प्रकाशित वाक्य 9:18 - चम्बयाली नौआ नियम

¹⁸ इन्हा तिन्नो महामरियां, मतलब आग्ग, धुआं अते गन्धक जे तिन्हेरे मुँह का निकलदी थी, मणूआं री इक्क तिहाई मारी दित्ती गई

प्रकाशित वाक्य 9:18 ပူးပေါင်းရင်းမြစ်များ

प्रकाशित वाक्य 8:10

ते तिज्जे स्वर्गदूत ने तुरही बजाई, ते इक्क बड्डा तारा जे मशाल सांई बलेया करदा थिया, स्वर्ग का टूट्टेया, इसेरे नतीज्जे रे तौर पर नदियां रे इक्क तिहाई हिस्से पर, ते पाणी रे स्त्रोतां पर आई पेया।

प्रकाशित वाक्य 8:11

तिस तारे रा नां नागदौना है। इसेरे नतीज्जे रे तौर पर जित्ते से तारा पेया थिया, तित्ते रा सारा पाणी कौड़ा होई गेया, ते पाणी रे कोड़े होई जाणे री वजह कने तित्ते मते मणू मरी गे।

प्रकाशित वाक्य 8:12

ते चौथे स्वर्गदूत ने तुरही फुक्की, अते सूरज रा इक्क तिहाई, चाँद तिहाई ते तारेयां रे इक्क तिहाई हिस्से कने किच्‍छ बड़े जोरे टकराया ते तिन्हेरा बड़ा जादा नुक्सान होया, इसेरे नतीज्जे रे तौर पर सूरज दिन रे इक्क-तिहाई समय तिकर नी चमकेया, ते चाँद ते तारे रात्ती रे इक्क-तिहाई समय तिकर नी चमके।

प्रकाशित वाक्य 8:7

पैल्ले स्वर्गदूत ने तुरही बजाई, ते खून कने मिल्ले रे औले ते आग्ग धरती पर पे। ते इसेरा नतीज्जा ए होया कि धरती रा इक्क तिहाई फुक्की गेया, ते सब हरा घा भी फुक्की गेया।

प्रकाशित वाक्य 8:8

ते दूज्जे स्वर्गदूत ने तुरही बजाई, ते कोई बड्डे फुकिंदे पहाड़ जदेई दिसणे वाली चीज समुंद्र बिच पेई गयी। इसेरे नतीज्जे रे तौर पर समुंद्र रा इक्क तिहाई हिस्सा खून बणी गेया

प्रकाशित वाक्य 8:9

ते समुंद्र बिच रैह्णे वाले इक्क तिहाई जानवरां री जान चली गयी, ते इसेरी वजह कने समुंद्र रे इक्क तिहाई जहाज भी बर्बाद होई गे।

प्रकाशित वाक्य 9:15

इधेरे तांइ शैतान रे से चार दूत कठिये। से पैल्ले का ही तैयार थिये ते तिन्हा जो इस बेल्ले, दिन, महिन्ने ते साल रा इंतजार करणे तांइ बोल्लेया गेया थिया, ते अवे से समय आई गे रा थिया। तिन्हा ने मणूआं रा इक्क-तिहाई हिस्सा मारी रखणा।

प्रकाशित वाक्य 9:17

मेरे जो इस दर्शन बिच घोड़े अते तिन्हेरे इदेय सवार दिस्से, जिन्हेरी झिलमे आग्ग, अते धुम्रकान्त, ते गन्धक सांई थी, अते तिन्हा घोड़ेयां रे सिर शेर रे सिरां सांई थिये, अते तिन्हेरे मुँहा का आग्ग, अते धुआं ते गन्धक निकलदा थिया।

प्रकाशित वाक्य 9:19

किजोकी उन्हा घोड़ेयां री ताकत तिन्हेरे मुँह, अते तिन्हेरी चूमटां बिच थी, इधेरे तांइ तिन्हेरी चूमटां कीड़ेयां सांई थी, अते तिन्हा चूमटां रे सिर भी थिये, अते इन्हा कने ही से पीड़ां दिंदे थिये।