प्रकाशित वाक्य 9:14 - चम्बयाली नौआ नियम

¹⁴ ते तिस अवाज ने तिस छठमे स्वर्गदूत जो, जिस का से तुरही थी, ए बोल्लेया कि तिन्हा चार दूत जो खोल्ली दे जे बड्डी नदी फरात रे कन्ने बन्ने रे हिन।

प्रकाशित वाक्य 9:14 ပူးပေါင်းရင်းမြစ်များ

प्रकाशित वाक्य 16:12

छेम्मे स्वर्गदूत ने पर कटोरा फरात नदी पर उन्धेरी दित्तेया ते तिसेरा पाणी सुकी गेया ताकि पूरब दिसा रे राज्जे ते तिसेरे सपाईयां तांइ रस्ता तैयार हो जाए।

प्रकाशित वाक्य 7:1

इसेरे बाद मैं चार स्वर्गदूतां जो धरती रे चार कूणेयां पर खड़ित्ते रे दिख्खेया। तिन्हा जो परमेश्वर का ए हक मिल्ले रा थिया कि चाए धरती हो या समुंद्र, से महामारी कने धरती रे लोक्कां रा नुक्सान करे। तिन्हा ने धरती रे चारो कूणेयां का हवा जो बांद्द करी दित्तेया, ताकि धरती पर, जंगला बिच ते समुंद्र पर कोई हवा ना चली सके। ते फिरी मैं पूरब दिसा बिच इक्क होर स्वर्गदूत जो दिख्खेया। तिसजो हमेसा-हमेसा तिकर जीणे वाले परमेश्वर का इक्क मौहर मिल्ले री थी। तिस स्वर्गदूत ने बाकि रे चार स्वर्गदूतां जो जोर कने हक्क लाई करी ए बोल्लेया,

प्रकाशित वाक्य 8:2

ते मैं सत्तां स्वर्गदूतां जो जे परमेश्वर रे मुहागर रेह्न्दे हिन, दिख्खेया, ते तिन्हा जो सत्त तुरहियां दित्ती गई।

प्रकाशित वाक्य 8:6

तां से सत्तों स्वर्गदूत जिन्हेरे का से सत्त तुरहियां थी, फूंकणे तांइ तैयार होई गे।

प्रकाशित वाक्य 9:15

इधेरे तांइ शैतान रे से चार दूत कठिये। से पैल्ले का ही तैयार थिये ते तिन्हा जो इस बेल्ले, दिन, महिन्ने ते साल रा इंतजार करणे तांइ बोल्लेया गेया थिया, ते अवे से समय आई गे रा थिया। तिन्हा ने मणूआं रा इक्क-तिहाई हिस्सा मारी रखणा।