रोमियों 1:2 - चम्बयाली नौआ नियम

² जिसेरा वादा तिन्हा ने मसीह यीशु रे आणे का बड़े पैल्ले ही पवित्रशास्त्र बिच अपणे भविष्यद्वक्तां रे जरिये कित्ता थिया।

रोमियों 1:2 ပူးပေါင်းရင်းမြစ်များ

मत्ती 1:22

ए सब इधेरे तांइ होया कि जे वचन प्रभु ने यशायाह भविष्यद्वक्ता रे जरिए बोल्लेया थिया, से पूरा होई जाओ।

लूका 1:70

जिय्यां कि परमेश्वर ने बड़े पैल्ले ही अपणे पवित्र भविष्यद्वक्ता रे जरिए बोल्लेया थिया,

प्रेरितां रे कम्म 10:43

सब भविष्यद्वक्ता तिन्हेरी गवाई दिंदे, कि जे कोई तिन्हा पर विश्वास करगा, तिसजो मसीह यीशु रे जरिए पाप्पां री माफी मिलण।

प्रेरितां रे कम्म 13:32

ते असी तुसा जो तिस वादे रे बारे बिच, जे पूरखां कने कित्तेया गेया थिया, ए सुब बसेख सुणांदे हिन।

प्रेरितां रे कम्म 26:6

ते अवे तिस आस अन्दर उम्मीद री वजह कने जे परमेश्वर ने असा रे पूरखां कने कित्ती थी, मेरे पर मुकद्दमा चलेया करदा है।

रोमियों 16:26

ते जिय्यां कि परमेश्वर ने पैल्ले का हुकम दित्तेया, ते भविष्यद्वक्तां ने पवित्रशास्त्र बिच दस्से रा है, ए लुके री गल्ल अवे गैर यहूदियां बिच दस्सी दित्ती गे री है, ताकि से मणू अवे परमेश्वर पर विश्वास करणे वाले ते तिन्हेरे हुकमां जो मनणे वाले मणू बणी जाण।

रोमियों 3:2

हाँ! इसेरे मते फायदे हिन। सबका पैल्ली गल्ल ता ए है कि तिन्हा पर परमेश्वर रे बसेख जो ज़ाहिर कित्ता गेया।

रोमियों 3:21

पर अवे मूसा रे कानून जो मन्ने बगैर परमेश्वर ने असा जो धार्मिक ठैहराए रा है, जिसेरे बारे बिच बड़े पैल्ले ही मूसा रे कानून ते भविष्यद्वक्तां री कताबां बिच लिख्खे गे रा है कि कुस तरिक्के कने परमेश्वर ने असा जो धार्मिक ठैहराए रा है।

तीतुस 1:2

इसेरे अंजाम रे तौर पर से मणू परमेश्वर कने जीणे री आस बिच रैहन्दे किजोकी परमेश्वर जे कदी झूठ नी बोलदे तिन्हा ने दुनिया बणाणे का पैल्ले ही इस गल्ल रा वादा करी दित्तेया थिया कि तिन्हेरे मणूआं ने हमेसा-हमेसा तांइ जीणा।