प्रकाशित वाक्य 9:1 - चम्बयाली नौआ नियम

¹ अते जां पंजमे स्वर्गदूत ने तुरही बजाई, तां मैं आसमान का धरती पर तारा पैंदा दिख्खेया, अते तिसजो पताल री चाब्बी दित्ती गे री थी, जिसेरा कोई अंत नी है।

प्रकाशित वाक्य 9:1 ပူးပေါင်းရင်းမြစ်များ

लूका 10:18

इस गल्ल पर यीशु ने तिन्हा जो बोल्लेया, मैं शैतान जो आसमान का बिजली सांई थल्ले पैंदे दिख्खेया।

लूका 8:31

से यीशु रे छंदे करेया करदी थिया कि असा जो पताल बिच जाणे रा हुकम मत दिन्दे।

रोमियों 10:7

या मसीह जो मुर्देयां बिच का जिन्दा करणे तांइ, थल्ले पताल बिच कुसने उतरणा?”

प्रकाशित वाक्य 1:18

मैं जिंदा है। मैं मरी गेया थिया, पर अवे दिख, मैं हमेसा-हमेसा तांइ जिंदा है। मौत अते पताल जित्ते मरे रे लोक्कां री आत्मां रेह्न्दी, तिस पर मेरा हक है।

प्रकाशित वाक्य 1:20

मैं अवे तेरे जो मेरे सज्जे पास्से रे इन्हा सत्त तारेयां ते इन्हा सत्त सोन्ने रे धूपदान रे राज़ रा मतलब है दसणा। ए सत्त तारे से स्वर्गदूत हिन जे तिन्हा सत्त कलीसियां री रक्षा करदे, ते से सत्त धूपदान सत्त कलीसियां हिन।

प्रकाशित वाक्य 11:7

जां से दो गवाह अपणी गवाई देई बैह्णा, तां तिस ड्रोणे जानवर ने जिनिये पताल बिच का निकलणा, तिस कने लड़ी करी तिन्हा का जीत्ती जाणा ते तिन्हा जो मारी रखणा।

प्रकाशित वाक्य 17:8

जे ड्रोणा जानवर तैं अब्बे दिख्खेया, से पैल्ले कदी जिन्दा हुंदा थिया, पर अवे से मरी गे रा है, इनिये पताल का बाहर आणा ते परमेश्वर ने तिसजो हमेसा तांइ मुकाई दैणा। जे मणू धरती पर रेया करदे हिन, जिन्हेरे नां परमेश्वर ने अपणी जिन्दगी री कताब बिच नी लिख्खे रे हिन, तिन्हा लोक्कां ने तिस जानवर जो दिख्खी करी बड़ा हैरान होणा। से कदी जिन्दा हुंदा, पर अवे से मरी गे रा है, पर तिनिये फिरी वापिस आणा।

प्रकाशित वाक्य 20:1

“फिरी मैं इक्क स्वर्गदूत जो स्वर्ग का उतरदे दिख्खेया, जिसेरे हत्थ बिच पताल री चाब्बी ते इक्क बड्डी जजींर थी।

प्रकाशित वाक्य 20:10

तिन्हेरा भड़काणे वाला शैतान आग्ग ते गधंक री तिस झील बिच जिसेरे बिच से ड्रोणे जानवर ते झूठ्ठा भविष्यद्वक्ता भी होणा पाई दित्ते जाणा: ते से रात-दिन हमेसा-हमेसा तिकर तड़पदे रैह्णा।

प्रकाशित वाक्य 6:13

तारे आसमान का धरती पर इय्यां पेई गे कि जिय्यां कच्चे फल्ल बड़ी तेज हवा चलणे री वजह कने अंजीर रे बूट्टे का छुड़की पैंदे।

प्रकाशित वाक्य 8:10

ते तिज्जे स्वर्गदूत ने तुरही बजाई, ते इक्क बड्डा तारा जे मशाल सांई बलेया करदा थिया, स्वर्ग का टूट्टेया, इसेरे नतीज्जे रे तौर पर नदियां रे इक्क तिहाई हिस्से पर, ते पाणी रे स्त्रोतां पर आई पेया।

प्रकाशित वाक्य 8:12

ते चौथे स्वर्गदूत ने तुरही फुक्की, अते सूरज रा इक्क तिहाई, चाँद तिहाई ते तारेयां रे इक्क तिहाई हिस्से कने किच्‍छ बड़े जोरे टकराया ते तिन्हेरा बड़ा जादा नुक्सान होया, इसेरे नतीज्जे रे तौर पर सूरज दिन रे इक्क-तिहाई समय तिकर नी चमकेया, ते चाँद ते तारे रात्ती रे इक्क-तिहाई समय तिकर नी चमके।

प्रकाशित वाक्य 8:2

ते मैं सत्तां स्वर्गदूतां जो जे परमेश्वर रे मुहागर रेह्न्दे हिन, दिख्खेया, ते तिन्हा जो सत्त तुरहियां दित्ती गई।

प्रकाशित वाक्य 9:2

तिसने पताल जो खोलेया, अते कुंण्ड बिच का भट्टी सांई धुआं निकलेया, अते कुंण्ड रे धुएं कने सूरज अते हवा न्याहरी होई गई।