प्रकाशित वाक्य 9:20 - चम्बयाली नौआ नियम

²⁰ बाकि मणूआं ने जे उन्हा बिमारियां कने नी मरे थिये, अपणे हत्थां रे कम्मां का तौबा नी कित्ती, कि दुष्टात्मा, अते सुन्ने चाँदी अते पीतल, अते पत्थरां, ते काठ री मूर्तां री पूजा ना करण, जे ना दिख्खी, ना सूणी, ना चली सकदी हिन।

प्रकाशित वाक्य 9:20 ပူးပေါင်းရင်းမြစ်များ

मत्ती 21:32

किजोकी यूहन्ना बपतिस्मा दैणे वाला धार्मिकता रा रस्ता दसदे होए तुसा का आया, ते तुसा ने तिसेरा विश्वास नी कित्ता पर महसुल लैणे वालेया ने ते वेश्या ने तिसेरा विश्वास करी के अपणे पाप्पां का तौबा कित्ती ते तिसेरे गलाए चलणा लग्गी पये, ते तुसा ए दिख्खी करी बाद बिच भी नी पछताए की तिसेरा विश्वास करी लिदें।

प्रेरितां रे कम्म 17:29

इधेरे तांइ परमेश्वर री औलाद होई करी असा जो ए समझणा ठीक नी, कि से दिव्य सच्चाई सोणे या चाँदी या पत्थर री बणे री मणू री सोच या मिस्रियां रे बणी री कुसकी मूर्ति जदेयी है।

प्रेरितां रे कम्म 19:26

अते तुसा दिखदे सूणदे हिन, कि सिर्फ इफिसुस सहर बिच ही नी, बल्कि सारे एशिया प्रदेश बिच ए बोल्ली करी की इस पौलुस ने बड़े मणूआं जो बहलाया फुसलाया, कि मणूआं रे हत्थां कने बणाये रे देवते सच्चे देवते नी हिन

प्रेरितां रे कम्म 7:41

तिन्हा दिनां बिच तिन्हा ने इक्क बछड़ा बणाई करी तिसेरी मूर्ति रे अग्गे कुर्बानी चढ़ाई ते अपणे हत्थां रे कम्मां बिच मगन होणा लग्गी पे

2 कुरुन्थियों 12:21

मेरे जो डर है कि जां मैं तुसा का दुबारा आणा, तां परमेश्वर मेरे जो बेज्जत ना करण, ते मेरे जो मते लोक्कां तांइ अफसोस ना करणा पे जिन्हा ने पैल्ले भिठ्ठे काम्म, व्यभिचार, ते शर्मसार करणे वाले पाप कित्ते थिये, ते तिन्हा सारे पाप्पां का तौबा नी कित्ती थी।

1 तीमुथियुस 4:1

पर पवित्रात्मा साफ-साफ दसदा कि आखरी समय बिच मते लोक्कां ने मसीही शिक्षां बिच विश्वास करणा छड्डी दैणा ते तिन्हा ने दुष्टात्मां रे गलाए चलणा ते भूत्तां री शिक्षां पर मन लाणा।

प्रकाशित वाक्य 15:1

ए सब किच्‍छ मुकी जाणे रे बाद, मैं आसमान बिच इक्क होर निशानी दिख्खी जे बड़ी अनौखी ते ड्रौणी भी थी। तित्ते सत्त स्वर्गदूत थिये जे अप्पु कने सत्त अलग किस्मे री मुसीबतां लेई करी आए रे थिये। से मुसीबतां आखरी मुसीबतां होणी, तिन्हेरे बाद परमेश्वर रा गुस्सा सांत होई जाणा।

प्रकाशित वाक्य 16:8

चौथे स्वर्गदूत ने अपणा कटोरा सूरज पर उन्धेरी दित्तेया ते तिसजो मणूआं जो आग्ग कने फुकी दैणे रा हक्क दित्तेया गेया।

प्रकाशित वाक्य 9:19

किजोकी उन्हा घोड़ेयां री ताकत तिन्हेरे मुँह, अते तिन्हेरी चूमटां बिच थी, इधेरे तांइ तिन्हेरी चूमटां कीड़ेयां सांई थी, अते तिन्हा चूमटां रे सिर भी थिये, अते इन्हा कने ही से पीड़ां दिंदे थिये।

प्रकाशित वाक्य 9:21

ते जे खून, टोणा, व्यभिचार, चोरियां, उन्हा ने कित्ती थी, तिन्हा का तौबा नी कित्ती।