रोमियों 1:26 - चम्बयाली नौआ नियम

²⁶ इस तांइ परमेश्वर ने तिन्हा जो अपणे गंदे कम्म करणे री इच्छा पर छड्डी दित्तेया, इत्ते तिकर की जनानियां ने आदमियां कने अपणे कुदरती रिश्ते जो छड्डी करी दूज्जी जनानियां कने शारीरिक सम्बध बणाया।

रोमियों 1:26 ပူးပေါင်းရင်းမြစ်များ

रोमियों 1:24

इस तरिक्के कने परमेश्वर ने तिन्हा जो तिन्हेरे मन री गलत इच्छा रे मुताबक अपणे सरीर कने गलत कम्म करणे ते व्यभिचार रे कम्म करणे तांइ छड्डी दित्तेया, कि से मणू तिन्हा कम्मां जो करणे कने आपस बिच अपणे शरीरां रा अनादर करण।

रोमियों 1:28

जां तिन्हा ने सोच्चेया कि परमेश्वर जो जाणना तिन्हा तांइ बेवकूफी री गल्ल है, तां परमेश्वर ने भी तिन्हा जो गलत कम्म करणे तांइ तिन्हेरे निकम्मे मन पर छड्डी दित्तेया।

1 कुरुन्थियों 6:9

तुसा जो ठीक तरिक्के कने पता है धोख्खा दैणे वाले लोक्कां ने कदी परमेश्वर रे राज रे वारिस नी बणना। गलतफहमी बिच मत रेयो किजोकी व्यभिचारी, मूर्तां री पूजा करणे वाले, परस्त्रीगामी, लुच्चे, विकृत समलैंगिक रिस्ता,

इफिसियों 4:19

किजोकी से मणू बड़े वरी बेशर्म होई गे हिन इधेरे तांइ से अय्याशियां करणे बिच लग्गी रैह्‍न्दे। से मणू हर तरिक्के रे गंदे कम्म करदे ते से मणू इसका होर भी जादा अय्याशी करणा चाह्‍ंदे।

इफिसियों 5:12

किजोकी पाप्पी लोक्कां रे लुके रे कम्मां री गल्ल करणा भी शर्म री गल्ल है।

1 थिस्सलुनीकियों 4:5

ते तुसा अन्यजाती लोक्कां सांई वासना बिच पेई करी जिन्दगी मत जियो जे परमेश्वर जो नी जाणदे।

1 तीमुथियुस 1:10

व्यभिचारियां तांइ, दूए मर्दां कने अस्वभाविक रिश्ते बणाणे वाले मर्दां तांइ, गुलामी तांइ मणूआं जो बेचणे वाले लोक्कां तांइ, झूठ बोलणे वाले लोक्कां तांइ, झूठ्ठी कसम खाणे वाले लोक्कां तांइ ते सही शिक्षा रे उलट कुसकी भी तरिक्के रा कम्म करणे वाले लोक्कां तांइ है।

यहूदा 1:10

पर मसीह बिच विश्वास करणे रा ढोंग करणे वाले ए मणू तिन्हा गल्लां रे बारे बिच पुठ्ठी-सीद्दी गल्लां बोलदे जिस जो से समजदे भी नी, ते जिन्हा चीजां जो से जाणदे ते कुदरती तौर पर जानवरां सांई करदे से चीजां करणे री वजह कने ही बर्बाद भी होई जांदे।

यहूदा 1:7

ते ए भी याद करो कि सदोम ते अमोरा नां रे सहरां ते तिन्हेरे नेड़े-तेड़े रे सहरां कने कै होया थिया। तित्ते रे मणू अनैतिक कम्मां बिच पेई गे थिये ते हर तरिक्के री अश्लीलता रे कम्मां कने भरी गेरे थिये इधेरे तांइ परमेश्वर ने तिन्हा जो आग्ग कने तबाह करी दित्तेया। ए सारी गल्लां झूठ्ठे शिक्षकां तांइ इक्क चितौणी है कि तिन्हा जो भी हमेसा तिकर बलणे वाली आग्ग बिच तबाह कित्तेया जाणा।