रोमियों 1:23 - चम्बयाली नौआ नियम

²³ ते हमेसा-हमेसा तिकर रैह्णे वाले परमेश्वर री महिमा जो, इक्क मुकी जाणे वाले मणूआं, चिड़ी-पखेरुआं, डगंरा ते साप्प-किड़ेयां री मूर्तां री बराबरी बिच बदली करी तिन्हेरी अराधना कित्ती।

रोमियों 1:23 ပူးပေါင်းရင်းမြစ်များ

प्रेरितां रे कम्म 10:12

जिस बिच धरती रे हर तरिक्के रे चौपाए ते रेगंणेवाले जानवर ते आसमान रे पक्षी थिये, जिन्हा बिच से जानवर भी थिये जे मूसा रे कानून रे हिसाब कने असुच्चे मन्ने जांदे थिये।

प्रेरितां रे कम्म 17:29

इधेरे तांइ परमेश्वर री औलाद होई करी असा जो ए समझणा ठीक नी, कि से दिव्य सच्चाई सोणे या चाँदी या पत्थर री बणे री मणू री सोच या मिस्रियां रे बणी री कुसकी मूर्ति जदेयी है।

रोमियों 1:25

तिन्हा ने परमेश्वर रे बारे बिच सच्चाई जो नक्कारी दित्तेया, ते से झूठ्ठी गल्लां बिच विश्वास करदे, ते तिन्हा ने परमेश्वर री बणाए री चीजां री अराधना ते सेवा कित्ती, ना की तिन्हा चीजां जो बणाणे वाले परमेश्वर री, जिन्हेरी बड़ाई हमेसा हो! आमीन।

1 कुरुन्थियों 12:2

तुसा जाणदे कि तुसा रे मसीह यीशु बिच विश्वास करणा का पैल्ले तुसा मूर्ति पूजा करणे तांइ मते तरिक्के कने भटकाए गे थिये।

1 पतरस 4:3

किजोकी तुसा ने अपणे पैल्ले री जिन्दगी जो तिन्हा कम्मां बिच गुजारी दित्ती जिन्हा जो करणे बिच अविश्वासी मणू बड़े खुस रैह्‍न्दे। तुसा री जिन्दगी व्यभिचार ते अश्लीलता, ते अविश्वासी लोक्कां री धाम ते सराब पी करी मतवाल्ले होणे, रंगरेलियां मनाणे, ते तिन्हेरी मूर्तां री पूजा करणे बिच बीत्ती जिन्हा का परमेश्वर नफरत करदे।

प्रकाशित वाक्य 9:20

बाकि मणूआं ने जे उन्हा बिमारियां कने नी मरे थिये, अपणे हत्थां रे कम्मां का तौबा नी कित्ती, कि दुष्टात्मा, अते सुन्ने चाँदी अते पीतल, अते पत्थरां, ते काठ री मूर्तां री पूजा ना करण, जे ना दिख्खी, ना सूणी, ना चली सकदी हिन।