रोमियों 1:13 - चम्बयाली नौआ नियम

¹³ ओ संगी विश्वासियों, मैं चाह्‍ंदा कि तुसा इस गल्ल जो जाणो, कि मैं मती वरी तुसा का आणा चाएया, कि जिय्यां मैं गैर यहूदी लोक्कां जो आत्मिक रीति कने बद्दणे बिच मदद कित्ती, तिय्यां ही तुसा जो आत्मिक रीति कने बद्दणे बिच मदद करां, पर हल्ले तांइ मैं रुके रेया।

रोमियों 1:13 ပူးပေါင်းရင်းမြစ်များ

यूहन्ना 12:24

मैं तुसा जो सच-सच बोलदा कि जा तिकर कणक रा दाणा जमीन पर पेई करी मरी नी जादां, ओ किल्ला रेन्दां पर जां ओ मरी जादां, तां बड्डा फल्ल लान्दा।

यूहन्ना 15:16

तुसा मेरे जो नी चुणेया, पर मैं तुसा जो इक्क मकसद कने चुणेया कि तुसा जाओ अते इदेय कम्म करण जे पिता-परमेश्वर जो पसंद आए ते तुसा रे ठीक कम्म बणी रे, ताकि मेरे नां कने तुसा जे किच्‍छ भी पिता का मंगो से तुसा री हर जरुरत जो पूरा करण।

यूहन्ना 4:36

फसल कटणे वाले जो बदिया मजूरी मिलदी, ते बाड्डी वाली फसल से मणू हिन जिन्हा जो से हमेसा री जिन्दगी बिच पूजांदे। बीह् बाणे वाले ते फसल कटणे वाले दोन्नां जो बड़ा वरी आनंद मिलणा!

प्रेरितां रे कम्म 1:15

तिन्हा ही दिनां बिच पतरस संगी विश्वासियां रे बिच जे इक्क सौ भी लोक्कां रे नेड़े-तेड़े थिये, खड़ी करी बोलणा लगेया,

प्रेरितां रे कम्म 14:27

तिते पूज्जी करी, तिन्हा ने कलीसिया इकठ्ठी कित्ती ते दस्सेया, कि परमेश्वर ने असा कने होई करी कदेय बड्डे-बड्डे कम्म कित्ते ते किय्यां गैर यहूदी जो मसीह यीशु बिच विश्वास करणे तांइ दुआर खोल्ली दित्तेया।

प्रेरितां रे कम्म 15:12

तां सारी सभा चुपचाप होई करी बरनबास ते पौलुस री सुनणे लग्गे, कि परमेश्वर ने तिन्हेरे जरिए गैर यहूदियां रे मणूआं बिच कदेइ-कदेइ निशानियां, ते अनौखे कम्म दिख्खाये

प्रेरितां रे कम्म 19:21

जां ए गल्लां होई गई, तां पौलुस ने अपणे मन बिच पवित्रात्मा रे जरिए मकिदुनिया प्रदेश ते अखाया हुन्दे यरुशलेम जाणे रा फैसला लित्ता ते बोल्लेया, कि मेरे जो तित्ते जाणे का बाद मेरे जो रोमी साम्राज्य री राजधानी रोम सहर जो भी जाणा जरुरी है।

प्रेरितां रे कम्म 21:19

तां तिनिए तिन्हा जो प्रणाम करी के, जे जे कम्म परमेश्वर ने तिसेरी सेवा रे जरिए गैर यहूदी अन्दर कित्ते रे थिये, इक्क-इक्क करी के सब दस्से

प्रेरितां रे कम्म 28:14

तित्ते असा जो किच्‍छ विश्वासी मिल्ले, ते तिन्हेरे बोलणे पर असी तिन्हा का सत्त रोज्जां तांइ रे अते इस तरिक्के कने असी रोम सहर जो चली पये।

रोमियों 1:12

मेरे बोलणे रा मतलब ए है कि जां असी मिलणा, तां तुसा जो तुसा रे विश्वास बिच उत्साहित करणा चाह्‍ंदा, पर मैं ए भी चाह्‍ंदा कि तुसा रे विश्वास रे जरिये मैं भी उत्साहित होई जां।

