रोमियों 1:25 - चम्बयाली नौआ नियम

²⁵ तिन्हा ने परमेश्वर रे बारे बिच सच्चाई जो नक्कारी दित्तेया, ते से झूठ्ठी गल्लां बिच विश्वास करदे, ते तिन्हा ने परमेश्वर री बणाए री चीजां री अराधना ते सेवा कित्ती, ना की तिन्हा चीजां जो बणाणे वाले परमेश्वर री, जिन्हेरी बड़ाई हमेसा हो! आमीन।

रोमियों 1:25 ပူးပေါင်းရင်းမြစ်များ

मत्ती 10:37

जे अपणे मां-प्यो जो मेरे का जादा प्यार करदा, से मेरा चेल्ला होणे रे लायक नी है, जे अपणे बच्चेयां जो मेरे का जादा प्यार करदा, से मेरा चेल्ला होणे रे लायक नी है,

मत्ती 6:24

“कोई मणू इक्क समय पर दो मालकां री सेवा नी करी सकदा, किजोकी तिनिए इक्क कने नफरत अते दूज्जे जो प्यार करे, या तिनिए इक्क जणे कने वफादार रैह्णा अते दूज्जे जो नफरत करणी तुसा परमेश्वर ते धन-दौलत, दोन्नां री सेवा नी करी सकदे।”

यूहन्ना 2:8

तां यीशु ने तिन्हा नौक्करां जो बोल्लेया, अवे इस बिच थोड़ा पाणी कड्डी करी धाम रे प्रधान का लेई जाओ, ते नौक्कर लेई गे।

रोमियों 1:18

परमेश्वर स्वर्ग का अपणा गुस्सा तिन्हा लोक्कां पर दिखांदे, जे अपणी सारी दुष्टता ते अधार्मिक रे कम्मां कने परमेश्वर री सच्चाई जो नक्कारी दिंदे।

रोमियों 1:23

ते हमेसा-हमेसा तिकर रैह्णे वाले परमेश्वर री महिमा जो, इक्क मुकी जाणे वाले मणूआं, चिड़ी-पखेरुआं, डगंरा ते साप्प-किड़ेयां री मूर्तां री बराबरी बिच बदली करी तिन्हेरी अराधना कित्ती।

रोमियों 9:5

अब्राहम, इसहाक ते याकूब तिन्हेरे पुरखे हिन। ते मसीह यीशु भी इन्सानी तौर पर इक्क इस्राएली मणू थिये। परमेश्वर जो महिमा मिलदी रे जे सारेयां पर राज करदे। आमीन!

2 कुरुन्थियों 11:31

परमेश्वर, असा रे प्रभु यीशु मसीह रे पिता, हमेसा धन्न हिन, ते से जाणदे कि मैं झूठ नी बोलदा।

1 थिस्सलुनीकियों 1:9

किजोकी मणू अप्पु-मिते गल्लां करदे कि जां असी तुसा का आए थिये तां तुसा ने असी लोक्कां रा कदेया स्वागत कित्तेया थिया अते तुसा मूर्तां री पूजा करणा छड्डी करी जिंदे परमेश्वर रे पास्से किय्यां मुड़े थिये, ताकि तुसा जिंदे अते सच्चे परमेश्वर री सेवा करी सको,

1 तीमुथियुस 1:11

सुब बसेख री ए महिमामय शिक्षा असा रे धन्न परमेश्वर रे पास्से का है जे लोक्कां जो सुनाणे तांइ मेरे जो सौंप्पि गे री है।

1 तीमुथियुस 1:17

हमेसा तिकर राज करणे वाले राज्जा, अविनाशी, अणदिख्खे ते इकलौत्ते परमेश्वर रा आदरमान ते महिमा हमेसा-हमेसा तिकर हुंदी रे। आमीन!

2 तीमुथियुस 3:4

धोखेबाज, ढीठ, अकड़बाज, ते परमेश्वर रे का जादा शरीरी सुख जो चाह्‍णे वाले मणू होणे।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।