भरी इच्छां जो पूरा करी सकदे। ते से लोक्कां जो पाप री से ही चीजां करणे बिच दुबारा भटकाई दिंदे जिस जो करणा तिन्हा ने हाल ही बिच छड्डे रा हुंदा।

यहूदा 1:16

ए मणू हमेसा परमेश्वर रे खिलाफ ही बोलदे ते लोक्कां री गलती ही कडदे रैह्‍न्दे। से हमेसा अपणी दिल री मर्जी कने दुष्ट कम्म करदे रैह्‍न्दे। से अप्पु पर बड़ा घमंड करदे ते अपणा मतलब कडणे तांइ लोक्कां री चापलूसी करदे।