रोमियों 11:25

ओ संगी विश्वासियों, मैं चाह्‍ंदा कि तुसा इस भेद री गल्ल जो समजी जाओ ताकि तुसा जो अप्पु पर घमंड ना हो। इस्राएल रे किच्‍छ लोक्कां ने तां तांइ इदेया ही सख्त रैह्णा जां तांइ गैर यहूदी मणू पूरी तरिक्के कने मसीह बिच विश्वास नी करी लिंदे।

रोमियों 7:1

ओ मेरे संगी विश्वासियों, तुसा जाणदे कि जां तांइ कोई मणू जिंदा है, तां तांइ से कानूनां रे हेठ है।

1 कुरुन्थियों 1:10

अवे ओ मेरे संगी विश्वासियों, मैं असा रे प्रभु यीशु मसीह रे हक कने तुसा जो इय्यां करणे तांइ जोर पांदा कि तुसा सारे जणे इक्क ही गल्ल पर राज़ी होया करो, ते तुसा लोक्कां बिच कोई फूट ना हो ते मैं जोर पाई करी बोलदा कि इक्क मकसद ते इक्क ही तरिक्के सोच विचार रख्खी करी अप्पु-मिते सांती बणाई रख्खो।

1 कुरुन्थियों 10:1

ओ संगी विश्वासियों, मैं तुसा जो याद दुआणा चाह्‍ंदा कि बियाबान बिच असा रे सारे पूरखां ने इक्क बद्दल रे खम्भे रे हेठ सुरक्षा पाई थी, ते से सारे जणे समुन्दर रे बिच का सुके पैर पार होई गे थिये।

1 कुरुन्थियों 12:1

ओ संगी विश्वासियों, तुसा रे आत्मिक खुबियां रे बारे सवाल रे बारे बिच मैं चाह्‍ंदा की तुसा ध्यान कने समझो।

1 कुरुन्थियों 14:20

ओ संगी विश्वासियों, इन्हा गल्लां जो समजणे बिच बच्चेयां सांई ना बणो, बुराई करणे बिच तां बच्चेयां सांई अनजाण ही रेयो, पर इन्हा गल्लां जो समजणे बिच अक्कलमंद बणो।

1 कुरुन्थियों 14:26

ओ संगी विश्वासियों, मैं तुसा जो दसदा कि ए सारा किच्‍छ किय्यां करणा चाएदा, जां तुसा अराधना करणे तांइ कठ्ठिंदे, तां हर इक्क रे मन बिच भजन या उपदेस या बखरी-बखरी भाषां या परमेश्वर रा प्रकाशन या बखरी-बखरी भाषां रा मतलब दसणा, मसीह बिच विश्वासियां रे विश्वास जो मजबूत करणे तांइ होणा चाएदा।

1 कुरुन्थियों 9:2

जे अगर दूज्जे मणू मेरे जो प्रेरित नी मनदे, तां भी मैं तुसा तांइ प्रभु यीशु रा प्रेरित ही है, किजोकी मैं ही तुसा जो सुब बसेख सुणाया थिया ते प्रभु बिच तुसा रा विश्वास मेरे प्रेरित होणे रे सबूत हिन।

2 कुरुन्थियों 1:8

ओ मेरे संगी विश्वासियों, असी ए चांह्दे कि तुसा तिन्हा जुल्मां रे बारे बिच जाणो, जे असा जो एशिया प्रदेश बिच झेलणा पे, तित्ते असी असा री सैह्‍णे री ताकत का केई जादा तकलीफ बिच फसी गे थिये, इत्ते तक कि असा रे जिन्दे बचणे री भी कोई उम्मीद नी बची थी।

2 कुरुन्थियों 2:14

परमेश्वर रा शुकर हो, मसीह कने असा रा रिस्ता होणे री वजह कने से असा जो मसीह कने हमेसा लेई करी चलदे ते असा जो जीत दुआंदे। ते परमेश्वर अपणे मसीह जो जानणे री खुशबू जो इक्क महक सांई असा रे जरिये हर जगाह् फैलांदे।

गलातियों 3:15

ओ संगी विश्वासियों, मैं ए इन्सानी तौर पर बोलदा कि जां दो मणूआं बिच भी पक्का समझौता होई जांदा तां इदेया कोई भी नी हुंदा जे तिसजो तोड़ी सको।

गलातियों 6:18

ओ संगी विश्वासियों, असा रे प्रभु यीशु मसीह रा अनुग्रह तुसा कने बणी रेयो। आमीन!

फिलिप्पियों 1:22

पर जे अगर मैं जिन्दा रेयां तां मैं मसीह यीशु तांइ होर भी कम्म करी सकदा, इधेरे तांइ नी जाणदा जीणा खरा है या मरणा?

फिलिप्पियों 4:17

मैं ए नी लिख्खेया करदा है कि मैं तुसा का दान चाह्‍ंदा, पर मैं चाह्‍ंदा कि ए भी तुसा रे भले कम्मां री सुची बिच जुड़ी जाए जिन्हा तांइ परमेश्वर ने तुसा जो ईनाम दैणा।

कुलुस्सियों 1:10

तां तुसा रा चालचलन प्रभु जो पसंद आणे वाला बणना, ते तुसा परमेश्वर जो हर तरिक्के कने खुस करणे वाली जिन्दगी जीणी, ते तिसेरी वजह कने तुसा अपणी जिन्दगी बिच हर तरिक्के रे ठीक कम्म करदे रैह्णा, ते तुसा परमेश्वर जो होर भी ठीक तरिक्के कने जाणदे रैह्णा।

कुलुस्सियों 1:6

जे सुब बसेख तुसा जो सुणाया गेया थिया, से ही सुब बसेख अवे सारी दुनिया रे लोक्कां बिच सुणाया जांदा। ते जिय्यां इसने तुसा री जिन्दगी जो बदलेया थिया, जां तुसा ने पैल्ली वरी परमेश्वर रे बसेख जो सूणेया ते समजेया थिया कि तिस बिच किन्ना जादा अनुग्रह है, तिय्यां ही ए लोक्कां री जिन्दगी जो बदली करी जादा का जादा फल्ल लाया करदा है।

1 थिस्सलुनीकियों 2:18

असा ने खासतौर पर मैं, पौलुस कई वरी तुसा का आणा चाएया पर शैतान ने असा जो आणा का रोकदा रेया।

1 थिस्सलुनीकियों 4:13

ओ संगी विश्वासियों, असी ए चाह्‍ंदे कि तुसा इस गल्ल जो समझो कि जे विश्वासी भाई अवे मरी चुके रे हिन तिन्हा कने कै होणा। तुसा अविश्वासी लोक्कां सांई मत बणो। से तिन्हेरे मरणे पर बड़ा जादा मातम करदे किजोकी तिन्हेरे फिरी जिन्दे होणे री आस नी करदे।

2 थिस्सलुनीकियों 2:7

तिस दुष्ट री ताकत इस दुनिया बिच लुकी करी कम्म करेया करदी है पर कोई है जे जिस ने तिस ताकत जो रोक्की करी रख्खे रा है। ते तिसने तिस ताकत जो तां तांइ रोक्की रखणा जां तिकर से रस्ते का हटाई नी दित्तेया जाणा।

2 तीमुथियुस 4:17

पर प्रभु ही मेरे मददगार रे ते तिन्हा ने मेरे जो ताकत दित्ती जिसेरी वजह कने मैं साफ तौर पर मसीह रे बसेख रे बारे बिच प्रचार करी सकेया ते तित्ते मौजूद सारे गैर यहूदी लोक्कां ने मसीह रा बसेख सूणन ते तिन्हा ने मेरे जो मौत रे खतरे का इय्यां बचाया जिय्यां कि मैं भूख्खे शेर रे मुँह का बचाया गे रा हो।